Ululahu Samuel 4:4 - Buka Blahi Ka Cheke Holo

⁴ Aonu mare ne kurudi keha mae mala tei Saelo, mala pala mei Bokis Blahi na. Phei thugna mae Eli, Hofni ghe mae Finihas, phiamare ne mei balugna Bokis Blahi aheva siasiglagna Lord mae ihei te au nolaghi fateote'o na gnokro jateula king eghu farihoteidi phei engel igre.

Ululahu Samuel 4:4 ပူးပေါင်းရင်းမြစ်များ

Fapea Samuel 6:2

Aonu mana batudi tolufulu thogha mae igre ne tei ka namono Bala ke lamnagna kantri Juda mala ke hata fapulo nogna Bokis Nhaꞌa Cheke God na. Bokis Nhaꞌa Cheke igne mare kiloni nogna “Bokis Nhaꞌa Cheke Lord mae ihei te au nolaghi fateote'o.” Mana gnokro jateula king teu jare farihoteidi phei engel te gnokro ke kligna Bokis Blahi igne.

Nodi Khoje Hatimare Mae Jiu 80:1

God, leuleghu fata na iagho reireghi ghami ghehati naiknomi Israel jateula nou sipu teu iagho gre. Fanomho mei sagho ka ghehati, eigna iagho nodi king hatimare mae engel.

Naba 7:89

Uve, leuleghu fata na mae Moses tei mala cheke balugna Lord ke lamnagna Suga tapuale te Blahi na, eghuteuna mana ne nomhini naoglagna Lord te cheke mei farihoteidi phei engel te toku tafru nogna Bokis Blahi Nhaꞌa Cheke Lord na.

Nodi Khoje Hatimare Mae Jiu 99:1

Lord na King! Kate funei fruni mana naiknore thono mhaghuni fara mana. Mana gnokro ka nogna sape nafnakno na fari hoteidi phei engel, eghuteuna u nauthoglu na nghali kate kilo fnaknoni mana.

Fapea Kings 19:15

Mana ne tarai eghu ka Lord, “Lord nodi God mae Israel! Iagho gnokro ka nou sape nafnakno na farihoteidi phei engel, kaisei iagho ngala God te funei frunidi kantri te gnafa ka nauthoglu igne. Iagho neke vuavuhadi maloa ghe nauthoglu igre.

Profet Malakai 1:9

“Ghotilo mae pris gre cheke eghu koba, ‘Tahati tore ka God mala kokhoni ghita nei togho ghita eghu mana!’ Tore, iara tirogu ghami ghotilo. Iara theome kokhoni ghami ghotilo! Naugna ghotilo atha mei ka iara fafara te diꞌa tuare.

Ululahu Samuel 2:22

Ka narane igre, mae Eli gne la kuekuꞌe fara, eghuteuna leuleghu fata na mana nomhidi thoutonu eidi unha te edi phei mae thugna re ka naiknore, nei puhi te thuru fodu phiamare baludi goro gaꞌase te loku ka grengathagna nogna Sugablahi Lord na.

Naba 4:15

“Kate tarabana ghotilo mala tei ka keha vido re, mae ka vikegna mae Kohat kolho mala pala gobi lepo tuare. Nu ulu lahu na, mae Eron baludi phei thugna re eghu kolho te mala kaikalitidi gobi lepo tuare, naugna vikegna mae Kohat gre theome tangomana te habo ka glepo blahi tuare. Ne habo nga mare nu, mare ginauna lehe.

Naba 4:5

Eghuteuna kate tei ghotilo ka keha vido re, thilo mae pris, mae Eron baludi phei thugna re eghu kolho te mala kulu jugru ke lamnagna Suga Thapuale te blahi igne mala kaikalitidi glepo te au tagna re. Thilomare ginauna atha koko pohe biꞌo te fofothogna chogho te blahi te au gna bokis blahi na. Eghuteuna ke atha pohe biꞌo gne mala toutoku bokis blahi tuana.

Ululahu Samuel 1:24

Kate biꞌohi sua na, Hana hata ne tei thugna na Saelo ka sugagna Lord, naꞌa hata kaisei sua buluka nalhaꞌugna te thilo finogha gna, katha kilo flaoa, nei kaisei botol waen.

Fapea Samuel 15:24

Ka narane igre, pris Sadok nei keha mae Livaet eghu pala nogna Bokis Blahi Nhaꞌa Chekegna God na ne haghe ka thogele na ne nhaꞌa soru pari. Eghuteuna pris Abiata au neu ka Bokis Blahi igne ne ghilei jifla fahui naiknore Jerusalem.

Profet Isaia 37:16

“Lord, iagho mae ihei te au nolaghi fateote'o! Iagho nomi God ghehati maemi Israel, iagho King mae ihei te gnokro ka sape nafnakno farihoteidi phei engel. Iagho ngala thofno God te tutuani na, eghuteuna iagho funei frunidi kantri te gnafa ka nauthoglu igne. Iagho neke vuavuhadi maloa ghe nauthoglu igre.

Nodi Khoje Hatimare Mae Jiu 80:2

Fatakle meini sagho nou nolaghi na ka ghehati vikegna mae Efrem, nei vikegna mae Benjamin, nei vikegna mae Manase. Fatakle mei sagho nou nolaghi na ka ghehati hui. Uve, mei sagho mala fakarhi ghami ka khamedi mae naoka gre.