Ululahu Samuel 6:6 - Buka Blahi Ka Cheke Holo

⁶ Tahati mala theome thufu jateula king gna Ijep baludi nogna naiknore tifa ra eghu. Tahati theome mala ghatho ihoni puhi God teke paradi mare teke ghilei snakredi naiknodi Israel mala jifla ka nodi kantri na.

Ululahu Samuel 6:6 ပူးပေါင်းရင်းမြစ်များ

Eksodas 14:17

Eghuteuna iara ginau na famamhaku nagnafadi mae Ijep are mala ari mare ke leghumi ghotilo. Iara ginau tapla soruni mae king gna Ijep ana baludi nogna mae soldia te gnokro ka chariot, nei hose nei iheire te nonolo kolho pari teu are. Eghuteuna naikno te filoni unha te eni iara igne na, mare ginau na fafnaknoni nanghagu iara na. Mae Ijep gre ginau na laseni te kaisei Iara gne ngala Lord na!”

Eksodas 8:15

Nu kate filoni mae king teke la theohi kaisei groma jare teke la keli fapulohi gobigna lepore, mana neke maku fapulo nagnafagna na jateula teke chekeni Lord ia neu ne tirogna fanomho ka unha te chekedi mae Moses ghe mae Eron igre.

Eksodas 7:13

Mae king filoni igne ne famamhaku u nagnafa gna na jateula teke chekeni Lord ia neu ne tirogna fanomho ka mae Moses ghe mae Eron.

Eksodas 9:34

Kate filoni mae king nei hatimare nogna mae funei manare eghu teke aho na, mare neke maku fara nagnafadire.

Hibru 3:13

Nu fari totoghoi leghu narane. Eni igne gognaro kani au nomi narane ngau ghotilo, mala theo kaisei naikno te dofu nei meglini eghu naoglagna God na ka nogna chaichaghi mae Satan, mae ihei te batudi nagnafada ka nakhibo.

Letas Teke Riso Tei Mae Pol Ka Khiloau Rom 2:5

Nu ghotilo patugama fara nei theome magnahaghei tughu nagnafa. Eghume u fate ginauna biꞌo fara ke klignami ghotilo. Eghuteuna fate igne ginauna thoke mei ka ghotilo ka narane God nate falalase diꞌatagna na, nei puhigna te doglo na eghu mala fatedi naikno te gnafare.

Nodi Khoje Hatimare Mae Jiu 95:8

“Ghotilo thosei maumaku jateula teke edi ku'emi tifa ka namono nagou Meriba te kiloi Masah.

Thoutonu Eigna Mae Job 9:4

God na thofno lalase fara, eghuteuna mana nolaghi fara. Eghuteuna theo kaisei naikno te tangomana te kegra haghe te uluni mana na.

Eksodas 14:23

Hatimare mae soldia gna Ijep na ne tei ke leghudi hatimare mae Israel gre ka hose, ka chariot nei nolo kolho pari ka ghahe.

Eksodas 10:3

Aonu mae Moses ghe Eron ne leghuni chekegna Lord na ne tei filoni king, ne cheke eghu ka mana, “Nomi Lord God ghehati mae Hibru gre na ne cheke eghu: Ba? Niha fata tirou fanomho nei au fapari nigho themu eghu sagho ia? Snakredi nogu naikno iara gre mala tei pogho soru ghau iara.

Eksodas 9:16

Nu iara snakre ghami ghotilo te mala karha teu te mala falalase ari iara nogu nolaghi biꞌo na ka ghotilo, eghuteuna naiknore ginau na toutonuni nanghagu iara na ka nauthoglu gne.

Eksodas 8:32

mae king neke maku fapulo nagnafagna na neke theome snakredi naiknore.

Eksodas 4:21

Lord ne cheke eghu ka mana, “Kate figri teke posa iagho Ijep na, iagho mala kegra ke ulugna king mala edi kofubobhoi te gnafa teke tusu ari nolaghi iara mala edi iagho tekura. Nu iara ginauna farerheta nagnafagna king na, eghuteuna mana ginauna theome snakre ghami ghotilo te jifla te tei na.

Eksodas 7:14

Aonu Lord ne cheke eghu ka mae Moses, “Mae king na thofno maku fara tutuani nagnafagna na, mana na theome tangomana te snakredi naiknodi Israel gre te jifla agne Ijep na.