Ululahu Samuel 7:10 - Buka Blahi Ka Cheke Holo

¹⁰ Ka narane te eni mae Samuel u fafara igne, maedi Filistia gre ne kafe thugha mei mala fufunu gna magra na. Nu Lord ne famei fila ne soru poha ke klignadi mare. Aonu mare ne mhaghu nodi fara balu fagoigoli ne rikha kokodi maedi Israel.

Ululahu Samuel 7:10 ပူးပေါင်းရင်းမြစ်များ

Ululahu Samuel 2:10

Lord ginauna fatedi naikno te au ka namono te gnafa ka nauthoglu igne. Mana ginauna goigonidi nogna naoka re. Mana ginauna au kligna, mala fapoha mei fila ka mare. “Eghuteuna mana ginauna tusu lao nolaghi ka king teke vavahi mana na. Uve, mana ginauna pala hagheni nei toghoni eghu mana mala ulu fabrahu.”

Ululahu Samuel 12:17

Ghotilo laseni, narane mala ukli wit ka nagare na, eghuteuna jame te nakhete na, ginauna na goigonidi gano re. Neubane eghu ngau, iara ginauna tarai ka Lord mala kuru mei fila nei nakhete eghu mana. Eghuteuna kate thoke mei phei glepo igre na, ghotilo ginauna filo glani teke eni ghotilo kaisei glepo te diꞌa ka tathagna Lord na kani teke toreni ghotilo kaisei king ia.”

Jajis 5:20

Nathunu ka maloa na igre jaola loku fodu mala magra. Nathunu igre au ka nodi vido re magra ka funei biꞌo Sisera.

Josua 10:10

Eghuteuna kate filoni armi gna Israel igne, nodi soldia mae Amo igre mhaghu nodi fara ne rikha tafri, naugna Lord ne faromno nagnafadire. Mae Josua balu nogna armi ne aknu falehe kmana mae ka mare ka namono igne, eghuteuna ngolhidi kehare leghu nabrou ne tei posa ka thogele te mala haghe ka namono Bet-horon. Mare ngolhi leghudi ne tei aknu falehedi ne ghilei tei posa ke matadi phei namono biꞌo Aseka ghe Makeda.

Profet Sekaraea 4:6

Aonu engel igne ne cheke eghu ka iara, “Igne nogna cheke Lord ka mae Serababel: ‘Iagho nei nou naikno re eghu theome edi nogu gloku iara re ka nomi nanheta, nei ka nomi nolaghi ghotilo themi. Nu ka Tharungagu iara kolho.’ Igne nogna cheke Lord mae ihei te au nolaghi fateote'o.

Jajis 5:8

Ka narane naiknodi Israel igre te vahidi keha god delei igne, magra ne thoke mei, nu theo kaisei ka phiatutu thogha soldia di Israel te au grojo ba greoreo mala magra!

Jajis 4:15

Eghuteuna kate funu magra mare na, Lord ne famhaghuni Sisera baludi nogna soldiare, aonu mare ne chari tafri jateula naikno te nolira neu ka vido igne. Sisera ne krofu soru ka nogna chariot na ne funu rikha.

Ululahu Samuel 7:11

Eghuteuna maedi Israel igre jifla Mispa ne ngolhidi mae soldiadi Filistia re ne tei thoke rhegna namono Bet-Ka, eghuteuna mare ne aknu falehe ne gnafa mae soldia te tei thafodi mare re.

Ululahu Samuel 14:15

Eghuteuna soasopai tothoghei ka nodi armi maedi Filistia igre ne mhaghu nodi fara, neuba mare ne tei magra ba au ka suga tapuale, mare ne rhana nodi fara. Eghuteuna God ne famhaghudi maedi Filistia gre ne faꞌihodi tafri.

Nodi Khoje Hatimare Mae Jiu 29:3

Naiknore nomhini naoglagna Lord na ke kligna nhorora. Naugna nolaghi Lord na oaꞌongha jateula fila eghu, eghuteuna chekegna mana na oaꞌongha ke kligna nhorora.

Nodi Khoje Hatimare Mae Jiu 29:4

Chekegna Lord na thono nolaghi fara. Naiknore nomhini te cheke fabiꞌo Lord na ne mhaghu nodi fara.

Diutronomi 28:7

“Mana ginauna togho ghami ghotilo mala uludi nomi naoka te mei magra ka ghotilo are. Neuba naoka igre ne mei fodu ka narane te mala mei magra ka ghotilo na, mare ginauna rikha rikiraka tafri tei ka sopai nabrou.

Nodi Khoje Hatimare Mae Jiu 18:15

Kate diꞌatagna mana te cheke faheta ka nogna naokare, khotogna nhorora na thakle haghe ne kakhana. Eghuteuna famamhakugna nauthoglu na ne jaola ne kakhana kate gae na.

Nodi Khoje Hatimare Mae Jiu 78:66

Mana neke tapla sorudi nogna naokare kau magra na, neke ngolho fapulodi. Uve, mana neke famamajadi fabrahu, eghuteuna mare theome naba teke magra na.