Ululahu Samuel 30:16 - Buka Blahi Ka Cheke Holo

¹⁶ Aonu mana athani mae Devet ne tei ka vido aheva te au teu mare na. Ka narane igne, maedi Amalek igre au tafri neu ka vido te snagla na, ima ghedi nei koꞌu ghedi eghu neu jare. Mare ne eꞌei gaghamu biꞌo, naugna mare ne atha kmana glepo funu Filistia nei ka nohi Juda.

Ululahu Samuel 30:16 ပူးပေါင်းရင်းမြစ်များ

Ululahu Tesalonika 5:3

Kate chekeni naiknore, “Pharikeli nei nasnagla,” God ginauna ghosei roꞌedi, jateula khabru ghosei te mei ka gaꞌase te namo karha sua ia eghu. Eghuteuna naikno tuare ginauna theome rikha.

Profet Isaia 22:13

Nu ghotilo maꞌe nei ei gaghamu eghu kolho! Uve, ghotilo theome gnafa te falehe buluka nei sipu teu te mala ima ghemi nei koꞌu ghemi teuna. Eghuteuna ghotilo cheke eghu koba, “Te keli na tahati ima gheda nei koꞌu gheda eghu, naugna nathuꞌu na tahati ginauna kafe lehe.”

Thoutonu Eigna Mae Job 20:5

naikno te diꞌa igre tangomana te glealeꞌa katha vido kmoꞌei kolho.

Fapea Samuel 13:28

Mae Absalom ne cheke eghu ka nogna mae glokure, “Kate ghamu teu tahati na, ghotilo filo fakelini mae Amnon. Kate filoni ghotilo te koꞌu te salaꞌui mana na, iara na eni kaisei fagaglana ka ghotilo. Eghuteuna ghotilo tei mala faleheni mana. Ghotilo thosei nanga nomi. Naugna iara te cheke ghami ghotilo te mala faleheni mana na. Eghume ghotilo famamhaku nagnafami re mala thosei mhaghu!”

Ululahu Samuel 30:14

Ghehati neke tei magra neke blau fahui nodi glepo naiknodi Keret, nei ka nohi ke mata Juda, nei ka vikegna mae Kelab. Ghehati neke blau nodi gobigna lepo mare re, eghuteuna ghehati jaola faghamu khaꞌaghi namono Siklag.”

Eksodas 32:6

Aonu, hamerane boibongi ka keha narane na, naiknore atha ne mei buluka, sipu, nanigot neu ne edi thua sopai nafnata fafara. Nu kate gnokro te ghamu naiknore vido gano teke fafara igre, mare ghamu nei koꞌu neu ne ghilei thaviru fara, ne funu eni tafri kolho puhi te diꞌa na.

Ululahu Samuel 30:15

Mae Devet ne ghusna eghu ka mana, “Ba, iagho tangomana te atha ghami ghehati te tei ka vido aheva te au teu mare na?” Mana ne cheke eghu, “Uve, iara tangomana jame te nhaꞌa cheke iagho ka nanghagna God te mala thosei falehe ghau iara na, eghuteuna thosei ke snakre fapulo ghau iara ka nogu funei na teuna, iara ginauna na atha ghami ghotilo tei.”

Nodi Khoje Hatimare Mae Jiu 119:162

Iara keli tagu fara ka nou cheke iagho te tutuani gre. Uve, iara keli tagu fara, jateula mae ihei teke atha kmana glepo te keli ka vido te uluni magra ra eghu.

Profet Isaia 9:3

Lord, iagho fagleꞌa ghami ghehati fara. Uve, ghehati kelitami fara jateula naikno te tei pulei gano ka nagare ra eghu, ba jateula soldia te glealeꞌa te tufa glepo teke hata ka magra ra eghu.

Jajis 8:11

Gidion nei mae te balugna mana igre eghu ne leghuni nabrou ke maghati di phei namono Noba ghe Jogbeha. Eghuteuna mare magra ka armigna Midian nu ka narane tuana soldia di Midian ne rhana naugna mare theome tarabana mala magra.

Ululahu Kronikols 4:43

Eghuteuna mae igre ne aknu falehe naikno te gnafa ka vikegna mae Amalek teke au teku ka vido igne. Aonu funu ka narane tuana, vikedi fati mae igre ne au sukha jare.