Ululahu Samuel 4:18 - Buka Blahi Ka Cheke Holo

¹⁸ Aonu kate nomhini igne, mae Eli ne uka faleghu ka nogna chea na rhegna grengatha gna namono na. Mana khoko soru ka glose na ne klopa grara na ne lehe, naugna mana thono kuekuꞌe fara, nei jaola blokha fara. Mae Eli neke funei ka naiknodi Israel phiatutu finogha.

Ululahu Samuel 4:18 ပူးပေါင်းရင်းမြစ်များ

Nodi Khoje Hatimare Mae Jiu 69:9

God, leuleghu fata na iara thono ghatho tahuni fara nou Sugablahi iagho gne, eghuteuna leuleghu fata na gaoghatho igne loku fabrahu ke lamnagu iara jateula khaꞌaghi eghu. Thua cheke te diꞌa te edi mare ranghi nigho iagho igre, fadiꞌa ghau iara.

Nodi Khoje Hatimare Mae Jiu 42:10

Nodi cheke mae te diꞌa fara are ngala te jaꞌi ghau iara re. Leuleghu fata na mare cheke eghu koba ka iara, “Aheva gne nou God iagho na?!”

Nodi Khoje Hatimare Mae Jiu 42:3

Leuleghu fata na nogu naoka iara gre cheke eghu koba ka iara, “Ahevau nou God iagho na?” Aonu iara loku kolho ka natanhi na. Kholodi phei tathagure ngala te jateula ghegu gano teu iara bongi narane na.

Nodi Khoje Hatimare Mae Jiu 26:8

Lord, iara magnahagheni fara te au ka sugamu iagho na, ka vido aheva te au siasiglamu iagho na.

Ululahu Samuel 4:13

Mae Eli gnokro ka nogna chea na filo neu ka nabrou na, naugna mana nanga nogna fara ka nogna Bokis Blahi Lord na. Aonu mae soldia te rikha igre ne toutonu eigna magra igne ka naiknogna namono na. Aonu kate nomhini igne, naiknore ne thono mhaghu nodi fara ne eha fabiꞌo.

Levitikas 10:3

Aonu mae Moses ne cheke eghu ka mae Eron, “Igne gaoghatho gna unha teke cheke eghu Lord ia: “ ‘Iara ginauna fakakhana te blahi iara ka iheire te mei namo ka iara na. Eghuteuna nogu naikno iara gre ginauna fafnaknoni nogu nolaghi iara na.’ ” Nu mae Eron ne au kmu kolho.

Ululahu Samuel 4:17

Mae igne ne cheke eghu, “Kmana mae noda soldia tahati ra la lehe, eghuteuna ghehati mae te karha teu aro ne rikhani armi gna Filistia na. Eghuteuna keha glepo na, phei mae thumu iagho ra la jaola lehe, eghuteuna maedi Filistia ra hata la tei nogna Bokis Blahi Lord ia.”

Ululahu Samuel 4:19

Ka narane tuare, khetogna mae Finihas na bukla namo karha neku thugna na. Kate nomhini naꞌa te hata mae soldia di Filistia gre nogna Bokis Blahi Lord na, eghuteuna khetogna ghe ivagna re kafe lehe ka magra teuna. Naꞌa funu kabru thugna na ne namo lehe, eghuteuna goro gaꞌase te toghoni naꞌa igre ne cheke eghu, “Iagho thosei mhaghu! Iagho au kaisei thumu nalhaꞌu!” Nu naꞌa ne theome fanomho ka reꞌe nei jaola theome chekehi.

Jajis 15:20

Samson batudi naiknodi Israel nabagna varadaki finogha, nu maedi Filistia funei fruni ni Israel.