Ululahu Samuel 7:16 - Buka Blahi Ka Cheke Holo

¹⁶ Leuleghu finogha na, mana tei ka thilo namono Betel, Gilgal nei Mispa. Naiknore mei koba ka mana ka thilo namono igre mala cheke fajifladi nei mala fadoglidi eghu mana nodi puhi biꞌo nei magra teure.

Ululahu Samuel 7:16 ပူးပေါင်းရင်းမြစ်များ

Nodi Khoje Hatimare Mae Jiu 75:2

God ne cheke eghu, “Iara la kulu liliseihi thofno narane te mala fatedi naiknore, eghuteuna iara ginauna fatedi naiknore ka puhi te doglo.

Jajis 12:14

eghuteuna mana au phiatutu thugna nalhaꞌu nei tolufulu gragna. Eghuteuna naugna te mae lida mare na, mare te gnafa na mare saghe ka dongki. Abdon batudi naiknodi Israel nabagna nhana finogha,

Jajis 10:4

Mae igne au tolufulu thugna nalhaꞌu, eghuteuna naugna mae igre lida, mare kafe saghe ka dongki. Eghuteuna mare reireghi tolufulu namono ke lamnagna kantri Gilead, eghuteuna nanghadi tolufulu namono igre kilodiu ngala, “Nogna Namono Jaea” ghilei mei posa ka narane igne.

Jajis 5:10

“Fanomho ka igne ghotilo mae iheire te saghe ka famane dongki vegha ra, nei ghotilo mae dedei te gnokro kolho ra, nei ghotilo mae iheire te nolo tafri kolho ra, ghotilo te gnafa na kafe ghaoghatho fakeli.

Jenesis 28:19

Mana ne kiloni vido igne Betel, gaoghathogna nangha igne sugagna God eghu. Tifa na mare neke kiloni namono igne Lus.

Jenesis 35:6

Mare mei ne posa Betel, nanghagna namono igne tifa na mare neke kiloi Lus, te au ka kantri Kenan.

Josua 5:9

Lord ne cheke eghu ka mae Josua, “Gognarona, iara na hata fadelei mamaja teke au ka ghotilo funu ka narane teke au sneka ghotilo Ijep tifa ia.” Naugna igne, mare kiloni namono igne Gilgal, gaoghathogna na, “Hata fajifla,” eghuteuna nangha igne au ngala ghilei mei posa ka narane gognarogne.

Josua 5:10

Kate au teu mare Gilgal ka sare rhegna Jeriko igne, mare ne eni kaisei Gaghamu Ghasa-Polho ka grafi nabotho fati gna nhigra igne.

Ululahu Samuel 7:5

Aonu mae profet Samuel ne fatei cheke igre ka naiknodi Israel, “Ghotilo mei mala salofodu ka namono Mispa. Jare iara ginauna na tarai ka Lord eimi ghotilo.”

Ululahu Samuel 11:14

Aonu mae Samuel ne cheke eghu ka mare, “Tahati na kafe tei Gilgal, mala chekeni te mae Sol ngala noda king tahati na.”

Profet Emos 5:5

Ghotilo thosei tei tarai ka namono biꞌo Bereseba, ba fariuriu tei hiro ghau iara ka namono biꞌo Betel, naugna namono igre ginauna groꞌe ka mae naoka. Ghotilo thosei tei tarai ka namono biꞌo Gilgal, naugna naiknodi Gilgal are ginauna tei sosolo ka namono delei.”

Josua 18:26

nei Mispa, nei Kefira, nei Mosa,

Ululahu Samuel 10:17

Ke leghugna igne, mae Samuel ne kilodi naiknodi Israel re mala haghe Mispa mala nomhini mare chekegna Lord na.

Profet Hosia 5:1

“Ghotilo mae pris ra, fanomho mei ka iara. Ghotilo maemi Israel ra, fanomho fakeli khulimi are ka nogu cheke iara igre. Ghotilo vikegna mae Devet ra, ghotilo fanomho mei ka iara. Nogu cheke iara igre ginauna fate ghami nei fadiꞌa ghami ghotilo eghu. Uve, kate pogho soru ghotilo ka mumuju ka namono biꞌo Mispa nei ka thogele Teboa teu igne fagaglana gna te jateula phighoro te mala falehe nanghaji ra teu ghotilo puhimi re.