Ululahu Samuel 31:7 - Buka Blahi Ka Cheke Holo

⁷ Naiknodi Israel te au ka keha phile glogu Jesrel, nei ke maghati khoꞌu Jordan teu igre ne nomhini te rikha armi gna Israel na, eghuteuna mae Sol baludi thilo mae thugna re te kafe lehe ka magra igne. Aonu mare mhaghu nodi fara ne rikha ne jifla ka nodi namono re. Mae Filistia igre mei ne atha nodi namono mare igre.

Ululahu Samuel 31:7 ပူးပေါင်းရင်းမြစ်များ

Ululahu Samuel 13:6

Aonu mare ne magra ka armi gna Israel. Eghuteuna kate haimini armigna Israel gne nate faꞌiho fara na, mare ne kafe rikha. Mare tei ne poru ke lamna gluma, nei ke lamna soro, ka thina biꞌo, ke lamna khora nei ke lamna khora seu.

Jajis 6:2

Naiknodi Midian igre rheta fara eghuteuna naiknodi Israel igre rikha ne tei ka thogelero ne tei poru ke lamna khora nei ka keha vido mala poru.

Diutronomi 28:33

Ghotilo ginauna loku heta fara ka nagare mala kotu gano, nu maedi ka keha kantri delei ginauna mei hata ganodi re. Eghuteuna leuleghu fata na mare ginauna thofno goigoni ghami ghotilo.

Levitikas 26:36

“Iara ginauna famamhaghu ghami ghotilo iheire te au teu ka keha kantri ra mala thofno mhaghu nomi fara ghotilo. Neubane naogla gna kaisei khakla gnognofi te flalo ka nuri, ghotilo mhaghu na rikha. Eghuteuna ghotilo ginauna rikha jateula te ngolhi ghami mae naoka ra eghu, eghuteuna ghotilo ginauna tangomana te uka na, neubane theo kaisei naikno te ngolhi ghami ghotilo na. Eghuteuna ghotilo ginauna rikha na tothokei fari themi kolho, na uka tafri pari, eghuteuna ginauna theo nomi nolaghi te mala magridi nomi naoka re.

Levitikas 26:32

Iara ginauna goigoni nomi glose ghotilo are, ghilei nomi naoka ghotilo te mala au ka nomi glose ghotilo igre ginauna rhana nodi fara ka unha te eni iara tagna na.

Ululahu Samuel 31:6

Mae Sol, thilo mae thugna re, mae majaghani igne, nei nogna soldia mana re eghu ne kafe lehe ka narane igne.

Ululahu Samuel 31:8

Ka keha narane na, hatimare mae soldia di Filistia igre mei ne atha nodi gobigna lepo mae soldia teke lehe ka magra igne. Mare ne filoni thinigna mae Sol na baludi thinidi thilo mae thugna mana re ka Thogele Gilboa.

Ululahu Samuel 13:7

Kehare rikha ne tei kasa ka Khoꞌu biꞌo Jordan mala tei ka nohi Gad, ghe Gilead. King Sol au neu ka namono Gilgal, eghuteuna mae soldia te au teu balugna mana igre ne mhaghu nodi ne fififri fara.