Ululahu Samuel 30:22 - Buka Blahi Ka Cheke Holo

²² Nu keha mae teke tei balugna mae Devet te diꞌa puhidire nei ghamu nhoto teu igre ne cheke eghu, “Mae igre neke theome tei baluda tahati! Mare theo nodi nolaghi ka gobigna lepo teke tei atha tahatira! Te keli na mare atha khetodi nei thudi teu are kolho.”

Ululahu Samuel 30:22 ပူးပေါင်းရင်းမြစ်များ

Matiu 7:12

Unha te magnahagheni ghotilo te mala eni ranghi ghami keha naiknore, glepo tuana la mala teke eni ghotilo ranghidi mare na. Igne gaoghathogna vetula nogna mae Moses nei chekedi hatimare mae profet.”

Diutronomi 13:13

Glahu nomhidi ghotilo keha mae te diꞌa ka keha namono te au ghotilo tadi are batu fadelei ghami ghotilo cheke eghu, ‘Tahati ari mala tarai ka keha god teke theome laseni ghotilo tifa igne.’

Ululahu Kings 21:13

Aonu mare hata ne mei phei mae te mala cheke chaichaghi igre ne gnokro rhegna mana, eghuteuna phiamare ne funu cheke chaghi eigna mana ke uludi hatimare mae biꞌo, ne cheke eghu, “Mae igne cheke faparini God nei jaola cheke faparini king.” Aonu mare hatani mae Nebot ne tei ke kosi namono biꞌo ne fada faleheni mana ka thina.

Ululahu Kings 21:10

Ghotilo hata mei phei mae mala vuavuha cheke, phei mae igre mala gnokro rhegna mana mala cheke faparini mana ke uludi hatimare mae biꞌo. Phiamare mala cheke chaghi eigna mana te cheke faparini God nei jaola cheke faparini king. Eghuteuna ghotilo hata fajiflani mana mala fada falehe ka thina.”

Ululahu Samuel 25:25

Iagho those ghathoni Nabal, mae igne theome ghatho tahuni ihei. Iagho laseni, nangha Nabal teu igne gaoghathogna na, ‘Fameomekro.’ Eghume, puhigna na nanaba fara ka nanghagna thegna na. Funei, iara neke theome au kani teke mei nou mae majaghani iagho ra.

Ululahu Samuel 25:17

Iara magnahaghei nigho iagho te ghatho fakelini igne. Naugna puhi te eni mana igne ginauna fadiꞌani mae biꞌo igne nei jaola fadiꞌa ghita tahati hui. Mae igne thono fameomekro fara theome fanomho ka ihei.”

Ululahu Samuel 22:2

Eghuteuna iheire te au puhi tadi, iheire te theome falelehe nodi kaoni, nei iheire te diꞌatadi eidi keha glepo teu igre jaola ne leghuni mana. Ka puhi igne, mae Devet ne batudi fati gobi mae.

Jajis 19:22

Kate ghamu glealeꞌa teu mare na, kaisei tothoghei mae te diꞌa ka namono igne falithuini suga na tutini grengatha na ne eha eghu, “Iagho hata mei mae te mei ka sugamu iagho agne ia, mala lalahu nomi ka mana.”

Ululahu Samuel 30:21

Mae Devet neke pulo ka phei gobi mae teke au fapulo teku ka khoꞌu Besoa. Mae igre neke babaꞌo nodi fara neke theome tei baludi mare. Kate filoni mae Devet na, mae igre ne kafe thugha mei ne thafoni mana baludi iheire teke pulo mei balugna manare. Kate mei te namo ka mare na, mae Devet ne cheke fakelidi mare.

Ululahu Samuel 30:23

Nu mae Devet ne cheke eghu ka mare, “Theo, thabusiguro. Thosei eni puhi tuana ke leghugna unha Lord teke tusu ranghi ghita na. Mana neke batu ghita nei togho ghita neku neke uludi tahati mae naoka teke goigoni ni noda namono tahati ia.