Ululahu Samuel 6:12 - Buka Blahi Ka Cheke Holo

¹² Gnafa teuna, phei buluka igre ne funu nolo, nu repa ne theome tei tafri. Repa leghuni nabrou na doglo ne tei Bet-Semes. Eghuteuna kate nolo te tei na, repa eha ne tei. Eghuteuna glima king di Filistia igre leghudi repa ne ghilei tei posa ka nohigna namono Bet-Semes.

Ululahu Samuel 6:12 ပူးပေါင်းရင်းမြစ်များ

Naba 20:19

Aonu maedi Israel ne cheke eghu, “Ghehati na leghuni kolho nabrou biꞌo na, eghuteuna jame te koꞌu, ba nomi gobi lepo te tautagu ghehati igre koꞌu ka seu ghotilo re, ghehati ginauna foli ka ghotilo. Ghehati magnahaghei tei salaꞌuni kolho nou vido iagho gne.”

Ululahu Samuel 6:9

Eghuteuna ghotilo filo fakeli ka repa mala laseni jame hata doglo te tei repa Bokis Blahi igne ka namono Bet-Semes ka nogna kantri na. Jame te eghuna, tuana gaoghatho teke au ka Lord te mala goigoni ghita tahati na. Nu jame theome doglo te tei repa ka vido tuana na, nodi God mae Israel gre neke theome kuru meini puhi biꞌo igne ka tahati.”

Ululahu Samuel 6:11

Eghuteuna mare ne lilisei Bokis Blahi igne balugna keha bokis te au mumuju gol tagna na.

Ululahu Samuel 6:13

Ka narane tuare, naiknodi Bet-Semes igre ukli wit neu ka nagare mare te au ka sare pari na. Eghuteuna kate filoni mare Bokis Blahi igne, mare ne kelitadi fara.

Eksodas 8:15

Nu kate filoni mae king teke la theohi kaisei groma jare teke la keli fapulohi gobigna lepore, mana neke maku fapulo nagnafagna na jateula teke chekeni Lord ia neu ne tirogna fanomho ka unha te chekedi mae Moses ghe mae Eron igre.

Josua 15:10

Nohi igne lithui tei ke mosu namono Bala, eghuteuna doglo tei ka thogele Idom, eghuteuna tei salaꞌu ke raru thogele Kiriat-Jaerim. Keha nanghagna thogele igne Kesalon. Ke getu soru tei posa ka namono Bet-Semes, eghuteuna tei salaꞌuni namono Timna.

Ululahu Kings 4:9

Mae Bendeka, mana mala reireghidi fati namono biꞌo igre: Makas, Salbim, Bet-Semes nei Elon-Bet-Hanan.