Ululahu Samuel 30:7 - Buka Blahi Ka Cheke Holo

⁷ Aonu mana tei ne filoni mae pris Abiata, thugna mae Ahimelek. Aonu mana ne cheke eghu ka mae Abiata, “Atha mei efod blahi ia mala tarai ka Lord.” Aonu mae Abiata atha ne mei phoko blahi igne.

Ululahu Samuel 30:7 ပူးပေါင်းရင်းမြစ်များ

Ululahu Kings 2:26

King Solomon ne cheke eghu ka pris Abiata, “Iagho ke figri ka namonomu Anatot. Iagho nabamu te lehe na, nu iara na theome falehe nigho iagho gognarona, naugna tifa na iagho neke toghoni mae kmagu iara ia neke pala nogna Bokis Blahi Lord na. Eghuteuna iagho neke ruma haghe balugna mana ke lamnadi narane te ninhigrana tura.”

Ululahu Samuel 14:18

Ka narane igne, armigna Israel na ne pala nogna Bokis Blahi Lord na baludi ne tei ka magra. Mae Sol ne cheke eghu ka Pris Ahaeja, “Hata mei Bokis Blahi ia.”

Eksodas 28:6

Lord neke cheke eghui, “Mae iheire te lase edi gloku igre mala atha famane pohe vegha mala eni kaisei pohe te kiloi efod. Eghuteuna mala susuki tothoghale tagna ka ghajo blu, nei ngonge nei ukru, nei ghajo teke eni ka gol.

Ululahu Samuel 10:22

Aonu mare ne tarai eghu ka Lord, “Lord, au aheva si mana gnea?” Eghuteuna Lord ne falalase ne cheke eghu, “Mae Sol na tei poru delei, ka nomi glepo ghotilo ra.”

Ululahu Samuel 14:19

Kate cheke teu mana ka Pris Ahaeja igne, mare ne nomhi teini naoglagna armi gna Filistia, aonu mae Sol ne cheke eghu, “Theo, iagho lilisei au Bokis Blahi na! Tahati theome snagla!”