Ululahu Samuel 8:19 - Buka Blahi Ka Cheke Holo

¹⁹ Nu naiknore ne tirodi fanomho ka nogna cheke mae Samuel igre ne cheke eghu ka mana, “Theo! Ghehati magnahagheni kaisei king!

Ululahu Samuel 8:19 ပူးပေါင်းရင်းမြစ်များ

Profet Jeremaea 44:16

“Jeremaea, ghehati tiromi fanomho ka nonomho te mei toutonu iagho ka nanghagna Lord igne!

Profet Esikiel 33:31

Leuleghu fata na nogu naikno iara re tangomana te khapru mei mala fanomho ka nou cheke iagho re. Nu mare theome edi kolho unha te chekedi iagho ka mare re. Foflodi re fodu ka cheke te diꞌa, eghuteuna mare ghathodi kolho puhi te mala chaghidi naiknore te mala hata sileni na.

Profet Jeremaea 7:13

Kate edi ghotilo glepo te thono diꞌa fara igre, iara neke fariu riu cheke ka ghotilo. Nu ghotilo neke tiromi fara te fanomho ka iara na. Iara kilo ghami ghotilo leuleghu fata, nu ghotilo tiromi cheke tughu kolho.

Profet Isaia 66:4

Eghume, iara ginauna na edi puhi biꞌo te mhaghudi fara ghotilo ra mala thoke ghami ghotilo, naugna kate kilo ghami iara na, ghotilo theome cheke tughu ka iara. Eghuteuna kate cheke iara ka ghotilo na, ghotilo theome fanomho ka iara. Leuleghu fata na ghotilo tiromi leghu ghau iara, edi fabrahu ngala puhi te diꞌare.

Nodi Khoje Hatimare Mae Jiu 81:11

“Naiknodi Israel gre nogu iara, nu mare theome fanomho ka iara nei theome leghu ghau iara eghu.

Diutronomi 17:14

Aonu mae Moses ne cheke eghu, “Kate hata ghotilo glose aheva Lord, nomi God nate tusu ari ka ghotilo te mala au tagna na, ghotilo ginauna na ghaoghatho eghu, ‘Tahati nabada na jame vahini kaisei noda king mala funei fruni ghita jateula keha kantri te au faligoho ghita igre eghu.’

Ululahu Samuel 12:12

“Nu kate filoni ghotilo King Nahas gna Amon te namo mei magra baluda tahati na, ghotilo neke theome magnahagheni Lord te mala noda king tahati na, aonu ghotilo neke cheke eghu ka iara, ‘Ghehati magnahaghei kaisei king mala funei fruni ghami.’

Fapea Kings 21:9

Nu naiknodi Juda igre neke theome leghuni Lord, eghuteuna King Manase neke batudi naiknore ka nakhibo te thono diꞌa fara salaꞌudi naikno bongihehe teke goigonidi Lord kani teke hata mei mana naiknodi Israel teke au ka kantri igne.

Nodi Khoje Hatimare Mae Jiu 81:12

Eghume iara lisa laodi mala patu gama mare, mala eni mare unha te magnahagheni thedi na eghu.