Ululahu Samuel 7:3 - Buka Blahi Ka Cheke Holo

³ Profet Samuel ne cheke eghu ka maedi Israel gre, “Jame te magnahaghei figri ghotilo gaoghathomi are teke pulo ka Lord na, ghotilo koko mumuju gna gaꞌase god Astarot baludi keha god are. Eghuteuna ghotilo lisa lao nakarhami fateote'o are ka Lord, eghuteuna ghotilo mala tufru soruni mana kolho. Jame te eghu ghotilo na, mana ginauna fakarhi ghami ghotilo ka nodi nolaghi naiknodi Filistia.”

Ululahu Samuel 7:3 ပူးပေါင်းရင်းမြစ်များ

Luku 4:8

Mae Jisas ne cheke tughu eghu ka mae Satan, “Te chekeni ka grioriso te blahi ia, ‘Iagho pogho soru ranghini Lord nou God, eghuteuna loku ranghini ngala mana.’ ”

Diutronomi 13:4

Leuleghu fata na ghotilo mala loku ranghini Lord nomi God eghuteuna ghatho tahuni nei leghuni eghu kolho mana. Ghotilo mala nomhidi nogna cheke mana re, pogho soruni mana, eghuteuna ghatho tahuni mana kolho.

Matiu 4:10

Mae Jisas ne cheke eghu ka mana, “Tei delei, ghema Satan! Naugna te chekeni teu kau grioriso te blahi na, ‘Iagho pogho soru ranghini Lord nou God, eghuteuna loku ranghini kolho mana.’ ”

Diutronomi 6:13

“Ghotilo mala ghatho tahuni Lord, nomi God, mala loku ranghini kolho mana. Eghuteuna ghotilo nhaꞌa cheke kolho ka nanghagna mana.

Profet Isaia 55:7

Ghotilo iheire te leghudi puhi te diꞌa ra, ghotilo koko puhi te diꞌa tuare. Ghotilo koko gaoghatho te diꞌa tuara mala ke pulo mei ka Lord noda God, mala kokhoni ghami nei hata fadeleidi nakhibomi ghotilore eghu mana.

Josua 24:14

Josua neke cheke eghu, “Eghume, naugna igne, ghotilo mala thofno ghatho tahuni Lord ka nakarhami re, eghuteuna ghotilo mala leghuni mana, eghuteuna leuleghu fata na gaoghathomi re mala au rheta ka mana. Ghotilo mala koko god te chaichaghi teke tarai kuꞌemi ghotilo tifa Mesopotemia nei Ijep tekura. Lord na noda God tahati, eghuteuna kaisei mana ngala te mala leghuni tahati na.

Josua 24:23

Josua ne cheke eghu ka mare, “Thofno doglo fara, Lord na noda God tahati maeda Israel. Gognarona ghotilo koko nodi mumuju god mae bongihehe te au ka ghotilo are, eghuteuna ghotilo figri gaoghathomi fateote'o ka Lord noda God.”

Jone 4:24

God na mae tharunga, theome naikno. Eghume mae Tharunga te Blahi na falalase gobigna lepo te tutuani eigna mana re ka naikno te tarai lao ka mana na.”

Diutronomi 10:20

Ghotilo mala ghatho tahuni Lord nomi God, nei leghudi unha te chekedi mana re. Ghotilo ghatho tahuni kolho mana. Eghuteuna nomi nhaꞌa cheke re, ghotilo edi ka nanghagna mana kolho.

Ululahu Kings 8:48

Glahu te tei au delei mare ka nodi kantri mae naoka re, mare glahula ke ghatho fapulo ka iagho. Eghuteuna kate tarai na mare ginauna figri mei ka nodi namono teke tufa iagho ka kuꞌedi tifa ra, nei ka namono biꞌo teke vahini iagho ia, nei ka Sugablahi teke horo iara malamu iagho teku igne.

Matiu 6:24

“Theo kaisei naikno te loku ranghidi phei mae funei na. Mana ginauna magnahagheni kaisei mae funei kolho nei tirognani keha na. Mana ginauna na ghatho tahuni kaisei mae funei kolho nei na theome ghatho tahuni keha na. Eghume iagho theome tangomana te loku ranghidi God ghe dedei gna nauthoglu igne jateula phei nou funei teuna.”

Matiu 15:8

Mana neke cheke eghu: “ ‘Naikno igre fafnakno ghau iara ka chekedi kolho, nu nagnafadire theome namo ka iara.

Jajis 10:6

Eghuteuna theome raugha ke leghudi igre, naiknodi Israel igre ne funu huhughuni Lord ne tarai ka mumujudi Baal ghe Astarot. Mare jaola tarai ka nodi god naiknodi Siria, nei nodi god naiknodi Saedon, nei nodi god naiknodi Moab, nei nodi god naiknodi Amon, nei nodi god naiknodi Filistia.

Ululahu Kronikols 22:19

Eghume, gognarona ghotilo kaisei gaoghatho ngala mala leghuni gaoghathogna Lord nomi God. Gognarona ghotilo fufunu loku ka Sugablahi te mala cheke fakelini nanghagna Lord, eghuteuna ghotilo ginauna tangomana te hata te mei lilisei nogna Bokis Nhaꞌa Cheke Lord nei keha glepo blahi ra eghu ke lamnagna.”

Jenesis 35:2

Aonu mae Jekop ne cheke eghu ka khetogna nei thugna nei naikno eghu teke au balugna re, “Koko mumuju te tufru sorudi ghotilo are. Ghotilo apu mala gae nei pipichi pohe te majaghani eghu.

