Ululahu Samuel 30:15 - Buka Blahi Ka Cheke Holo

¹⁵ Mae Devet ne ghusna eghu ka mana, “Ba, iagho tangomana te atha ghami ghehati te tei ka vido aheva te au teu mare na?” Mana ne cheke eghu, “Uve, iara tangomana jame te nhaꞌa cheke iagho ka nanghagna God te mala thosei falehe ghau iara na, eghuteuna thosei ke snakre fapulo ghau iara ka nogu funei na teuna, iara ginauna na atha ghami ghotilo tei.”

Ululahu Samuel 30:15 ပူးပေါင်းရင်းမြစ်များ

Profet Esikiel 17:19

“Naugna igne iara Lord God, iara cheke eghu: Iara eni u nhaꞌa cheke igne ka nanghagu iara mae ihei te karha fabrahu tifa te tifa. Iara ginauna parani king, naugna mana ne huhughuni nhaꞌa cheke teke eni mana ka nanghagu iara igne, mala fofodu fakeli balugna king gna Babilonia.

Profet Esikiel 17:16

“Iara eni u nhaꞌa cheke igne ka nanghaghu iara Lord God mae ihei te karha fabrahu tifa te tifa: King igne ginauna mala lehe Babilonia, naugna mana ne huhughuni u nhaꞌa cheke teke eni mana balugna king gna Babilonia igne, eghuteuna mana theome magnahaghei te fofodu fakeli balugna mana kolho.

Profet Esikiel 17:13

Kani au teku ka kantri Juda na, king gna Babilonia igne ne hata kaisei mae ka vikegna king gna Juda neke huhuru mala eni kaisei nhaꞌa cheke balugna mana, mala tangomana phei kantri igre te au fakeli te mala theome magra na. Kate ke figri king gna Babilonia igne ka nogna kantri na, mana ne hata goro mae biꞌodi Juda re ne tei balugna.

Ululahu Samuel 29:6

Aonu mae Akis ne ehani mae Devet ne cheke eghu ka mana, “Iara magnahaghei nigho iagho te mei balugu ka magra. Nu te chekeni iara ka iagho na, ka nanghagna Lord mae ihei te karha te tifa, iara theome filoni kaisei glepo te diꞌa te eni iagho funu meimu ka iara te ghilei mei posa ka narane igne. Nu hatimare mae komanda igre theome keli tadi ka iagho.

Josua 9:15

Mae Josua nei mae lida di Israel teu igre ne nhaꞌa cheke baludi maedi Gibeon mala loku fodu baludi mare te mala au ka pharikeli na.

Josua 2:12

“Gognarona iara magnahaghei ghami ghopa te eni kaisei nhaꞌa cheke ka nanghagna nomi God na mala theome eni kaisei glepo te diꞌa ka iara baludi tharaknagu iara igre, jateula te eni iara ka ghopa gognarogne eghu. Ghopa na eni kaisei fagaglana ranghi ghau iara mala tutuani nomi nhaꞌa cheke na.

Ululahu Samuel 30:14

Ghehati neke tei magra neke blau fahui nodi glepo naiknodi Keret, nei ka nohi ke mata Juda, nei ka vikegna mae Kelab. Ghehati neke blau nodi gobigna lepo mare re, eghuteuna ghehati jaola faghamu khaꞌaghi namono Siklag.”

Ululahu Samuel 30:16

Aonu mana athani mae Devet ne tei ka vido aheva te au teu mare na. Ka narane igne, maedi Amalek igre au tafri neu ka vido te snagla na, ima ghedi nei koꞌu ghedi eghu neu jare. Mare ne eꞌei gaghamu biꞌo, naugna mare ne atha kmana glepo funu Filistia nei ka nohi Juda.

Jenesis 24:3

Iara magnahaghei nigho iagho te mala nhaꞌa cheke ka nanghagna Lord God, mae ihei te fnakno kligna nei pari teu igne. Thosei hata kaisei gaꞌase agne Kenan ka kantri te au teu iara igne te mala khetogna mae thugu iara mae Isak gne.

Jajis 1:24

Kate tei na, mare ne filoni kaisei mae te jifla mei ka namono igne ne cheke faheta eghu ka mana, “Jame te falalase iagho ka ghehati nabrou te mala tei lamna ka namono igne na, ghehati ginauna kokhoni nigho iagho.”