Ululahu Samuel 8:9 - Buka Blahi Ka Cheke Holo

⁹ Eghume iagho tei eni unha te magnahagheni mare na. Nu iagho cheke fakeli ka mare puhi nate eni mae king igne ka mare na. Nu ulu lahu na iagho famane cheke fakeli ka mare eigna puhi te mala funei fruni mae king na.”

Ululahu Samuel 8:9 ပူးပေါင်းရင်းမြစ်များ

Ululahu Samuel 10:25

Aonu mae Samuel ne chekedi ka naiknore nogna gloku ba unha te au nogna nolaghi mana te mala edi kate king mana na. Eghuteuna mana ne rioriso soru ka buka glepo igre. Gnafa teuna mana ne lilisei fakeli buka igne ka nogna Sugablahi Lord na. Eghuteuna mana neke kuru fapulodi naiknore ka namonodi re.

Profet Esikiel 46:18

King theome tangomana te hata kaisei glose ka nodi glose naiknore. Mana tangomana te tusu lao nogna glose thegnare ka thugna re. Iara magnahaghedi nogu naiknore te famane tajidi fabrahu nodi glose re.”

Profet Esikiel 3:18

Jame cheke eghu iara kaisei mae te diꞌa ginauna lehe, nu theome toghoni iagho mae igne te mala tuthughu puhigna mana te diꞌa na te mala fakarhini mana, mae igne ginauna lehe ka nakhibo. Nu iara ginauna para nigho iagho eigna glehegna mae igne.

Ululahu Samuel 14:52

Leuleghu fata ka nakarhagna King Sol na, mana lase magra heta fara ka naiknodi Filistia. Eghume kate filoni mana kaisei mae te nheta nei theome mhaghu teuna, mana hata mei mala loku fodu ka nogna soldia re.

Ululahu Samuel 2:13

Eghume phiamare theome leghuni puhi te doglo na ka nodi fafara naiknore. Leuleghu fata kate mei Saelo naiknodi Israel te fafara na, mare gahu vido nafnahi mala fafara ka suspen te biꞌo. Eghuteuna phiamare kuruni nodi mae gloku na mala hata foke biꞌo mala churu soru ka suspen igne. Eghuteuna kate pala haghe mana foke igne, nafnahi te chakhi ka foke igne te hata phiamare na. Phiamare eni koba nafnata puhi igne kate mei fafara naiknore.

Ululahu Samuel 8:8

Funu tifa te mei ka narane teke hata fajifladi iara Ijep kuꞌemi ghotilo ra, leuleghu fata na mare tei koko ghau iara neke leghudi kolho keha god are. Eghuteuna gognarona, mare la funu tei koko nighola iagho.

Ululahu Samuel 12:1

Aonu Profet Samuel ne cheke eghu ka naiknore, “Gognarona, iara la fablahi nihi nomi king ghotilo ia leghuni unha teke toreni ghotilo ka iara ia.

Profet Jeremaea 11:7

Funu ka narane teke atha fajifladi iara ka kantri Ijep kuꞌemi ghotilo ra te ghilei mei posa ka narane gognaro igne, iara chekeni koba igne ka mare, ‘Leghu ghau iara.’