Ululahu Samuel 6:14 - Buka Blahi Ka Cheke Holo

^14-15 Aonu chariot igne ne posa ka nogna nagare mae Josua na, maegna ka namono Bet-Semes. Eghuteuna naꞌa mei ne snoto rhegna kaisei thina biꞌo ka vido igne. Aonu keha mae Livaet di Bet-Semes gre ne mei hata fajifla nogna Bokis Blahi Lord na ne lilisei ka thina biꞌo igne. Eghuteuna mare jaola ne lilisei ka thina tuana bokis te au mumuju gol igre. Eghuteuna maedi Bet-Semes igre ne kato chariot igne mala gaju, eghuteuna mare ne aknu falehe phei buluka igre. Eghuteuna mare ne gahu fakrono ne fafara ka Lord. Eghuteuna ka narane tuanala mare ne eni keha fafara na ka Lord.

Ululahu Samuel 6:14 ပူးပေါင်းရင်းမြစ်များ

Fapea Samuel 24:22

Aonu mae Arauna ne cheke eghu, “King, nogu funei, hata kolho sagho. Jame te magnahagheni iagho na, iagho gnubra gobigna lepo te au ka vido tuana mala tusu lao ka Lord. Iagho tangomana te gahu phei nogu buluka iara are mala fafara ke kligna olta. Iagho jaola hata phei thaba mala fanagra buluka teku iara are mala gahu fafara.

Jajis 21:4

Hamerane boibongi ka keha narane na, mare ne kaisei olta mala gahu soasopai nafnata fafara mala ke fofodu fakeli balugna Lord.

Ululahu Kings 19:21

Ke leghu mae Elisa neke pulo ka nogna nagare na. Mana ne aknu falehe phei nogna buluka ra, eghuteuna mana ne koko lao ka khaꞌaghi thaba mala plao ra, eghuteuna gahu nafnahidi phei buluka igre ka khaꞌaghi. Aonu mana ne tufa nafnahi igre ka naikno gna namono na. Gnafa teuna, mana tei ne leghuni profet Elija mala toghoni mana.

Fapea Samuel 24:25

Aonu mae Devet ne babana jare kaisei nogna olta Lord. Eghuteuna mana fafara buluka te gahu te knoro ka khaꞌaghi, nei fafara te mala au ka pharikeli balugna Lord. Aonu Lord ne cheke tughudi nodi tharai naiknore, eghuteuna theo kaisei naikno gna Israel te lehe ka fogra te thono diꞌa fara igne.

Fapea Samuel 24:18

Jaola ka narane igne, mae profet Gad tei ne filoni mae Devet, ne cheke eghu ka mana, “Iagho tei ka nogna vido mala koko khune wit mae Arauna ia, vikegna mae Jebus igne mala eni kaisei nogna olta Lord.”

Ululahu Samuel 20:29

mala snakre teini neku. Naugna tharaknagna mana re fafara ka nodi namono na. Thabusigna mana igre magnahagheni fara mana te tei na. Naugna igne te theome au mana ka gaghamu igne.”

Ululahu Samuel 11:5

Ka narane igne, mae Sol neke pulo mei funugna ka nogna nagare na baludi nogna buluka re, kate nomhidi te tanhi naiknore, mana ne ghusna eghu, “Naugna unha site tanhi ghotilo gnea?” Aonu mare ne toutonu ka mana eigna nonomho teke mei toutonu maedi Jabes igre.

Jajis 6:26

Ke leghu na, iagho famane eni fakeli kaisei nogna olta Lord ke kligna thogele te mala pogho soru ka iara. Eghuteuna iagho aknu falehe buluka igne eghuteuna kato khegra blahi igne mala gaju mala gahu buluka ke kligna olta mala fafara ka iara.”

Eksodas 20:24

“Ghotilo atha keha glose mala hohoro nogu olta iara. Eghuteuna ka olta igne ghotilo mala fafara sipu, nanigot nei buluka eghu ka vido aheva teke vahini iara ranghi ghami ghotilo te mala pogho soru ranghi ghau na. Jame te eni ghotilo igne ka vido aheva teke vahini iara te mala pogho soru ranghi ghau na, iara ginau na soru mei mala fablahi ghami ghotilo.

Ululahu Samuel 6:13

Ka narane tuare, naiknodi Bet-Semes igre ukli wit neu ka nagare mare te au ka sare pari na. Eghuteuna kate filoni mare Bokis Blahi igne, mare ne kelitadi fara.