Ululahu Samuel 6:21 - Buka Blahi Ka Cheke Holo

²¹ Aonu mare ne kurudi keha naikno ne tei Kiriat-Jaerim mala cheke eghu, “Maedi Filistia ra kela hata kela fapulo meihi nogna Bokis Blahi Lord na, eghuteuna mare la mei lilisei ka namono ghehati na. Jame te keli na ghotilo mei hata tei ka nomi namono na.”

Ululahu Samuel 6:21 ပူးပေါင်းရင်းမြစ်များ

Josua 18:14

Fofotagna ke mosu na fufunu ka vido igne, eghuteuna lithui tei ke mata thogele biꞌo fei Bet-Horon tei posani namono Kiriat-Jaerim, ka nodi rijon vikegna Juda. Igne fofotagna rijon igne ke mosu na.

Josua 9:17

Aonu maedi Israel igre ne tei ke leghudi mare, eghuteuna ka fatilo narane na, mare ne tei posa ka nodi fati namono biꞌo mare igre, Gibeon, Kefira, Berot, nei Kiriat-Jaerim.

Profet Jeremaea 7:14

Tutuani, iara neke vahini suga igne mala tufru soru ghau iara ghotilo. Eghuteuna te ghathoni ghotilo na, suga igne ginauna togho ghami mala au fakeli. Nu te cheke fadoglo arini iara ka ghotilo na, iara ginauna na roꞌe soru suga igne jateula teke eni iara Saelo tifa ia eghu. Eghuteuna iara ginauna na jaola goigoni glose teke tusu ari iara ka mae kuꞌemi ghotilo ra.

Profet Jeremaea 7:12

“ ‘Ghotilo neke tei Saelo neke filodi unha teke edi iara ka namono biꞌo tuana. Ulu lahu na iara neke vahini namono igne mala pogho soru ghau iara mae kuꞌemi ghotilo tifa ra. Nu iara neke filoni puhi te diꞌa teke eni mare na.

Nodi Khoje Hatimare Mae Jiu 78:60

Mana neke tei kokoni nogna suga thapuale na Saelo, jare teke au mana baludi nogna naiknore.

Jajis 18:12

Kaisei bongi mare ne au rhegna Kiriat-Jaerim ke mosu Juda. Aonu mare kiloni vido igne “Mahane-Dan.” Gaoghathogna na, “Vido aheva vikegna Dan neke au katha vido.” Au ghilei mei posa ka narane gognarogne.

Josua 15:60

Eghuteuna phei namono nanghagna kaisei na Kiriat-Baal keha nanghagna na Kiriat-Jaerim, eghuteuna keha na Raba. Igre phei namono te au ka rijon tuana baludi namono ikodi te gnafa te au faligohodi mare.

Josua 15:9

Eghuteuna nohi igne funu ka vido igne tei posani glokha khoꞌu Nefutoa, eghuteuna ke tei posadi namono te au rhegna thogele Efron. Ke funu ka vido igne doglo tei ka namono Bala, keha nanghagna na Kiriat-Jaerim.

Profet Jeremaea 26:20

Tifa na kaisei mae nanghagna na mae Iuraea, mana neke toutonu ka nanghagna Lord. Mae Iuraea igne neke thugna mae Semaea, maegna ka namono Kiriat-Jaerim. Mana jaola neke cheke tibrini namono igne nei kantri igne jateula te eni mae profet Jeremaea igne neku.

Fapea Samuel 6:2

Aonu mana batudi tolufulu thogha mae igre ne tei ka namono Bala ke lamnagna kantri Juda mala ke hata fapulo nogna Bokis Nhaꞌa Cheke God na. Bokis Nhaꞌa Cheke igne mare kiloni nogna “Bokis Nhaꞌa Cheke Lord mae ihei te au nolaghi fateote'o.” Mana gnokro jateula king teu jare farihoteidi phei engel te gnokro ke kligna Bokis Blahi igne.