Ululahu Samuel 7:17 - Buka Blahi Ka Cheke Holo

¹⁷ Nu leuleghu fata na, mana ke pulo mei Rama ka nogna namono na. Eghuteuna mana jaola fatedi puhi biꞌo te edi naiknore. Eghuteuna ka namono igne mana ne eni kaisei olta mala tufru soruni Lord.

Ululahu Samuel 7:17 ပူးပေါင်းရင်းမြစ်များ

Ululahu Samuel 1:19

Hamerane boibongi ka keha narane na, mae Elikana nei tharakna gna kegra haghe ne tufru soruni Lord. Gnafa teuna reꞌe neke figri Rama. Eghuteuna mae Elikana ne thuru balugna Hana, eghuteuna Lord ne cheke tughuni nogna tharai Hana na.

Ululahu Samuel 8:4

Aonu nodi mae mala baubatu mae Israel gre ne kafe tei mala filoni mae Samuel ka namono Rama.

Ululahu Samuel 1:1

Kaisei mae nanghagna na Elikana, mana au ka namono biꞌo Rama ka thogele Efrem. Kmagna na mae Jeroham gragna mae Elihu. Mare karha mei ke leghugna gna mae Tohu, ka vike gna mae Sufu jare Efrata.

Ululahu Samuel 11:15

Aonu mare ne kafe tei Gilgal, eghuteuna mare tei ne kegra ke ulugna Lord ka vido blahi na ne chekeni mae Sol ngala te nodi king mare na. Eghuteuna mare ne eni kaisei fafara ne ghamu fodu, fagaglanagna te au fakeli mare balugna Lord. Eghuteuna ka narane igne, King Sol nei naikno te gnafa Israel igre eghu ne eni kaisei gaghamu biꞌo, mare ghamu ne glealeꞌa fara.

Jenesis 35:7

Jare mae Jekop ne eni kaisei olta, ne kiloni vido igne El Betel. Gaoghathogna na “God gna Betel.” Naugna God neke thakle ka mana jare kani teke rikhani mana mae tighagna Iso tifa ia.

Jenesis 33:20

Mae Jekop ne fakekegra kaisei olta ka vido igne ne kiloni olta igne “El Elohe Israel,” gaoghathogna na “God gna Israel.”

Ululahu Samuel 2:11

Aonu mae Elikana ghe Hana neke figri Rama, nu mae sua Samuel au neu Saelo mala toghoni pris Eli ka nogna gloku Lord.

Ululahu Samuel 9:12

Aonu gaꞌase igre ne cheke eghu, “Uve, mana na au ngala. Mana na la kulu nolo la haghehi ke ulumi ghopa gognarogne. Jame faghosei me tei ghopa meuna, ghopa ginauna tangomana te thokeni mana kate tei ghopa ka grengathagna namono na. Mana jame ao ngala thoke ngau ka namono gognaro na, naugna gognarogne, keha mae ei fafara ka vido blahi na ka thogele holo ke kosigna namono na. Eghuteuna mare ginauna ghamu fodu jare, nu mare theome tangomana te ghamu na ghilei thokeni vido te mala fablahi gna u fafara na. Jame faghose ghopa meuna, ghopa ginauna tangomana te deni mana kate theome haghe nga teu mana ka thogele na.”

Ululahu Samuel 14:35

Ka puhi igne King Sol ne eni kaisei nogna olta Lord ka vido tuana.

Ululahu Samuel 15:34

Ke leghugna igne, mae Samuel neke tei Rama, eghuteuna mae Sol neke tei Gibea.

Ululahu Samuel 28:3

Kate lehe mae Samuel na, naiknodi Israel re ne diꞌanagnafadi fara ne tanhini mana. Aonu mare ne giugiluni mana Rama ka nogna namono na. Eghuteuna king Sol neke khi fajifladi hi Israel mae nalhaꞌu ba gaꞌase te cheke ka tharungadi naikno tela lehe hi tifa re.

Profet Isaia 10:29

Mare kasa ka glogu na ne tei thuru ka namono Geba. Eghuteuna naiknodi Rama igre ne mhaghu nodi fara, naugna Geba gne namo fara ka mare. Eghuteuna naiknogna namono Gibea igne ne kafe rikha. Gibea gne neke nogna namono King Sol tifa.

Jajis 4:5

Naꞌa tangomana te gnokro ke parigna nogna gaju thubo na farihoteidi phei namono Rama ghe Betel, ka thogele ka nodi glose vikegna Efrem. Eghuteuna iheire te au nodi faripholai igre tangomana te tei filoni naꞌa mala fadoglidi nodi puhi biꞌo re.

Jajis 6:24

Eghuteuna Gidion ne horo kaisei olta mala tarai ka Lord ka vido igne, eghuteuna mana ne kiloni vido igne “Lord neke tusu mei pharikeli.” Eghuteuna olta igne au ngala namono Ofra ka nodi glose vikegna Abiesa.