Ululahu Samuel 4:3 - Buka Blahi Ka Cheke Holo

³ Kate pulo mei ka namono na maedi Israel teke theome lehe ka magra igre na, nodi mae mala baubatu re ne cheke eghu, “Naugna unha si Lord te snakredi maedi Filistia gre te ulu ghita tahati gognaro gnea? Tahati na kafe tei Saelo mala pala mei nogna Bokis Nhaꞌa Cheke Lord ia. Eghuteuna kate tei tahati ka magra na, Lord ginauna tei baluda tahati mala togho ghita, eghuteuna mae naoka re ginauna theome tangomana te ulu ghita tahati na.”

Ululahu Samuel 4:3 ပူးပေါင်းရင်းမြစ်များ

Letas Teke Rioriso Mae Jud 1:5

Neubane lasedihi ghotilo igre, iara magnahaghei ghami ghotilo teke ghatho fapuloni noda Lord teke fakarhidi naiknodi Israel, ka teke hata fajifladi mana Ijep. Nu ke leghugna igne mana neke falelehe fahui iheire teke theome fatutuani nei theome leghuni chekegna.

Ululahu Pita 3:21

Eghuteuna khoꞌu igne kaisei fagaglana ranghi ghita eigna apublahi. God gognaro na fakarha ghami ghotilo ka khoꞌu naugna mae Jisas Kraes na kela karha fapulohi. Jaola, apublahi gne theome mala tihi koko thona ka thinimi ghotilo re, nu mala eni ghotilo kaisei nhaꞌa cheke ka God ka thofno gaoghatho te tutuani.

Hibru 9:4

Ke lamnagna u chogho igne mare lilisei kaisei tevo te hohoro ka gol mala gahu insens ka God, nei kaisei bokis fagaglana gna nogna nhaꞌa cheke God na. U bokis tuana ghiha gol ke kosi. Ke lamnagna bokis na, au phei thabasoa teke riso soru God nogna vetula na. Jaola mare tathaji kaisei botol gol, ke lamnagna botol tuana au katha vido gano gna tifa teke mei funugna ka God te kiloi ‘manna’, nei nogna khodo mae Eron te kotu khakla na au la jare.

Fapea Timoti 3:5

Mare ginauna tei tarai koba ka suga tharai, nu mare na theome magnahagheni nogna nolaghi God na te mala funei frunini nakarhadire. Iagho au fadelei ka nafnata naikno tuare.

Profet Jeremaea 7:4

Thosei fatutuanidi cheke chaichaghi na theome lehe ghotilo teu koba naiknore igne, naugna nogu Sugablahi iara na au agne Jerusalem.”

Profet Jeremaea 3:16

Ghotilo ginauna na vuragha ka kantri igne. Eghuteuna ka narane igne, ghotilo ginauna na theome cheke eigna nogu Bokis Nhaꞌa Cheke iara teke atha ghotilo tifa ia. Eghuteuna ghotilo ginauna nake theome eni kaisei Bokis Nhaꞌa Cheke.

Profet Isaia 58:3

Nu mare cheke eghu koba ka iara, ‘Lord, filo mei ghami ka vido te theome ima nei nhaꞌa fapari ghami themi teu gre, naugna unha sagho te theome eni kaisei glepo te mala togho ghami ghehati gnea?’ ” Nu iara Lord ne cheke eghu ka mare, “Uve, tutuani fara te theome ima ghotilo te mala ghatho tahu ghau iara teu nu eni fabrahu ghotilo unha te magnahagheni themi na teuna, ghotilo paradi fabrahu nomi mae glokure.

Profet Isaia 50:1

Lord ne cheke eghu, “Ghotilo naiknomi Israel. Ba, ne tei koko ghamihi iara jateula mae ihei te tei kokoni khetogna na ia neu jau si ghotilo? Aheva gneu pepa te mala koko gaꞌase na? Ba, ne foli ghamihi iara ka naiknodi keha kantri are mala falehe kaoni mala naikno sneka eghu? Theo. Mare neke atha ghami ghotilo neke tei ka keha kantri delei naugna ghotilo ne edi kmana nakhibo fara. Eghuteuna iara theome magnahaghei ghami ghotilo naugna puhimi ghotilore thono diꞌa fara.

Nodi Khoje Hatimare Mae Jiu 74:11

Iara tore nigho iagho mala goigonidi nou mae naoka gre!

Nodi Khoje Hatimare Mae Jiu 74:1

God, naugna unha sagho te figri tagru ghami ghehati gnea? Ghehati gne jateula nou sipu eghu iagho kolho! Ba? Iagho ginauna diꞌatamu fabrahu ka ghehati sia?