Profet Esikiel 18:31

Ghotilo koko puhimi te diꞌa te figri tagru ghau iara are, eghuteuna ghaoghathomi nei puhi ka nakarhami teu ghotilo are mala ke majaghani fapulo. Ghotilo naiknomi Israel ra! Naugna unha si ghotilo te magnahaghei lehe kolho gnea?

Ululahu Kronikols 28:9

King Devet ne cheke eghu ka Solomon, “Thuguo, ghatho tahuni Lord noda God. Iagho mala thofno leghuni mana, nei iagho mala sasaꞌa fara mala edi nogna gloku mana re. Lord na lasedi gaoghathoda tahatire, eghuteuna mana lasedi fara gobigna lepo te magnahaghedi tahati re eghu. Jame te hironi mana iagho na, iagho ginauna tangomana te filoni mana na, nu jame te figri tagruni iagho mana na, mana ginauna figri tagru nigho iagho fabrahu.

Proveb 16:1

Naikno na tangomana te ghaoghaho ka nagnafagna na. Nu Lord kolho tangomana te chekeni uve teuna.

Fapea Kronikols 19:3

Neuba, iagho eni unha glepo te keli na. Iagho neke kato soru mumuju gna god gaꞌase Asera, eghuteuna iagho thofno toreni God mala togho nigho.”

Jajis 10:16

Aonu mare ne lisei fadelei god teke tarai mare tadire ne loku ranghini Lord. Eghuteuna Lord ne kokhoni nognadi naiknodi Israel naugna mare ne au papara fara.

Profet Hosia 14:1

Ghotilo maemi Israel, ghotilo ke figri ka Lord nomi God, naugna nakhibo te edi ghotilo are fapari ghami ghotilo.

Fapea Kronikols 30:19

Neuba mare ne theome fagaedi thedi ka tathamu iagho na, mare fariuriu fara te mala leghu nigho iagho na Lord, nodi God kuꞌemi ghehati tifa ra.”

Jajis 2:13

Mare lisei kokoni Lord ne tarai ka god Baal ghe god gaꞌase Astarot.

Ululahu Samuel 31:10

Mare ne lilisei nogna glepo mala magra mae Sol re ka nogna Sugablahi god gaꞌase Astarot. Aonu mare ne fagefe haghe thinigna mana na ka gringni thina biꞌogna namono Bet-San.

Josua 13:31

Nohi igne jaola tei thokeni keha vidogna Gilead, baludi phei namono Astarot ghe Edrei aheva teke au King Og. Igne glose aheva teke snakre lao mae Moses ka vikegna mae Makia, thugna mae Manase.

Ululahu Kings 11:33

Iara ginauna eni igne, naugna mae Solomon baludi naiknodi Israel igre ne tei koko ghau iara, nei mare pogho soru ka god Astarot nodi god gaꞌase naiknodi Saedon, eghuteuna Kemos nodi god naiknodi Moab, eghuteuna Molek nodi god naiknodi Amon. Mare theome leghuni puhigu iara na. Eghuteuna mare theome eni unha te doglo ka tathagu iara na, mare theome leghudi nogu vetula nei nogu cheke teu iara re jateula King Devet kmagna mae Solomon teke edi tifa ra eghu.

Profet Jeremaea 24:7

Iara ginauna nhaꞌa lao gaoghatho te keli ka mare, mala tangomana mare te lase ghau iara Lord. Eghuteuna mare ginauna nogu naikno iara, eghuteuna iara nodi God mare, naugna mare ginauna nake pulo mei ka iara balu thofno gaoghathodi.

Profet Jeremaea 36:3

Jame te fanomho maedi Juda igre ka nogu cheke iara igre te tughu nagnafa mare eidi puhi te diꞌa te edi mare igre na, iara ginauna atha fadelei puhi biꞌo teke ghathoni iara mala thokedi mare teku igne. Eghume iara ginauna jaola hata fadelei nakhibodi mare igre.”

Profet Esikiel 14:6

“Eghume iagho cheke ranghidi naiknodi Israel ra, igne unha te chekeni Lord na: ‘Koko puhimi te diꞌa re! Koko mumuju te diꞌa re, eghuteuna tughu gaoghatho mala ke pulo mei ka iara!

Diutronomi 4:29

Nu ka keha namonore ghotilo ginauna hironi Lord nomi God. Eghuteuna jame te ghaoghatho fakeli ghotilo ka nomi glalase fateote'o te hironi mana na, ghotilo ginauna tangomana te filo deni mana na.

Jajis 2:11

Ka narane tuare, naiknodi Israel igre ne funu edi puhi te diꞌa ka tathagna Lord nei tarai ka god chaghi Baal.

Fapea Kings 17:39

Ghotilo ginauna mala ghatho tahu ghau iara kaisei ngala Lord nomi God, eghuteuna iara ginauna fakarhi ghami ka khamedi nomi naoka ghotilo are.”

Fapea Kings 23:15

King Josia tei ne paꞌe soru vido blahi nei olta eghu teke edi King Jeroboam, thugna mae Nebat, Betel tifa, eghuteuna mae Jeroboam neke batudi naiknodi Israel ka nakhibo. Mae Josia ne gnubra soru vido blahi igre ne vuhai nakrofu. Eghuteuna mana jaola ne gnubra mumuju gna god gaꞌase Asera jare.

Fapea Kronikols 20:33

Nu mana neke theome paꞌe soru nodi vido blahi naikno bongihehe te au ka thogele igre, eghume naiknore theome thofno ghatho tahuni nodi God kuꞌedi tifa ra.

Profet Jeremaea 4:1

Lord ne cheke eghu, “Ghotilo naiknomi Israel. Jame magnahaghei mala ke pulo mei mala teke leghu ghau iara teuna, ghotilo koko mumuju god te ghatho tahudi ghotilo are.