Ululahu Samuel 6:1 - Buka Blahi Ka Cheke Holo

¹ Nogna Bokis Blahi Lord igne ne au nabagna fitu nhigra Filistia.

Ululahu Samuel 6:1 ပူးပေါင်းရင်းမြစ်များ

Nodi Khoje Hatimare Mae Jiu 78:61

Mana neke snakredi mae naokare neke mei atha Bokis Blahi Nhaꞌa Cheke na. Bokis igne kaisei fagaglana gna nogna nolaghi God na.

Ululahu Samuel 5:3

Hamerane boibongi ka keha narane na, naiknodi Asdod igre tei ka Sugablahi na ne filoni mumuju gna Degon igne ne uka pari. Aonu tathagna nei foflogna teu mumuju igne ne tufru soru pari ka glose na ke ulugna nogna Bokis Blahi Lord na. Mare pala haghe mumuju igne ne lilisei fakeli ka mala au gna na.

Ululahu Samuel 5:1

Kate hata maedi Filistia gre nogna Bokis Blahi God na, mare pala funu ka namono Ebenesa ne tei thoke ka namono Asdod.

Ululahu Samuel 5:12

Eghuteuna naikno te nhuge nu theome lehe teu igre kabru ghedi fara ne tanhi fabiꞌo ka nodi god thedire mala toghodi.

Ululahu Samuel 6:2

Eghuteuna naiknodi Filistia igre ne kilodi hatimare mae pris nei keha mae kastom eghu, naiknore ne ghusna eghu ka mare, “Tore! Na faꞌunhani si tahati Bokis Blahi ignea? Jame teke hata fapulo tahati ka namonogna na, na faꞌunhani eghu tahati eni gna na?”