Ululahu Samuel 5:10 - Buka Blahi Ka Cheke Holo

¹⁰ Aonu mare hata ne tei Bokis Blahi igne Ekron, keha nodi namono mae Filistia. Kate pala mare Bokis Blahi igne te tei thoke Ekron na, naiknogna namono igne ne eha eghu fabiꞌo, “Sei! Mare hata mei nodi Bokis Blahi mae Israel igne ka noda namono tahati gne. Mare jau magnahaghei te falehe ghita tahati sini!”

Ululahu Samuel 5:10 ပူးပေါင်းရင်းမြစ်များ

Profet Emos 1:8

Iara ginauna aknu falehe naiknogna namono biꞌo Asdod. Eghuteuna iara ginauna jaola aknu falehe king gna namono Askelon. Iara ginauna na roꞌeni namono biꞌo Ekron, eghuteuna iara ginauna falehedi gnafa naikno te karha teu ka kantri Filistia.” Igne chekegna Lord.

Fapea Kings 1:2

Kaisei narane, mae Ahasaea king gna Israel uka ne ghoreho ka nogna suga na Samaria. Aonu mana kurudi keha mae nogna mae gloku mala tei ka namono Ekron ka kantri Filistia mala toreni Baal-Sebub, nodi god mae Ekron, mala laseni nake keli ba theo teuna.

Jajis 1:18

Lord ne toghoni vikegna Juda mala uluni mare vido glose holo ka thogelero. Nu mare theome tangomana te uludi thilo namono Gasa, Askelon nei Ekron nei namono rhedi thilo namono igre. Naugna namono igre au nodi chariot mala magra te au wil aean tadi.

Josua 15:45

Eghuteuna keha nodi namono langau mare re igre, Ekron baludi namono ikodi te au faligoho re,

Ululahu Samuel 5:9

Nu kate hata te tei mare ka namono igne na, Lord jaola ne neneidi naiknogna namono tuana, aonu naiknore ne mhaghu nodi fara ne ghilei fagoigoli, naugna mana ne goigonidi mare balu nhuge biꞌo ka thinidi re, neubane mae kuekuꞌe ba me majaghani.

Ululahu Samuel 5:11

Aonu mare ne kurudi keha mae mala tei cheke eghu ka mae funeidi Filistia, “Ghotilo hata ke pulo Bokis Blahi igne ka namonogna na, mala theome tangomana nodi God mae Israel te falehe ghita na!” Naiknogna namono igne ne kafe mhaghu nodi fara, naugna God ne goigonidi fara naiknore.

Fapea Samuel 7:9

Funu tifa, ka vido aheva te tei iagho na, iara au balumu iagho fabrahu. Neuba iagho ne tei ka magra, iara uludi koba nou naoka iagho ra. Eghume iara ginauna togho nigho mala hata nafnakno biꞌo jateula nodi nafnakno mae biꞌo ka nauthoglu igne eghu.

Josua 15:11

Nohi igne ke tei posa ke raru ka thogele Ekron, eghuteuna ke figri tei ka namono Sikeron, eghuteuna ke salaꞌuni thogele Bala, eghuteuna ke tei thokeni namono Jamnia, eghuteuna tei gnafa ka Thongna Mediterenian.

Ululahu Samuel 6:1

Nogna Bokis Blahi Lord igne ne au nabagna fitu nhigra Filistia.

Ululahu Samuel 17:52

Ka narane igne, hatimare mae soldia di Juda nei Israel teu igre ne thagru fabiꞌo ne ngolhi leghudi ne tei posa ka namono Gat, nei ke kosi namono Ekron. Mare ne aknu falehe kmana mae soldia di Filistia ne chara tongana ka nabrou te soru funu Saraem te tei posa Gat nei Ekron.

Ululahu Kronikols 7:21

Thugna mae Tahat na mae Sabad. Thugna mae Sabad na mae Sutela. Eghuteuna mae Efrem neke au phei thugna nalhaꞌu, mae Esa ghe mae Elead. Phei mae igre neke fariuriu blau nodi buluka naiknodi Gat. Aonu mare ne aknu falehedi phiamare.

Profet Emos 6:2

Ke leghugna te tei filoni namono biꞌo Kalneh na, ghotilo tei ne filoni namono biꞌo Hamat. Eghuteuna ghotilo lithui tei mala filoni namono biꞌo Gat ka kantri Filistia. Nu ghotilo theome tangomana te lasedi namono biꞌo igre te nheta ba nate ulu ghami ghotilo te au ka phei kantri Israel ghe Juda.