Ululahu Samuel 31:2 - Buka Blahi Ka Cheke Holo

² Nu mae soldia di Filistia igre ne ngolhi leghuni mae king Sol baludi thilo mae thugna mana re, mae Jonatan, mae Abinadab nei mae Malkisua, ne tei aknu falehe thilo thugna mana re.

Ululahu Samuel 31:2 ပူးပေါင်းရင်းမြစ်များ

Ululahu Kronikols 8:33

Mae Ner na kmagna mae Kis, eghuteuna mae Kis na kmagna mae Sol. Mae Sol neke au fati thugna nalhaꞌu, mae Jonatan, mae Malkisua, mae Abinadab, nei mae Es-Baal.

Ululahu Samuel 14:49

Thugna mae Sol re igre, mae Jonatan, mae Isvi nei mae Malkisua. Eghuteuna phei thugna gaꞌase mana re neke, Merab, ghe Mikal.

Ululahu Kronikols 9:39

Mae Ner na kmagna mae Kis, eghuteuna mae Kis na kmagna mae Sol. Mae Sol neke au fati thugna nalhaꞌu, mae Jonatan, mae Malkisua, mae Abinadab, nei mae Es-Baal.

Fapea Kings 25:7

Mare filo neu mae Sedekaea ne aknu falehe thugna mana re. Eghuteuna mare ne bilo koko phei tathagna mae Sedekaea re, aonu mare ne haru phei khamegna manare ka chen hata ne tei Babilonia.

Fapea Samuel 1:6

Mae majaghani igne ne cheke eghu, “Iara au neku ka Thogele Gilboa neke filoni King Sol kabru ghegna fara ghiu lao teu ka nogna goru na. Eghuteuna iara jaola neke filodi mae Filistia te saghe ka chariot, nei ka hose teu igre ne mei rhegna mae Sol.

Ululahu Samuel 23:17

Mae Jonatan ne cheke eghu ka mana, “Thosei mhaghu, mae kmagu iara na theome tangomana te falehe nigho iagho na. Eigna iagho ginauna mala king gna Israel, eghuteuna iara mala mei fapea ka iagho.”

Ululahu Samuel 14:22

Eghuteuna keha nodi soldia mae Israel teke poru tafri teku ka thogele Efrem igre ne nomhini te rikha armigna Filistia igne. Aonu mare ne jaola ne loku fodu ka armigna Israel ne ngolhidi mare

Ululahu Samuel 13:16

King Sol ghe Jonatan, nei nodi soldia re eghu au neu Geba. Nu soldia di Filistia gre mare au Mikmas theome khaba kolho Geba.

Ululahu Samuel 13:2

eghuteuna mana neke vavahi thilo thogha mae ka nogna armi na, eghuteuna mana neke kuru fapulodi kehare ka namono. Mana neke vavahi phei thogha soldia kolho te mala au balugna ka namono Mikmas, nei ka thogele Betel, eghuteuna kuru tei kaisei thogha soldia balugna mae Jonatan, mae thugna na Gibea ka nohi Benjamin.

Eksodas 20:5

Thosei tuturupuku soru tarai ka mumuju god nei keha tothoghaledi keha god delei. Naugna kaisei Iara ngala nou Lord nei God teu ghotilo te mala loku ranghini na. Iara ginau na theome keli tagu ka naikno te tuturupuku soru te tarai ka mumuju ba tothoghale igre. Jame te theome magnahaghei ghau iara ghotilo na, iara ginau na para ghami ghotilo eigna u nakhibo te eni ghotilo tuana. Theome ka ghotilo kolho eghu, nu iara ginau na jaola na paradi goro thumi, grami nei fapea grami teu ghotilo are.

Ululahu Samuel 28:19

Eghume nathuꞌu na, Lord ginauna toghoni armi gna Filistia mala uluni armi gna Israel. Eghuteuna iagho baludi thilo mae thumu are ginauna mei au balugu iara ka namonodi mae te lehe igre.”

Ululahu Kronikols 10:2

Nu soldiadi Filistia igre ne ngolhini King Sol baludi thilo mae thugna re ne ghilei tei hata ne aknu falehedi thilo thugna mana igre: mae Jonatan, mae Abinadab nei mae Malkisua.