Ululahu Samuel 8:8 - Buka Blahi Ka Cheke Holo

⁸ Funu tifa te mei ka narane teke hata fajifladi iara Ijep kuꞌemi ghotilo ra, leuleghu fata na mare tei koko ghau iara neke leghudi kolho keha god are. Eghuteuna gognarona, mare la funu tei koko nighola iagho.

Ululahu Samuel 8:8 ပူးပေါင်းရင်းမြစ်များ

Eksodas 32:1

Kate filoni naiknore Moses te au raugha fara ka thogele na te theome faghose soru na, naiknore mei ne khegra faligohoni Eron, ne cheke eghu ka mana, “Unha te thokeni Moses mae ihei teke batu ghita teke mei funu Ijep igne? Glahu keha glepo diꞌa thokeni mana jau. Eghume ghehati magnahaghei nigho iagho te horo kaisei noda god, mala ke batu ghita.”

Jajis 13:1

Ke leghu naiknodi Israel igre ne edi unha te theome keli ka tathagna Lord. Aonu Lord ne snakredi mare mala au ke parigna nodi nolaghi vikegna Filistia nabagna phiatutu finogha.

Jajis 6:1

Naiknodi Israel igre neke huhughuni Lord, aonu Lord snakredi naiknodi Midian neke funei frunidi nabagna fitu finogha.

Jajis 4:1

Ke leghugna tela lehehi Ehud igne, naiknodi Israel igre neke edi kmana puhi te diꞌa ka tathagna Lord.

Jajis 2:20

Aonu Lord ne diꞌatagna fara ka mare ne cheke eghu, “Naiknodi Israel igre huhughuni nhaꞌa cheke teke chekeni iara ka kuꞌedi mare tifa mala tathaji mare teku ia. Naugna te theome leghu ghau iara mare na,

Diutronomi 9:24

Funu ka narane te lase ghami iara te ghilei mei posa gognarogne, ghotilo theome keli ranghini Lord.

Naba 16:41

Ka keha narane na, naiknore mei ne cheke balu diꞌatadi ka Moses ghe pris biꞌo Eron ne cheke eghu, “Ei! Ghopa falehedi nogna naikno Lord re!” Eghuteuna kate cheke balu diꞌatadi te gnafa ka Moses ghe Eron na mare filo tei ka nogna Suga Tapuale te Blahi Lord na, ne filoni khoveo te toku tafru Suga Tapuale te Blahi na eghuteuna siasigla gna nogna nolaghi Lord na ne agha tongana ka vido tuana.

Eksodas 17:2

Aonu naiknore ne diꞌa tadi fara ka mae Moses, ne cheke eghu ka mana, “Tusu mei ka ghemi khoꞌu mala koꞌu ghehati!” Mae Moses ne cheke eghu ka naiknore, “Naugna unha site diꞌatami ghotilo ka iara gnea? Ba, ghotilo magnahaghei te fariu riuni nogna nolaghi Lord na sia?”

Eksodas 16:3

Naiknore ne cheke eghu ka phia mare, “Jame te keli na Lord gne jame neke falehe ghami ghehati kolho Ijep. Au teku jare ia ghehati neke au ghemi kmana nafnata gano te magnahaghedi ghehati re. Nu ghopa ne atha mei ghami ghehati ka namono nagou te theo kaisei gano gna igne neu. Ba ghopa magnahaghei ghami ghehati te mei lehe agne sia? Jame au meu ghehati Ijep me lehe meu na keli!”

Ululahu Samuel 8:7

Nu Lord ne cheke eghu ka mana, “Iagho leghuni kolho unha te ghathoni mare na. Mare theome thodo nigho iagho, nu mare thodo ghau iara. Mare theome magnahaghei ghau iara te mala nodi king mare na.

Ululahu Samuel 8:9

Eghume iagho tei eni unha te magnahagheni mare na. Nu iagho cheke fakeli ka mare puhi nate eni mae king igne ka mare na. Nu ulu lahu na iagho famane cheke fakeli ka mare eigna puhi te mala funei fruni mae king na.”

Profet Jeremaea 34:14

‘Jame kaisei gaꞌase ba kaisei mae nalhaꞌu ka mae Hibru igre sneka ka ghotilo, mana ginauna mala loku jateula naikno sneka eghu nabagna namno finogha kolho, nu ka fafitu finogha na, ghotilo snakreni mana mala snagla jifla tei.’ Nu kuꞌemi ghotilo ra mare neke tirodi fanomho ka iara, nei tirodi leghu ghau iara.

Profet Esikiel 2:3

Aonu Lord ne cheke eghu, “Maegna ka nauthoglu. Iara ginauna kuru tei nigho iagho ka naiknodi Israel. Mare theome magnahaghei ghau iara ghilei mei posa ka narane gognarogne.

Nodi Khoje Hatimare Mae Jiu 78:8

Ka puhi igne mare ginauna na theome jateula mae kmadi tifara eghu, eigna mare neke huhughuni God, nei tirodini mana neku. Hatimare neke tirodi ghatho tahuni God, nei mare neke jaola neke tirodi fatutuani ni God.