Ululahu Samuel 30:8 - Buka Blahi Ka Cheke Holo

⁸ Aonu mae Devet ne cheke ka mana mala tore eghu ka Lord, “Ba, iara tangomana ngau te tei ke leghudi mae te mei goigoni ghami ghehati ra? Jame te tei ghehati na, ghehati ginauna na tei thokedi mare?” Lord ne cheke tughu eghu ka efod blahi igne, “Iagho ginauna tangomana nate tei fakarhidi nou naiknore. Tei sagho ke leghudi, iagho ginauna na tangomana nate tei thokedire mala ke atha fapulo naikno teke atha mare ra.”

Ululahu Samuel 30:8 ပူးပေါင်းရင်းမြစ်များ

Ululahu Samuel 30:18

Mae Devet neke atha fapulo phei khetognare baludi gobigna lepo teke atha mae Amalek ra.

Ululahu Samuel 23:2

Aonu mae Devet ne tarai eghu ka Lord, “Ba? Keliu kolho te tei magra iara ka mae Filistia igre, ba theo?” Lord ne cheke eghu, “Uve, tei sagho magra ka mare mala fakarhini namono Keila.”

Fapea Samuel 5:19

Aonu mae Devet ne ghusnani Lord, ne cheke eghu, “Lord, iara tangomana te tei magra ka maedi Filistia igre, ba theo? Jame te tei iara na, iagho tangomana nate togho ghau iara na, ba theo?” Lord ne cheke eghu, “Uve, tei sagho magra ka mare! Iara ginauna togho nigho iagho.”

Fapea Samuel 5:23

Eghuteuna kate ghusna mae Devet ka Lord na, Lord ne cheke eghu ka mana, “Kate tei ghotilo te magra ka mare na, ghotilo thosei doglo tei ka mare. Nu ghotilo lithui ke leghu mala magra ka mare rhedi gaju balsam are.

Ululahu Samuel 23:4

Mae Devet neke fapea tarai ka Lord, aonu Lord ne cheke eghu ka mana, “Ghotilo tei Keila. Iara ginauna togho ghami ghotilo mala tapla faparidi ghotilo soldiadi Filistia tuare.”

Nodi Khoje Hatimare Mae Jiu 91:15

Kate kilo mei mare ka iara na, iara na cheke tughu ka mare. Nei iara ginauna au baludi kate thoke mei puhi ka mare na. Uve, iara na atha fajifladi ka puhi nei tusu ranghidi nafnakno.

Nodi Khoje Hatimare Mae Jiu 50:15

Eghume jame te eha ghotilo ka iara kate au ghotilo ka hoholo na iara na togho ghami ghotilo, eghuteuna ghotilo ginauna na pala hagheni nanghagu iara na.”

Naba 27:21

Eghuteuna mana mala lelheghu kolho ka mae pris Eleasa mala tangomana mana te lasedi gaoghathogu iara re. Mae pris igne ginauna eni ka nafnata thina te kiloni Urim nei Thumim mala lalahu khale ke ulugu iara Lord, mala lasedi gobigna lepo te magnahaghedi iara re. Eghume ka puhi igne, iara ginauna batuni mana baludi naiknodi Israel gre ka gobigna lepo te edi mare re.”

Ululahu Samuel 28:6

Aonu mana ne tarai ne toreni Lord unha nate eni mana na. Nu Lord ne theome cheke tughuni nogna tharai mana na, eghuteuna theo kaisei cheke tughu te mei ka mifi, ba ka hatimare mae pris, ba ka hatimare mae profet.

Jajis 20:18

Ame tei nga ka magra teuna maedi Israel igre ne tei Betel mala toreni God, mare ne tarai eghu, “Ihei ka ghehati nate tei magra ka vikegna Benjamin igne?” Lord ne cheke eghu, “Vikegna Juda nate batu ghami ghotilo na.”

Ululahu Samuel 14:37

Aonu king ne toreni mae pris mala ghusna eghu ka God, “Ba, keliu ngala te tei ghehati te magra ka armi gna Filistia na? Jame te tei ghehati na, iagho ginauna tangomana te togho ghami ghehati te mala uluni magra igne na?” Nu God ne theome cheke tughu ka mana ka vido tuana.

Jenesis 14:16

Aonu mae Ebram neke hata fapulo gobigna lepo teke blau hatimare mae thara gre ka magra biꞌo ka phei namono Sodom ghe Gomora gre. Mae Ebram jaola neke hata fapuloni mae Lot, mae nebugna na baludi nogna thua lepo fateo re, nei jaola hata fapulo gaꞌase nei keha naikno eghu teke sneka balugna mae Lot ka magra igne.

Eksodas 15:9

Nou naoka iagho na fahaehaghe ne cheke eghu, ‘Ghehati ginau na ngolhi leghudi mala tei lokidi. Eghuteuna ghehati ginau na atha nodi dedei mare re mala tufa ka vikemi re. Ghehati ginau na falehedi ka naflahi biꞌo mala atha unha teke magnahaghedi ghehati ka mare re!’

Ululahu Samuel 30:19

Mana kafe atha fapulo ne gnafa goro mae majaghani, mae biꞌo, naikno biꞌo, sua nalhaꞌu, gaꞌase, nei gobigna lepo teke blau hatimare mae Amalek ra.

Jajis 8:4

Ke leghugna igne, Gidion baludi thilo gobi nogna soldia re tei ne kasa ka Khoꞌu biꞌo Jordan. Eghuteuna neubane haimini te babaꞌo nodi fara na, mare ngolhini armigna Midian igne.

Ululahu Samuel 10:22

Aonu mare ne tarai eghu ka Lord, “Lord, au aheva si mana gnea?” Eghuteuna Lord ne falalase ne cheke eghu, “Mae Sol na tei poru delei, ka nomi glepo ghotilo ra.”