Ululahu Samuel 31:4 - Buka Blahi Ka Cheke Holo

⁴ Aonu mae Sol ne cheke eghu ka mae majaghani te pala nogna glepo mala magra mana re, “Iagho atha nou naflahi mala magra na mala aknu falehe ghaula iara. Theome keli te au teu iara agne te mei mae bongihehedi Filistia igre te mei maꞌe ghau nei falehe ghau teu iara na.” Nu mae majaghani igne ne thono mhaghu nogna fara, ne theome leghuni unha te chekeni mana na. Aonu mae Sol ne korho fajifla nogna naflahi mala magra thegna na ne uka soru ke kligna gna ne lehe.

Ululahu Samuel 31:4 ပူးပေါင်းရင်းမြစ်များ

Fapea Samuel 1:20

“Thosei toutonu ka namono Gat! Thosei eha leghu nabrou ka namono Askelon! Te eghu ghotilo na, goro gaꞌasedi Filistia are ginauna keli tadi fara. Uve, thudi gaꞌase mae bongihehe di Filistia igre ginauna gleale'a.

Fapea Samuel 1:6

Mae majaghani igne ne cheke eghu, “Iara au neku ka Thogele Gilboa neke filoni King Sol kabru ghegna fara ghiu lao teu ka nogna goru na. Eghuteuna iara jaola neke filodi mae Filistia te saghe ka chariot, nei ka hose teu igre ne mei rhegna mae Sol.

Jajis 9:54

Mana ghosei ne cheke ka nogna soldia te mala pala nogna glepo mala magra mana re, ne cheke eghu ka mana, “Hata nou naflahi mala magra na mala aknu falehe ghau iara! Glahu cheke eghu mare, ‘Kaisei gaꞌase kolho teke faleheni mae funei igne.’ ” Aonu soldia majaghani igne hata naflahi mala magra na ne aknu faleheni mana.

Ululahu Kings 16:27

Keha glepo te edi King Omri nei nogna nolaghi biꞌo te mala funei frunidi naiknore, mare neke rioriso soru ka Buka Eidi Glepo Teke Edi Hatimare Mae King Di Israel.

Fapea Samuel 17:23

Kate laseni mae Ahitofel te theome leghuni mare nogna cheke na, mana saghe ka nogna dongki na neke pulo ka nogna namono na. Kate fadoglidi te gnafa tharakna gna nei nogna bisnis teure, mana froro ne lehe. Tharakna gna mana re hata thinigna mana na ne giugilui ka nodi beku thedi na.

Fapea Samuel 1:14

Mae Devet ne cheke eghu ka mana, “Naugna unha sagho te theome mhaghu te faleheni mae king teke vavahi Lord ignea?

Ululahu Samuel 17:36

Iara neke falehedihi lion nei bea teu tuare. Eghume, iara ginauna na jateula tuana eghu faleheni mae bongihehe tuana, naugna mana ne cheke faparini nogna armi God mae ihei te karha na.

Ululahu Samuel 17:26

Aonu, mae Devet ne ghusna eghu ka mae soldia te kegra teu rhegna mana igre, “Jame kaisei mae te faleheni mae soldia gna Filistia igne te mala atha fadelei mamaja igne ka mae Israel igre na, unha nate atha mana na? Tahati nogna armi God mae ihei te karha. Mae soldia tuana kaisei mae bongihehe kolho, mana theome laseni God, mana theome nabagna te cheke fadiꞌa ghita tahati na.”

Ululahu Samuel 14:6

Aonu, mae Jonatan ne cheke eghu ka mae soldia majaghani te au balugna na, “Tapa ginauna tei salaꞌu ka keha phile gno mala ari posa ka mae bongihehe te theome vahe are. Glahu togho ghita Lord. Eghuteuna jame te togho ghita mana na, neubane tapa kolho, ba tahati kmana, theo kaisei glepo nate fanograni Lord te mala uluni tapa magra igne.”

Jajis 14:3

Nu repa ne cheke eghu ka mana, “Tahati au kmana gaꞌase ka vikeda tahati igre, nei ka keha naiknodi Israel aheva iagho tangomana te tolaghi na. Naugna unha sagho te magnahaghei tei hata khetomu Filistia ka naikno bongihehe igrea?” Samson ne cheke eghu ka mae kmagna na, “Ghopa tei atha mei gaꞌase ia naugna iara magnahagheini fara naꞌa.”

Ululahu Kronikols 10:4

Aonu mae Sol ne cheke ka mae majaghani te pala nogna glepo mala magra mana re, ne cheke eghu ka mana, “Iagho hata nou naflahi mala magra na mala aknu falehe ghau iara. Glahu mei goigoni ghau nei aknu falehe ghau eghu iara mae Filistia te mae bongihehe igre.” Nu mae majaghani igne ne mhaghu nogna fara, ne theome leghuni nogna cheke mae Sol igne. Aonu mae Sol ne hata nogna naflahi mala magra na ne uka soru ke kligna gna ne faleheni thegna.

Ululahu Samuel 31:5

Kate filoni te lehehi mae Sol igne, mae majaghani igne jaola ne korho fajifla nogna naflahi mala magra thegna na ne uka soru ke kligna gna ne lehe balugna mae Sol.

Fapea Samuel 21:12

mana tei Jabes Gilead neke hata fapulo nhubradi king Sol ghe mae Jonatan. Nhubradi phei mae igre au jare, naugna naiknodi Jabes Gilead igre neke hata poru thinidi phei mae igre Bet-San tifa ka narane teke lehe king Sol Gilboa ka hatimare mae Filistia. Mare neke fagefe haghe thinidi mae king Sol ghe mae Jonatan igre fari hotei glalaba ka namono Bet-San.

Ululahu Kings 16:18

Ka narane igre mae Simri au neu Tiasa, eghuteuna kate laseni mana tela hatahila mare namono igne, mana rikha ne tei ruma ka nogna suga biꞌo king na ne gnubra suga igne ne lehe jare.

Ululahu Samuel 26:10

Te chekeni iara ka iagho na, Lord mae ihei te karha te tifa na ngala nate laseni narane nate lehe mana na, ka vido te kuekuꞌe ba ka vido te tei mana ka magra.

Fapea Samuel 1:1

Ka narane te lehe King Sol igne, mae Devet neke tei magra ka maedi Amalek. Kate magra te uludi mare na, mana neke pulo mei Siklag ne au jare phei narane.