Ululahu Samuel 3:19 - Buka Blahi Ka Cheke Holo

¹⁹ Kate mae biꞌohi mae Samuel na, Lord ne au balugna mana fabrahu. Eghuteuna mana ne edi fabrahu gobigna lepo teke chekedi mae Samuel nate thoke mei tutuani.

Ululahu Samuel 3:19 ပူးပေါင်းရင်းမြစ်များ

Jenesis 39:2

Lord na ne au balugna mae Josep, eghuteuna gobigna lepo te edi mana re ne thofno keli fara. Mae Josep gne ne loku ka sugagna mae Potifa na,

Ululahu Samuel 9:6

Nu mae gloku igne ne cheke eghu, “Ginau sagho! Kaisei mae nogna profet God na au ka namono igne. Naiknore ghatho tahuni fara mana naugna gobigna lepo te chekedi mana re thofno tutuani fara. Jame te keli na tapa na tei filoni mana. Glahu tangomana mana te chekeni ka vido aheva te au teu dongki igre.”

Ululahu Kings 8:56

Mana ne cheke eghu, “Tahati cheke fakelini Lord, naugna mana togho ghita tahati nogna naiknore mala au ka pharikeli, leghuni unha teke nhaꞌa cheke ni mana na. Mana tajidi nogna famane nhaꞌa cheke teke chekedi mana ka mae Moses nogna mae gloku ia.

Luku 2:52

Mae Jisas biꞌo haghe ne heta eghuteuna mana biꞌo ne biꞌo nogna glalase na. God ne keli tagna fara ka mana nei naiknore jaola ne keli tadi ka puhigna mana na.

Fapea Timoti 4:22

Iara toreni Lord Jisas Kraes mala fablahi nigho, eghuteuna nogna khokofakasai God na au balumi hui. Me gnafa. Iara, mae Pol.

Ululahu Samuel 2:21

Aonu Lord ne fablahini Hana, eghuteuna Hana ne karha thilo thugna nalhaꞌu nei phei gaꞌase. Nu mae Samuel ne biꞌo haghe ka nogna Sugablahi Lord na.

Fapea Korin 13:11

Uve kheraguro, ghehati magnahaghe ghami ghotilo te gleale'a. Fariuriu edi unha te chekedi iara ka ghotilo gre mala thofno au klino. Eghuteuna ghotilo te gnafa na mala kaisei gaoghatho ngala nei mala kaisei au ngala kau pharikeli. Ka puhi igne God mae ihei te tusu ranghi ghita u namha nei pharikeli teu igne ginauna au balumi ghotilo.

Luku 2:40

Mae sua ikoi na ne funu biꞌo haghe ne lalase fara. Eghuteuna God ne fablahini mana fabrahu.

Fapea Korin 13:14

Iara toreni ka God nogna khokofakasai noda Lord Jisas Kraes, nei nogna namha God, nei nogna loku fodu mae Tharunga te Blahi mala au balumi ghotilo hui. Me gnafa. Iara, mae Pol.

Luku 1:80

Aonu mae Jone ne biꞌo haghe ne rheta u gaoghathogna na. Mana ne tei ne au ka namono nagou na ne ghilei thokeni u narane te fufunu mana nogna gloku na ranghidi naiknodi Israel re.

Profet Isaia 43:2

Kate thoke mei puhi biꞌo ka ghotilo jateula te kasa ghotilo ke lamna nhorora ra teuna, iara ginauna au balumi ghotilo mala togho ghami ghotilo. Eghuteuna kate au ghotilo ke lamnadi narane te ninhigrana te jateula te kasa ghotilo ka khoꞌu biꞌo te britha ra teu igne, ghotilo ginauna theome kmerhu. Uve, kate thoke mei puhi biꞌo te jateula te tapla ghotilo ke lamna khaꞌaghi ra teuna, ghotilo ginauna na theome nhako.

Ululahu Samuel 18:14

Leuleghu fata na mae Devet uludi koba magra igre, naugna Lord na au balugna mana.

Matiu 1:23

“U khupi na ginauna bukla eghuteuna ginauna na au kaisei thugna nalhaꞌu. Eghuteuna, mare ginauna na kiloni mana mae Emanuel.” U gaoghathogna “mae Emanuel” gne, “God na au baluda”.

Profet Isaia 44:26

Nu kate chekeni nogu mae gloku iara igne kaisei glepo na, glepo igne ginauna thoke mei tutuani. “Te chekeni iara gognarona, naiknore ginauna nake pulo mei Jerusalem, eghuteuna mare ginauna nake babana fapulo namono biꞌo te gnafa Juda teke groꞌe ka mae naoka igre.

