Ululahu Samuel 6:7 - Buka Blahi Ka Cheke Holo

⁷ “Eghume, ghotilo tarabana kaisei chariot majaghani baludi phei buluka te au thudi majaghani, nu phei buluka igre theome korho chariot ngau tifa na. Ghotilo mala nhaꞌa lao nhugha ka repa mala korho repa chariot na, nu ghotilo hata fadelei phei thudi repare mala ke pulo ka nodi suga buluka re.

Ululahu Samuel 6:7 ပူးပေါင်းရင်းမြစ်များ

Fapea Samuel 6:3

Mare tei ne hata fajifla Bokis Blahi igne ka suga gna mae Abinadab ka thogele holo. Mare ne lilisei Bokis Blahi igne ka kaisei chariot majaghani. Mae Usa ghe mae Ahio phei thugna mae Abinadab igre te reireghini te tei chariot igne.

Naba 19:2

“Igne keha vetula teke chekeni Lord na: Cheke eghu ka naiknodi Israel, ghotilo mala atha mei kaisei buluka ukru te theo kaisei thuthubu ka thinigna na, nei te theome loku ghotilo tagna eghu.

Ululahu Kronikols 13:7

Mare tei ka namono Bala ne tei ruma ka sugagna mae Abinadab mae ihei te tathaji ka sugagna na Bokis Blahi igne. Mare hata Bokis Blahi igne ne nhaꞌa lao ka kaisei chariot majaghani ne tei baludi. Kate tei teu mare na, mae Usa ghe mae Ahio te saghe leghuni te tei chariot igne.

Diutronomi 21:3

Aonu, mae lida gna namono tuana tei vahini kaisei sua buluka te theome eni teu kaisei gloku.

Diutronomi 21:4

Aonu mare batuni sua buluka igne soru ka kaisei vido te au khoꞌu tagna. Vido igne theome au kaisei nagare tagna. Aonu ka vido igne nate lolhopa mare graragna na mala aknu falehe.