Ululahu Samuel 7:6 - Buka Blahi Ka Cheke Holo

⁶ Aonu mare ne kafe khapru Mispa balugna mae Samuel mae ihei te nodi mae funei mare na. Eghuteuna mare ne krisu khoꞌu ne tofa soru ka glose na jateula fafara eghu ka Lord. Eghuteuna mare ne theome ghamu kaisei narane thongana, eghuteuna mare ne cheke thakleni eigna mare te tapla jafra fara ka tathagna Lord na.

Ululahu Samuel 7:6 ပူးပေါင်းရင်းမြစ်များ

Fapea Samuel 14:14

Tahati te gnafa na, tahati ginauna lehe. Eghuteuna gleheda tahati na jateula khoꞌu te thofa soru ka glose na ia kolho, eghuteuna theome tangomana kaisei naikno na teke hata fapulogna na tuia eghu. Nu God na theome tangomana te hata fadelei nakarhagna naikno na. Theo. Mana ginauna hironi kaisei nabrou eigna ihei te au khaba ka mana na mala ke pulo mei.

Ululahu Samuel 1:15

Nu naꞌa ne cheke eghu, “Mae biꞌo, iara theome dranga. Iara theome ko'u waen ba beer. Iara diꞌa nagnafagu fara, eghume iara tarai ka Lord. Iara cheke fajifladi unha te fadiꞌa nagnafa ghau gne.

Jajis 10:10

Aonu, mare tanhi ka Lord mala toghodi ne cheke eghu, “Lord God, iagho nomi God ghehati. Ghehati edi unha te thofno diꞌa fara ka tathamu iagho na kate tarai ghehati ka mumujugna Baal.”

Profet Joel 2:12

Neuba, Lord ne cheke eghu, “Ghotilo naiknomi Israel. Neuba puhi biꞌo igre ne thoke ghami ghotilo, iara magnahaghei ghami ghotilo te figri tagrudi nakhibomi are mala ke pulo mei ka iara. Ghotilo falalase puhi igne ka puhi dangna, diꞌanagnafa nei tanhi.”

Profet Jeremaea 9:1

Te keli na phaꞌugu iara gne mala jateula kaisei seu te fodu ka khoꞌu ra eghu. Eghuteuna tathagu iara gre mala jateula kaisei glokha khoꞌu eghu. Eghuteuna bongi narane na, iara tanhidi kheragu teke lehe ka mae naoka ra.

Nodi Khoje Hatimare Mae Jiu 106:6

Tahati gne au nakhiboda jateula ku'eda tifa ra eghu. Uve, tahati neke leghudi puhi te diꞌare neke edi glepo te diꞌare.

Nodi Khoje Hatimare Mae Jiu 62:8

Kheraguro, God na noda vido keli mala poru tahati. Eghume te keli na ghotilo fatutuani ni fabrahu mana, ghotilo cheke fajifladi puhi te biꞌo te au teu ka nagnafamire.

Luku 15:18

Iara ginauna nake jifla ke pulo ka mama. Iara ginauna na cheke eghu ka mana: Mama, iara la jafra ranghini God nei jafra ranghi nigho iagho.

Nodi Khoje Hatimare Mae Jiu 119:136

Kate filodi iara naikno te theome leghudi nou famane farirhiu iagho re, iara ne diꞌa nagnafagu fara ne tanhi.

Ululahu Kings 8:47

Jateula teke au mare ka keha kantri delei ra eghu, glahu te figri gaoghathodi mare te tarai ari ka iagho te mala cheke thakledi puhidi te diꞌa, nei nakhibodi.

Profet Esikiel 20:4

“Maegna ka nauthoglu. Ba, iagho tarabanahi te mala fatedi mare nei chekeni narane te mala paradi mare teuna? Jame te eghu na, iagho tei mala cheke faheta ka mare eidi puhi te diꞌa teke edi teke mae kuꞌedi mare tifa ra.

