Ululahu Samuel 7:12 - Buka Blahi Ka Cheke Holo

¹² Eghuteuna ke leghu, mae Samuel ne lisei haghe kaisei thina biꞌo ka kaisei vido farihoteidi phei namono Mispa ghe namono Sanai. Eghuteuna mana kiloni thina igne Ebenesa, naugna mana neke cheke eghu, “Lord na togho ghita fabrahu la ghilei mei posa gognarogne.”

Ululahu Samuel 7:12 ပူးပေါင်းရင်းမြစ်များ

Fapea Korin 1:10

God neke fakarha ghami ghehati kate namo lehe na, eghuteuna mana jaola ginauna nake fakarha ghami ghehati ke leghu na. Ghehati fatutuani ni fara igne eigna mana na fakarha ghami ghehati fabrahu,

Josua 4:9

Eghuteuna mae Josua jaola ne titili nabotho phei thina fari hotei khoꞌu biꞌo ka vido teke kegra hatimare mae pris teke pala Bokis Blahi igne. Bukrei thina igne au ngala ka vido igne ghilei mei posa ka narane igne.

Mae Khuru 26:22

Nu God togho ghau iara fabrahu ngala ghilei thoke ka narane gognaro gne. Eghume iara kegra agne mala toutonuni u thofno tutuani eigna mae Jisas Kraes ranghidi naikno te gnafa te biꞌo nei ba te ikoi. Nu iara theome toutonu kaisei glepo te nhogri ka chekedi hatimare mae profet nei mae Moses eigna unha nate thoke mei.

Jenesis 22:14

Aonu mae Ebraham ne kiloni vido igne, “Lord ginauna na tusu mei ranghi ghita.” Eghuteuna gognaro ba gne tahati tangomana te kafe cheke eghu na, “Ke kligna gna thogele na Lord ginauna na tusu mei ranghi ghita unha te magnahagheni tahati na.”

Jenesis 35:14

Jare ka vido tuana mae Jekop ne fakegra haghe kaisei thina brahu ne fafara. Mana fablahi thina igne ne tofa khoꞌu nei oel neu ke kligna gna.

Ululahu Samuel 5:1

Kate hata maedi Filistia gre nogna Bokis Blahi God na, mare pala funu ka namono Ebenesa ne tei thoke ka namono Asdod.

Profet Isaia 19:19

Ka narane tuana, kaisei nogna olta Lord ginauna au ke lamnagna kantri igne, eghuteuna ka nohigna kantri Ijep igne, mare ginauna fakegra haghe kaisei thina biꞌo fagaglana gna te tufru soruni mare Lord.

Nodi Khoje Hatimare Mae Jiu 71:17

God, funu ka narane teke mae majaghanigu iara na, iagho neke farirhiu ghau iara, eghuteuna iara na chekedi fabrahu glepo biꞌo teke edi iagho ra.

Nodi Khoje Hatimare Mae Jiu 71:6

Iara fatutuani nigho fabrahu ka nakarhagu na. Funu ka narane teke karha meigu na ghilei mei posa gognarogne, kaisei iagho ngala te reireghi ghau iara fabrahu na. Eghume iara ginauna cheke fakeli nigho fabrahu.

Ululahu Samuel 4:1

Eghuteuna kate cheke mae Samuel na, tharaknagna Israel igne ne kafe fanomho ka mana. Kaisei fata, maedi Israel igre ne tei magra ka maedi Filistia. Maedi Israel igre ne lisei haghe nodi suga tapuale re ka namono Ebenesa, eghuteuna maedi Filistia gre jaola ne lisei haghe nodi suga tapuale re ka namono Afek.

Eksodas 17:15

Kate cheke te gnafa Lord na, mae Moses ne titili kaisei olta mala fafara. Mana ne kiloni olta igne, “Lord na jateula nogu greoreo eghu iara naugna mana neke togho ghau iara neke uludi nogu naoka re.”

Ululahu Samuel 7:11

Eghuteuna maedi Israel igre jifla Mispa ne ngolhidi mae soldiadi Filistia re ne tei thoke rhegna namono Bet-Ka, eghuteuna mare ne aknu falehe ne gnafa mae soldia te tei thafodi mare re.

Ululahu Samuel 14:35

Ka puhi igne King Sol ne eni kaisei nogna olta Lord ka vido tuana.