Ululahu Samuel 4:12 - Buka Blahi Ka Cheke Holo

¹² Kaisei mae ka tharaknagna mae Benjamin teke rikha ka magra na, mana ne tei posa Saelo ka narane tuanala. Mana ne rerheku nogna pohe na ne ghiha glose ka phaꞌugna na fagaglana te diꞌanagnafa na.

Ululahu Samuel 4:12 ပူးပေါင်းရင်းမြစ်များ

Josua 7:6

Kate nomhini mae Josua baludi mae mala baubatudi Israel igre nonomho igne, mare ne diꞌanagnafadi fara. Aonu mare ne rerheku nodi pohere balu ghiha nakrofu ka phaꞌudire, fagaglanagna nodi diꞌanagnafa na. Ke leghu, mare tei ne pogho soru pari ka glose na tathadi nei foflodi teure ke ulugna nogna Bokis Nhaꞌa Cheke Lord na ne ghilei rafi.

Thoutonu Eigna Mae Job 2:12

Kate au teu delei te filo teini mae Job na, mare ne theome filo glani mana. Aonu mare ne funu tanhi fabiꞌo, mare rerheku nodi pohere, eghuteuna ghiha nakrofu ka phaꞌudire naugna mare ne thofno diꞌa nagnafadi fara ka mana.

Nehemaea 9:1

Ka varadaki fati narane ka nhigra tuanala, naiknodi Israel igre khapru mala theome ghamu, nei pipichi ka pohe thona, nei ghiha nakrofu ka phaꞌudi re eghu, fagaglana gna te diꞌanagnafa eidi nakhibodi re.

Fapea Samuel 15:32

Mae Devet haghe ka thogele Oliv ne tei ka vido blahi te mala tarai ka God na. Mae Devet ne thafoni mae Husae, kaisei mae ka vikegna mae Aki. Mae Husae ne rerheku nogna pohe na, aonu mana ne ghiha glose ka phaꞌugna na, fagaglana gna nogna diꞌanagnafa na.

Fapea Samuel 1:2

Ka fatilo narane na, kaisei mae majaghani ne mei Siklag. Mae majaghani igne mei funugna ka vido aheva te au nogna armi mae king Sol. Mae igne ne rerheku nogna pohe na balu ghiha glose ka phaꞌugna na ne mei kegra ke ulugna mae Devet, fagaglana gna nogna diꞌanagnafa na. Kate mei kegra ke ulugna mae Devet igne, mana ne tuturupuku pari ne fafnaknoni mae Devet.

Fapea Samuel 13:19

Fagaglanagna nogna diꞌanagnafa na, naꞌa ne ghiha nakrofu ka phaꞌugna na ne rerheku nogna famane pohe na. Aonu naꞌa ne loku fafru tathagnare ne tanhi fabiꞌo ne tei.

Profet Jeremaea 26:6

Jame te tiromi leghudi ghotilo nogu cheke iara re, iara ginauna goigoni Sugablahi igne, jateula teke eni iara ka namono biꞌo Saelo tifa ia eghu. Eghuteuna kate eni iara igne, naikno te gnafa ka nauthoglu igne ginauna cheke fadiꞌani nanghagna namono Jerusalem.’ ”

Profet Esikiel 24:26

Ka narane tuana, kaisei mae teke rikha ka puhi biꞌo ia, mana ginauna na toutonu ka ghotilo unha tela thoke meihi.

Profet Esikiel 27:30

Mare te gnafa na ginauna kokhonidi, eghuteuna na diꞌanagnafadi fara ka iagho. Mare ghiha gaughavu glose ka phaꞌudi re, eghuteuna pepele pari ke lamna nakrofu.