Lamentations 3:49

Iara ginauna na theome gnafa te tanhi fabiꞌo na,

Lamentations 2:11

Iara tanhi ghilei kabru tathagu re, naugna iara kokhoni nogudi fara naiknore. Nagnafagu na kabru fara, naugna nogu naikno iara re la dofidihi. Eghuteuna goro sua nei gegeꞌe teure jaola lehe ka glehe grofo heva heva ka nabrougna namono na.

Profet Jeremaea 31:19

Ghehati tei koko nigho, nu gognarona iagho tughuhi gaoghathomu na. Kate laseni nomi najafra na, ghehati mamaja nomi fara ne pogho soru pari phaꞌumire. Tifa na vikemi ghehati ra neke au jateula naikno majaghani neku neke edi kmana puhi te diꞌa.’

Nodi Khoje Hatimare Mae Jiu 42:3

Leuleghu fata na nogu naoka iara gre cheke eghu koba ka iara, “Ahevau nou God iagho na?” Aonu iara loku kolho ka natanhi na. Kholodi phei tathagure ngala te jateula ghegu gano teu iara bongi narane na.

Nodi Khoje Hatimare Mae Jiu 6:6

Iara eha la eha la ghilei glaꞌe soru nogu. Leuleghu bongi na iara tanhi nogu fabrahu kolho. Nogu sape na la ghilei bothu ka kholodi tathagure. Nogu kokhogu na la jaola la bothu ka kholodi tathagure.

Thoutonu Eigna Mae Job 42:6

Eghume, iara tirogu ghau thegu, eghuteuna iara gnokro lamna nakrofu nei ka gaughavu glose fagaglana gna te tughu nagnafa iara na.”

Thoutonu Eigna Mae Job 40:4

“Iagho laseni, iara theome naba te cheke na. Unha nate chekeni iara ginauna? Iara ginauna fofotho foflogu na.

Thoutonu Eigna Mae Job 33:27

Ke leghu na mae igne ginauna koje eghu ka naiknore, ‘Iara tapla jafra ka nakhibo, eghuteuna iara theome edi glepo te doglo re, nu God theome para ghau iara eidi nakhibo igre.

Thoutonu Eigna Mae Job 16:20

Mana togho ghau iara eghuteuna mana mae kheragu iara ka narane te oro soru kholodi phei tathagu iara gre, naugna iara tanhi fara ka God.

Nehemaea 9:27

Eghume naudi puhi igre, iagho neke snakredi mae naokare neke mei uludi nei paradi neku mare. Kate thoke mei puhi biꞌo igre ka mare na, mare neke tanhi ka iagho, eghuteuna iagho au neku kligna neke nomhidi nei toghodi neku mare. Naugna iagho neke kokhonidi fara mare neke kurudi keha mae lida mala fakarhidi ka nodi nolaghi mae naoka.

Fapea Kronikols 20:3

King Jehosafat nomhini igne ne mhaghu nogna fara, aonu mana ne tarai ka Lord. Mana ne fatei cheke ka naiknodi Juda mala dangna ka vido narane te mala tarai igre.

Jajis 3:10

Aonu Tharunga gna Lord na ne mei ka Otniel ne tusu lao nolaghi ka mana, eghuteuna mana batudi maedi Israel ne tei magra ne uluni King Kusan-Risataem.

Levitikas 26:40

“Nu ginauna tharaknami ghotilo mala cheke thakledi nakhibodi re, nei cheke thakledi nakhibodi kuꞌedire. Eghuteuna mare ginauna mala cheke thakledi kuꞌedi mare teke figri tagru ghau iara ra. Mare ginauna mala cheke thakledi puhidi kuꞌedi ra teke figri tagrudi iara teke ghilei kuru teidi iara ka nodi kantri nodi naoka mare re. Eghuteuna jame iheire te patu gama igre faparadi thedi, mare laseni papara igne thoke mei ka nakhibodi thedi,

Jenesis 31:49

Aonu mare ne kiloni namono igne Mispa ba Namono mala Fiofilo. Eigna mae Laban neke cheke eghu, “Kate fnota te sopa au tapa na Lord ginauna na fiofilodi puhida tapa re.

