Ululahu Samuel 6:20 - Buka Blahi Ka Cheke Holo

²⁰ Naiknodi Bet-Semes igre tanhi ne cheke eghu, “Lord na blahi fara! Tahati theome nabada te au rhegna Lord na. Tahati na hata tei aheva si Bokis Blahi ignea?”

Ululahu Samuel 6:20 ပူးပေါင်းရင်းမြစ်များ

Profet Malakai 3:2

Nu ihei gne te nabagna te mala au heta teu ka narane nate mei mana na? Uve, theo kaisei mae nate tangomana te kegra heta kate filoni mana na. Mana ginauna na jateula mae ihei te gahu ka khaꞌaghi silva te mala khoko thonara eghu, ba jateula mae ihei te sopu nogna pohe te thona na te mala gaera eghu.

Fapea Samuel 6:9

Mae Devet ne mhaghuni Lord ka narane tuana ne cheke eghu, “Faꞌunha eghu tangomana iara te hata te mei te mala au balugu nogna Bokis Blahi Lord igne na?”

Thakle 6:17

Naugna gognaro gne, la thokenihi nodi narane biꞌo phiamare te mala para ghami ghehati na! Theo kaisei naikno te tangomana te kegra fanograni glepo igne ginauna!”

Luku 8:37

Naiknodi Gerasa re kafe mhaghu nodi fara, naugna unha teke eni mae Jisas na ne toreni mana mala jifla tei delei. Aonu mae Jisas saghe ka mola na neke pulo Galili.

Luku 5:8

Mae Simon Pita filoni igne ne pogho soru ke ulugna mae Jisas ne cheke eghu ka mana, “Lord, thosei mei namo ka iara, naugna iara naikno diꞌa.”

Nodi Khoje Hatimare Mae Jiu 76:7

God, naikno te gnafare kafe mhaghu nigho iagho. Kate diꞌatamu iagho na, theo kaisei naikno te frane te ari kegra ke ulumu iagho na.

Fapea Samuel 6:7

Lord ne diꞌatagna fara ka mae Usa, naugna mana theo kaisei nogna nolaghi te mala loku ka Bokis Blahi igne. Aonu mae Usa lehe ne khoko soru pari rhegna Bokis Blahi na.

Levitikas 11:45

Naugna iara, Lord, iara neke atha fajifla ghami ghotilo Ijep, mala tangomana iara te nomi God ghotilo na. Eghume, ghotilo mala au blahi naugna iara blahi.

Levitikas 11:44

Iara Lord nomi God ghotilo, eghume ghotilo mala klino ka tathagu iara na, eghuteuna ghotilo mala au blahi naugna iara au blahi. Eghume ghotilo thosei ghamu kaisei nafnata glepo tautagu igre nate fathona ghami ghotilo ka tathagu iara na.

Ululahu Samuel 5:7

Kate filoni igne, naiknodi Asdod gre ne cheke eghu, “Nodi God mae Israel igne la ei puhi biꞌo la thoke ghita tahati balugna noda god Degon! Eghume tahati theome magnahagheni Bokis Blahi igne.”