Jenesis 21:22

Ka narane igne mae Abimelek ghe mae Fikol nogna mae ofisa biꞌo lahu mana ka nogna armi na, phia mare ne tei ka mae Ebraham ne cheke eghu, “God na au balumu iagho fabrahu ka gobigna lepo te edi iagho gre.

Luku 1:28

Aonu engel na mei posa ka Meri ne cheke eghu, “Pharikeli nogna God na au balumu mala fablahi nigho!”

Jajis 13:24

Kate karha thugna na, naꞌa ne kiloni Samson. Kate biꞌo haghe mae sitei igne Lord ne fablahini mana.

Jenesis 28:15

Fanomho sagho. Iara ginauna na au fabrahu balumu iagho, nei reireghi fakeli nigho iagho eghu ka vido aheva na te tei iagho na. Eghuteuna iara ginauna nake hata fapulo nigho iagho agne ka glose igne. Iara ginauna na theome lisa koko nigho eigna iara ginauna eni unha teke nhaꞌa chekeni iara ka iagho tifa ia.”

Ululahu Samuel 12:2

Eghuteuna gognarona, mana au balumi ghotilo mala batu ghami ghotilo. Nu ghotilo laseni! Iara la kuekuꞌehi. Khaklagu re la nufahi, eghuteuna phei mae thugu re la mae biꞌohi. Iara batu ghami ghotilo funu mae majaghanigu la ghilei mei posa ka narane gognarogne.

Ululahu Samuel 16:18

Kaisei mae ka mae igre ne cheke eghu ka mana, “Kaisei maegna Betlehem, thugna mae Jesi, mana lase lalahu gita fara. Mana kaisei mae soldia keli nei theome mhaghu eghu. Mae igne thofno keli fara filogna na, eghuteuna mana kaisei mae lase cheke fara, eghuteuna Lord na au balugna mana.”

Jenesis 39:3

eghuteuna mae Potifa gne laseni mae Josep gne Lord na e au balugna mana. Naugna igne gobigna lepo te edi mae Josep re ne thofno horoghoto fara ka gaoghathogna mae Potifa re.

Diutronomi 18:22

Uve, puhi te mala laseni nafnata glepo igne na eghu agne, jame kaisei mae profet cheke ka nanghagna Lord, nu glepo te chekedi mana igre theome thoke mei tutuani teuna, ghotilo laseni cheke igne theome nogna Lord. Profet igne fiti cheke kolho, eghume ghotilo mala thosei mhaghuni mana.”

Josua 21:45

Lord neke tajidi nogna nhaꞌa cheke te gnafa teke edi mana baludi kuꞌedi mare tifa ra. Nogna famane nhaꞌa cheke mana igre ne thoke mei tutuani fara.

Ululahu Samuel 2:26

Nu mae Samuel ne biꞌo haghe, eghuteuna Lord ne keli tagna ka mana, eghuteuna naiknore jaola ne keli tadi ka mana.

Ululahu Samuel 10:7

Kate thoke nigho iagho glepo igre, iagho ginauna tangomana te edi unha teke ghathodi iagho re naugna Lord na au balumu iagho.

Ululahu Samuel 18:5

Mae Devet tangomana te uludi vido te gnafa aheva mala tei magra mana teu king te kuru teini mana na. Aonu king ne vahini mana mala kaisei nogna mae komanda. Hatimare mae soldia baludi keha mae komanda ka armi igre mare ne keli tadi fara ka puhi igne.

Ululahu Samuel 18:12

Lord ne au balugna mae Devet, nu mana theome au balugna mae Sol. Eghume gognarona mae Sol mhaghuni fara mae Devet.

Fapea Kings 10:10

Ghotilo laseni, gobigna lepo teke chekedi Lord eidi vikegna mae Ehab ra la thoke mei tutuani. Lord neke eni unha teke nhaꞌa chekeni mana tifa ka nogna profet Elija.”

Fapea Kings 15:12

Aonu nhaꞌa cheke teke cheke eghu Lord ka King Jehu tifa igne ne thoke mei tutuani, “Vikemu iagho te sukha ka fati phagusu igre ginauna mala king Israel.”

Fapea Kings 22:16

‘Igne unha te chekeni Lord na. Iara ginauna goigoni ni Jerusalem, eghuteuna paradi naikno te au ka namono tuana, jateula gobigna lepo te rioriso soru ka buka te nomhidi king gna Juda igre eghu.

Profet Isaia 55:11

Chekegu iara na ginauna jateula tuana eghu. Gobigna lepo te chekedi iara igre ginauna thoke mei tutuani jateula teke ghathoni iara na eghu. Eghuteuna unha te chekeni iara na, na theome theo. Uve, gobigna lepo te chekedi iara igre ginauna thoke mei jateula te magnahagheni iara na eghu.