Ululahu Samuel 30:1 - Buka Blahi Ka Cheke Holo

^1-2 Kate tei teu delei mae Devet baludi nogna mae soldia igre balugna mae funei Akis igne, maedi Amalek igre mei ne snura ka nohi ke mata Juda nei Siklag. Mare ne theome aknu falehe naiknore. Nu mare ne kafe atha ne tei goro gaꞌase, sua nei mae biꞌo teu gna namono Siklag. Aonu mare ne faghamu khaꞌaghi nodi namono mare na. Kate posa mei mae Devet baludi nogna mae soldiare Siklag ka fatilo narane na,

Ululahu Samuel 30:1 ပူးပေါင်းရင်းမြစ်များ

Ululahu Samuel 29:11

Aonu hamerane boibongi ka keha narane na, mae Devet baludi nogna mae soldiare neke figri Filistia, nu armi gna Filistia igne ne tei ka glogu Jesrel.

Ululahu Samuel 15:7

Mae Sol tarabana nogna armi na ne tei baludi ne magra ka maedi Amalek igre ne uludi mare. Magra igne ne ghilei tei posa ka nohi ke maghati Havila, nei ka nohi Sua namo ke mosu Ijep.

Ululahu Samuel 29:4

Nu hatimare mae komanda ne diꞌa tadi fara ka mae Akis. Aonu mare ne cheke eghu ka mana, “Iagho ke kuru fapuloni mala ke figri mana ka namono aheva teke tusu lao iagho ka mana na. Iagho thosei snakreni mae tuana mala tei baluda tahati ka magra. Glahu kate magra na, mana ginauna nake figri nake falehe ghita tahati. Jame te kusu mana graradi noda mae soldia tahati igre na, tuana kaisei puhi nate thofno kelitagna fara nogna mae funei na.

Josua 11:6

Aonu Lord ne cheke eghu ka mae Josua, “Iagho thosei mhaghudi, naugna iara Lord ginauna togho nigho iagho. Nathuꞌu jateula narane gognarogne teuna mae te kmana tuare ginauna kafe lehe hui. Eghuteuna ke leghugna magra igne, nodi hose mala magra mare are ginauna kafe blughu, eghuteuna nodi chariot mala magra mare are ginauna kafe ghamu khaꞌaghi hui.”

Fapea Samuel 1:2

Ka fatilo narane na, kaisei mae majaghani ne mei Siklag. Mae majaghani igne mei funugna ka vido aheva te au nogna armi mae king Sol. Mae igne ne rerheku nogna pohe na balu ghiha glose ka phaꞌugna na ne mei kegra ke ulugna mae Devet, fagaglana gna nogna diꞌanagnafa na. Kate mei kegra ke ulugna mae Devet igne, mana ne tuturupuku pari ne fafnaknoni mae Devet.

Jenesis 24:62

Ka narane igne mae Isak neke jifla ka glokha khoꞌu te kiloi Bae Lahai Roi, gaoghathogna na, “Nogna glokha khoꞌu God mae ihei te karha nei filo mei koba ka iara.” Mana neke pulo ka namono gna mae kmagna na Negev.

Josua 15:31

nei Siklag, nei Madmana, nei Sansana,

Ululahu Samuel 15:8

Mare aknu falehe ne hui naiknodi Amalek, nu mare ne theome faleheni mae Agag nodi king mare na. Eghuteuna mare jaola ne hata famane buluka nei sipu teu igre baludi thudi re, nei keha famane glepo la ngau eghu. Mare ne theome goigoni glepo igre. Nu mare ne goigonidi kolho glepo te theome keli filodi re.

Ululahu Samuel 27:6

Aonu mae Akis ne snakreni namono Siklag ka mana. Funu ka narane tuana, namono Siklag igne nodi mae king di Israel ghilei mei posa ka narane gognarogne.

Ululahu Samuel 30:14

Ghehati neke tei magra neke blau fahui nodi glepo naiknodi Keret, nei ka nohi ke mata Juda, nei ka vikegna mae Kelab. Ghehati neke blau nodi gobigna lepo mare re, eghuteuna ghehati jaola faghamu khaꞌaghi namono Siklag.”

Fapea Samuel 1:1

Ka narane te lehe King Sol igne, mae Devet neke tei magra ka maedi Amalek. Kate magra te uludi mare na, mana neke pulo mei Siklag ne au jare phei narane.

Fapea Samuel 1:8

“Aonu mana ne cheke eghu ka iara, ‘Iagho maemu aheva?’ “Iara ne cheke eghu ka mana, ‘Iara maegu Amalek.’

Fapea Samuel 15:18

Aonu nogna mae biꞌo mana igre ne jajagha ne mei salaꞌu ka mana baludi mae soldia te mala reireghini mae king. Mae igre maedi Keret nei Pelet. Eghuteuna namno gobi soldia funudi Gat jare Filistia, mare jaola jajagha ne tei salaꞌu.

Ululahu Kronikols 12:21

Mae soldia te nheta igre mei ne loku fodu ka mae Devet, eghuteuna mana ne vahidi mare mala komanda ka nogna soldia re. Mae igre te magridi nogna naoka mana re.

Profet Jeremaea 41:12

mare ne tei ke leghugna mana. Eghuteuna mare tei ne thafoni mae Johanan rhegna khora khoꞌu Gebiꞌon.

Ululahu Samuel 29:10

Nathuꞌu hamerane boibongi kate aꞌaga narane na, iagho baludi nou mae soldia gre jifla ka vido igne.”

Ululahu Kronikols 12:22

Leuleghu narane na mae te mei loku fodu ka mae Devet igre nogna armi mana na ne ghilei kmana soldia, ne nheta jateula nogna armi God neu.