Ululahu Samuel 30:17 - Buka Blahi Ka Cheke Holo

¹⁷ Hamerane boibongi ka keha narane na, mae Devet balugna fati gobi mae igre mare tei ne magra ka mare. Eghuteuna mare magra ne ghilei rafi ka narane igne. Eghuteuna mae Devet balugna nogna mae soldia igre magra heta ne ghilei aknu falehedi ne hui maedi Amalek igre, nu fati gobi mae majaghani teke saghe ka kamel ra ngala te rikha na.

Ululahu Samuel 30:17 ပူးပေါင်းရင်းမြစ်များ

Ululahu Samuel 11:11

Hamerane boibongi ka keha narane na, King Sol ne tufa nogna soldia re ka thilo tothoghei. Aonu mare kegra haghe hamerane boibongi chari ne tei ka nodi suga tapuale armigna Amon na ne aknu falehe ne gnafa soldia di Amon igre funu hamerane ne ghilei fari hotei aublatha. Jau phei ba thiloi kolho te rikha na.

Nodi Khoje Hatimare Mae Jiu 18:42

Iara neke puri ngujadi neke jateula gaughavu glose te flalo tafri ka nuri ra neku kolho mare. Iara neke tapla ghiaghihadi neke jateula gnagnapa ka nabrou ra neku kolho mare.

Ululahu Samuel 15:3

Ghotilo tei magra ka mare, eghuteuna ghotilo mala goigoni fahui nodi gobigna lepo mare are, eghuteuna thosei lisa faleghu kaisei glepo. Eghuteuna ghotilo mala kafe aknu falehe mae nalhaꞌu baludi goro gaꞌase, goro sua, nei goro sua gegeꞌe. Eghuteuna ghotilo mala jaola aknu falehe nodi buluka, sipu, kamel, nei nodi dongki teu mare re. Gobigna lepo igre mala jateula fafara eghu mala tusu lao ka Lord.’ ”

Jajis 4:16

Keha nogna soldia Sisera re ne rikha, nu Barak balugna nogna mae soldiare ne ngohlidi mare te thoke ka namono Haroset-Ha-Goeim. Mare aknu falehe ne hui nogna soldia Sisera re eghuteuna theo kaisei te karha na.

Jajis 7:12

Armigna Midian, nei armigna Amalek, nei armigna ke maghatigna namono nagou teu igre thafru ka sare biꞌo na. Mare kmana fara jateula galho eghu ne thafru vido te gnafa ka sare na. Eghuteuna nodi kamel re jateula nusu ka gratha ra eghu kmana fara theome tangomana te kahadire.

Fapea Samuel 1:1

Ka narane te lehe King Sol igne, mae Devet neke tei magra ka maedi Amalek. Kate magra te uludi mare na, mana neke pulo mei Siklag ne au jare phei narane.

Fapea Samuel 8:12

Mana hata gol nei silva teu igre ka namono Idom, Moab, Amon, Filistia, nei Amalek. Mana jaola neke tusu ranghi Lord glepo teke hata mana ka king Hadadesa, thugna mae Rehob, king gna Soba.

Ululahu Kronikols 4:43

Eghuteuna mae igre ne aknu falehe naikno te gnafa ka vikegna mae Amalek teke au teku ka vido igne. Aonu funu ka narane tuana, vikedi fati mae igre ne au sukha jare.

Profet Jeremaea 41:15

Nu mae Ismael baludi nhana mae igre, ne rikhani ne tei poru ka kantri Amon.

Fapea Kings 7:5

Aonu kate funu romno soru na, mare ne tei ka vido aheva te au armi gna Siria. Nu kate posa mare ka vido igne na, theo kaisei mae te au jare na.