Ululahu Samuel 7:13 - Buka Blahi Ka Cheke Holo

¹³ Aonu Lord ne toghodi soldia di Israel ne tapla faparini armigna Filistia, eghuteuna armi gna Filistia igne neke theome pulo mei magra ke lamnagna kantri Israel ka narane te kegra funei mae Samuel igre.

Ululahu Samuel 7:13 ပူးပေါင်းရင်းမြစ်များ

Jajis 13:1

Ke leghu naiknodi Israel igre ne edi unha te theome keli ka tathagna Lord. Aonu Lord ne snakredi mare mala au ke parigna nodi nolaghi vikegna Filistia nabagna phiatutu finogha.

Jajis 13:5

Eghuteuna ke leghugna narane te karha sua igne, iagho ginauna thosei kuchi khaklagna mana na, naugna funu ka narane igne iagho ginauna fablahini ka God mala kaisei Nasaraet. Eghuteuna mana ginauna funu loku mala fakarhidi naiknodi Israel ka nodi nolaghi vikegna Filistia.”

Ululahu Samuel 5:9

Nu kate hata te tei mare ka namono igne na, Lord jaola ne neneidi naiknogna namono tuana, aonu naiknore ne mhaghu nodi fara ne ghilei fagoigoli, naugna mana ne goigonidi mare balu nhuge biꞌo ka thinidi re, neubane mae kuekuꞌe ba me majaghani.

Jajis 8:28

Igne unha te eni maedi Israel te uluni armigna Midian, eghuteuna mare theome nheta naba te magrini Israel. Eghume Israel ne au ka pharikeli nabagna phiatutu finogha ne ghilei lehe Gidion.

Ululahu Samuel 12:11

Aonu Lord neke kurudi mae Gidion ghe mae Bedan, eghuteuna leghu lahu na mana neke kuru ghau iara. Tuana teke eni mana teke hata fajifla ghami ghotilo ka nodi nolaghi noda naoka ra, naugna igne te au fakelini tahati agne na.

Fapea Samuel 8:1

Kaisei fata ke leghugna igne, mae Devet tei ne thofno goigonidi mae Filistia, ne uludi mare. Eghuteuna mae Devet neke hata fapulo namono Metegama ka khamedi mae Filistia.