Ululahu Kronikols 17:1

Kate au teu ka nogna suga biꞌo na, King Devet ne cheke eghu ka Profet Natan, “Iara gognarona au ka famane suga biꞌo teke horo ka thaba gaju sida, nu nogna Bokis Blahi Lord na au kolho ka suga tapuale.”

Fapea Samuel 15:25

Aonu king ne cheke eghu ka mae Sadok, “Ghotilo ke hata fapulo Bokis Blahi igne Jerusalem. Jame te kelitagna Lord ka iara na, mana ginauna nake hata fapulo ghau iara mala ke filoni iara Bokis Blahi igne balugna suga tapuale te au tagna na.

Ululahu Samuel 14:18

Ka narane igne, armigna Israel na ne pala nogna Bokis Blahi Lord na baludi ne tei ka magra. Mae Sol ne cheke eghu ka Pris Ahaeja, “Hata mei Bokis Blahi ia.”

Josua 7:7

Ka vido igne, mae Josua ne tarai, “Lord iagho nomi mae funei ghehati! Naugna unha sagho te hata fakasa mei ghami ghehati agne ka Khoꞌu biꞌo Jordan igne te lisa lao ghami ka vikegna mae Amo igre te mala falehe ghami gnea? Jame te keli na ghehati au neku kolho ka keha phile Khoꞌu biꞌo Jordan.

Josua 4:7

Tahati ginauna cheke eghu ranghidi, ‘Igne tuthuana eigna narane teke pala mae pris nogna Bokis Blahi Nhaꞌa Cheke Lord na teke kasa ka Khoꞌu biꞌo Jordan igne, eghuteuna khoꞌu biꞌo igne neke krango. Thina igre ginauna au fabrahu ka vido igne, eghuteuna iheire nate karha mei ke leghuda tahati re ginauna ghathoni fabrahu unha teke eni ka tahati ka vido igne.’ ”

Diutronomi 31:26

“Ghotilo hata nogna Buka vetula Lord nomi God igne tei lilisei rhegna nogna Bokis Blahi Nhaꞌa cheke mana na. Igne jateula kaisei witnes eghu ka ghotilo naiknomi Israel jame te leghudi ghotilo puhi te diꞌa re.

Diutronomi 29:24

Eghuteuna naiknodi keha namono are ginauna ghusna eghu, ‘Naugna unha si Lord te goigoni glose ignea? Naugna unha si mana te diꞌatagna fara gnea?’

Naba 31:6

Mae Moses ne kuru teidi mare mala tei ka magra na. Aonu mae Moses jaola ne vahini mae pris Finehas, thugna mae pris Eleasa na mala tei baludi mare. Mae Finehas gne mala atha tei keha glepo te blahire baludi keha trampet ka magra na.

Naba 10:35

Leuleghu fata kate pala te tei mare bokis blahi igne, mae Moses ne tarai eghu, “Lord, snakredi nou mae naoka re mala sopa au mare thedi. Iara tore nigho mala edi iagho keha glepo mala rikha tafri naikno te theome magnahaghei nigho are!”

Naba 10:33

Kate jifla kokoni mare Thogele Sanai na, mare ne nolo nabagna thilo narane. Nu mare ne kulu pala ne tei nogna Bokis Blahi Nhaꞌa Cheke Lord na, mala tangomana Lord te falalase namono te mala au mare tagna na.

Josua 6:6

Aonu mae Josua thugna mae Nun igne ne kilodi hatimare mae pris igre ne cheke eghu ka mare, “Ghotilo fitu mae pris te hata khufli teke horo ka hona sipu ra, ginauna tei ke uludi mae pris te pala nogna Bokis Blahi Nhaꞌa Cheke Lord igre.”

Josua 7:8

Lord, iara theome laseni unha nate chekeni gognarona. Naugna nomi naoka ghehati gre la ulu ghami, nei ngolhi fapulo ghami eghu ghehati.

Ululahu Samuel 1:24

Kate biꞌohi sua na, Hana hata ne tei thugna na Saelo ka sugagna Lord, naꞌa hata kaisei sua buluka nalhaꞌugna te thilo finogha gna, katha kilo flaoa, nei kaisei botol waen.

Ululahu Samuel 4:2

Eghuteuna maedi Filistia igre jifla mei ne magra ka maedi Israel. Mare magra heta ne aknu falehe fati thogha maedi Israel.

Profet Isaia 59:1

Tutuani fara, Lord na au nolaghi biꞌo te mala fakarhi ghami ghotilo na. Mana tangomana te fanomho kate tore ghotilo mala togho ghami teuna.

Profet Isaia 59:2

Nu nakhibomi ghotilo re fota ghami ka Lord. Eghuteuna mana fofotho phei khulignare, naugna eidi puhimi ghotilo te diꞌa igre.