Levitikas 16:29

“Igne vetula eigna Narane biꞌo te mala Hata Fadelei Nakhibo te mala leghuni fabrahu ghotilo na. Leuleghu finogha, ka fafitu nhigra, ka fabotho narane gna na, ghotilo naiknomi Israel baludi keha naikno te au balumi ghotilo are, ghotilo te gnafa na mala thosei ghamu nei thosei eni kaisei gloku.

Ululahu Samuel 7:15

Mae Samuel ne funei ranghidi naiknodi Israel ne ghilei lehe.

Josua 18:26

nei Mispa, nei Kefira, nei Mosa,

Jajis 2:4

Kate cheke te gnafa nogna engel Lord igne ka naiknodi Israel igre na, mare te gnafa na ne kafe tanhi.

Jajis 10:15

Nu mare ne cheke eghu ka Lord, “Ghehati edi kmana glepo te diꞌa ranghi nigho iagho. Te keli na iagho eni ka ghehati unha te thofno doglo fara ka gaoghathomu iagho na. Nu ghehati magnahaghei nigho iagho te fakarhi ghami gognarona.”

Jajis 20:26

Armigna Israel igne neke figri Betel eghuteuna mare thono diꞌanagnafadi fara. Mare tanhi ne tanhi ka Lord mala toghodi, eghuteuna mare theome ghamuni kaisei glepo ne ghilei plulu naprai na. Eghuteuna mare gahu sopai nafnata fafara mala tufru soruni mana.

Ululahu Samuel 10:17

Ke leghugna igne, mae Samuel ne kilodi naiknodi Israel re mala haghe Mispa mala nomhini mare chekegna Lord na.

Ululahu Samuel 12:10

Ka narane tuare kuꞌeda tahati tura neke tanhi ka Lord mala toghodi, mare neke tarai eghu, ‘Lord, ghehati la theome leghu nigho nei la tei koko nigho eghu! Eghuteuna ghehati tarai ka mumujudi phei god, Baal ghe Astarot. Lord, fakarhi ghami nei hata fajifla ghami eghu ka nodi nolaghi nomi naoka gre, mala ke tufru soru nigho ghehati.’

Ululahu Kronikols 11:18

Thilo mae soldia te nheta fara igre nomhini igne kegra haghe ne tei ka vido aheva te au teu soldia di Filistia tagna na, eghuteuna thilo mare doglo ne tei fari hoteidi mare ne tei hata khoꞌu ka seu igne hata neke figri ka mae Devet. Nu mana ne theome koꞌu khoꞌu igne, mana ne totofa khoꞌu igne jateula kaisei nogna fafara ka Lord neu ne tarai eghu,

Thoutonu Eigna Mae Job 3:24

Kholodi phei tathagu gre te jateula ghegu gano teu iara na. Iara tanhi fabrahu kolho jateula khoꞌu te britha ra eghu.

Lamentations 5:16

Glepo teke fahaehaghedi ghehati ra, gognarona theo nafudi kolho. Kokhoni ghami fara, naugna ghehati gne tapla jafra ka nakhibo!

Profet Hosia 5:1

“Ghotilo mae pris ra, fanomho mei ka iara. Ghotilo maemi Israel ra, fanomho fakeli khulimi are ka nogu cheke iara igre. Ghotilo vikegna mae Devet ra, ghotilo fanomho mei ka iara. Nogu cheke iara igre ginauna fate ghami nei fadiꞌa ghami ghotilo eghu. Uve, kate pogho soru ghotilo ka mumuju ka namono biꞌo Mispa nei ka thogele Teboa teu igne fagaglana gna te jateula phighoro te mala falehe nanghaji ra teu ghotilo puhimi re.