Ululahu Samuel 30:26 - Buka Blahi Ka Cheke Holo

²⁶ Kate pulo mei mare Siklag, mae Devet ne atha keha glepo teke uludi ka magra na ne fei nodi kheragna te baubatu ka nohi Juda ne cheke eghu ka mare, “Igne nomi namha ghotilo na vido glepo teke atha ghehati ka nogna naoka Lord ra.”

Ululahu Samuel 30:26 ပူးပေါင်းရင်းမြစ်များ

Ululahu Samuel 25:27

Iara atha mei keha glepo ka iagho funei maladi nou mae soldia iagho gre.

Fapea Korin 9:5

Eghume te ghathoni iara na, iara na toredi thilo mae thabusigna igre mala kulu ari ka ghotilo ame ari nga ghehati eghu, mala tarabana unha teke nhaꞌa chekehi ghotilo ra. Ghehati laseni te tufa ghotilo ra naugna ghotilo thofno magnahaghei te tufa ka namha, theome naugna te huhuruni ghehati ka ghotilo.

Profet Isaia 32:8

Nu mae te keli na sasaꞌa te mala toghodi keha naiknore, eghuteuna leuleghu fata na mana ghaoghatho te mala edi glepo te kelire.

Nodi Khoje Hatimare Mae Jiu 68:18

Kate haghe mana ka Thogele Saion na, mana hata ne haghe balugna kmana naikno teke hata mana ka magra re mala tei au jare ka sosolo. Eghuteuna iheire teke huhughuni mana tifa ra ne jaola neke tusu ranghini mana keha namha. Lord God ginauna au ka thogele igne tifa tifa.

Nodi Khoje Hatimare Mae Jiu 35:27

Nu naiknore magnahaghe nigho iagho te cheke thakleni ne mae keli iara teuna, mare na glealeꞌa na eha eghu fabiꞌo fabrahu, “Lord na kaisei mae biꞌo fara! Mana kelitagna fara kate filoni te ulu nogna mae gloku na.”

Fapea Kings 5:15

Mae Naman baludi nogna mae gloku re neke figri ka mae nogna profet God. Mae Naman tei ne kegra ke ulugna mana ne cheke eghu, “Tutuani fara, gognarona iara laseni, nomi God ghotilo maemi Israel kolho te tutuani na. Eghume, iara magnahaghei nigho iagho te hata namha ikoi igne.”

Jenesis 33:11

Eghume iara gognaro na thofno tore nigho iagho te mala hata nogu namha iara te tusu ari ka iagho igre. Eigna God na neke fablahi ghau iara neke tusu ranghi ghau iara glepo kmana fara.” Eghuteuna naugna ka te cheke heta fara mae Jekop igne mae Iso ne hata u namha tuana.

Ululahu Samuel 18:17

King Sol ne cheke eghu ka mae Devet, “Iara magnahaghei nigho iagho te tolaghi ka thugu gaꞌase biꞌo lahu iara Merab. Nu praes gna thugu iara igne, iagho mala nogu mae soldia nheta iara, eghuteuna iagho mala loku rheta fabrahu gaoghathomu na ka iara. Iagho mala tei koba ka magra leghuni unha te chekeni Lord ka iagho na.” Mae Sol magnahagheni mae Devet te tei lehe ka magra, eigna mana theome tangomana te faleheni mana na. Eghume, te ghathoni mana na, armi gna Filistia kolho te tangomana te faleheni mana na.

Ululahu Samuel 25:28

“Iagho atha fadelei najafragu iara nou gaꞌase gloku iagho gne. Lord ginauna vahi nigho iagho mala king, leghu fata na, mana ginauna vahini koba kaisei mae ka vikemu iagho na te mala king na, naugna iagho ne magra jateula te chekeni mana na neu. Nakarhamu iagho ginauna keli fabrahu jame te theome eni iagho kaisei puhi te diꞌa na.

Ululahu Samuel 30:20

Eghuteuna mana jaola ne atha nodi sipu, nei buluka teu maedi Amalek igre. Kate figri teke pulo ka namono na, nogna soldia mae Devet igre ne lilisei ke uludi sipu nei buluka teudi Siklag gre nodi sipu nei buluka teu mae Amalek gre. Aonu mare ne cheke eghu, “Sipu nei buluka teu igre neke uludi mae Devet ka magra.”

Ululahu Samuel 30:25

Aonu mae Devet ne eni vetula igne, eghuteuna funu ka narane igne, hatimare mae Israel leghuni vetula igne ne ghilei mei posa ka narane igne.

Fapea Samuel 1:1

Ka narane te lehe King Sol igne, mae Devet neke tei magra ka maedi Amalek. Kate magra te uludi mare na, mana neke pulo mei Siklag ne au jare phei narane.