Ululahu Samuel 3:18 - Buka Blahi Ka Cheke Holo

¹⁸ Aonu mae Samuel ne chekedi ka mana nogna cheke Lord igre, ne theome poruni kaisei glepo ka mana. Aonu mae Eli ne nomhini igne ne cheke eghu, “Mana ngala Lord na. Mana tangomana te eni unha te doglo ka mana na.”

Ululahu Samuel 3:18 ပူးပေါင်းရင်းမြစ်များ

Profet Isaia 39:8

Nu te ghathoni mae king na jau gaoghathodi cheke te edi mae profet igre ginauna toghoni mala au fakeli fabrahu ka nakarhagna na neu ne cheke eghu, “Unha te chekeni Lord ka iagho igne keliu kolho.”

Thoutonu Eigna Mae Job 2:10

Nu Job ne cheke eghu, “Iagho thosei cheke fameomekro jateula tuana eghu! Kate tusu mei God glepo te keli ka tahati na, tahati kelitada kate hata na. Naugna unha site khuru cheke tahati kate tusu mei mana puhi biꞌo ka tahati grea?” Neuba puhi biꞌo te diꞌa fateote'o igre ne thokeni Job, Job theome cheke diꞌa.

Ululahu Pita 5:6

Eghume ghotilo nhaꞌa fapari ghami themi mala au ke pari khamegna God te nolaghi fara. Kate thoke mei thofno narane na, mana ginauna na nhaꞌa haghe ghami ghotilo.

Jajis 10:15

Nu mare ne cheke eghu ka Lord, “Ghehati edi kmana glepo te diꞌa ranghi nigho iagho. Te keli na iagho eni ka ghehati unha te thofno doglo fara ka gaoghathomu iagho na. Nu ghehati magnahaghei nigho iagho te fakarhi ghami gognarona.”

Lamentations 3:39

Ba, keliu kolho te diꞌatada kate thoke mei papara biꞌo ka tahati eidi nakhiboda gre? Theola!

Nodi Khoje Hatimare Mae Jiu 39:9

Gognaro na iara au kmu. Iara na theome gagri kaisei cheke, naugna iagho neke para ghau.

Thoutonu Eigna Mae Job 1:21

Mana ne cheke eghu, “Kate karha mei ka thiꞌagna idogu na, iara karha soesole, eghuteuna kate lehegu na, iara ginauna jaola nake soesole ke pulo. Lord, iagho neke tusu mei glepo ka iara, eghuteuna gognaro na iagho ke hata fadelei ka iara. Iara cheke fakelini nanghagna Lord.”

Jenesis 18:25

Tutuani, iagho ginauna na theome falehedi naikno te doglo tuare baludi naikno te diꞌa re! Eghuteuna iagho na theome eni kaisei nafnata puhi ngala ranghidi naikno te doglo nei naikno te diꞌa teu gre. Iagho ginauna fatedi naiknogna nauthoglu igne mala eni ngala mare unha te doglo na!”

Eksodas 34:5

Aonu Lord ne soru mei ke lamnagna kaisei khoveo biꞌo, ne kegra jare balugna Moses. Eghuteuna Lord ne kiloni nanghagna thegna na, Lord.

Levitikas 10:3

Aonu mae Moses ne cheke eghu ka mae Eron, “Igne gaoghatho gna unha teke cheke eghu Lord ia: “ ‘Iara ginauna fakakhana te blahi iara ka iheire te mei namo ka iara na. Eghuteuna nogu naikno iara gre ginauna fafnaknoni nogu nolaghi iara na.’ ” Nu mae Eron ne au kmu kolho.

Fapea Samuel 10:12

Iagho thosei mhaghu! Iagho magra heta mala fakarhidi noda naiknora, nei nogna namono God ra. Lord ginauna eni unha te magnahagheni mana na.”

Fapea Samuel 15:26

Nu jame te theome kelitagna mana ka iara na, iara na lisa lao ghau thegu mala eni mana unha te ghathoni ka iara na.”

Fapea Kings 20:19

“Nu te ghathoni mae king na, gaoghathodi cheke igre na toghoni mana mala au fakeli fabrahu ka nakarhagna na neu ne cheke eghu, ‘Unha te chekeni Lord ka iagho igne keliu kolho.’ ”

Profet Jeremaea 34:6

Aonu mae profet Jeremaea tei Jerusalem ne tusu lao cheke igne ka King Sedekaea.

Profet Jeremaea 38:14

Ke leghugna igne, King Sedekaea ne kurudi keha mae mala athani mae profet Jeremaea tei ka fatilo grengatha gna nogna Sugablahi Lord na. Kate au teu phiamare na, king ne cheke eghu ka mana, “Profet, iara magnahaghei te ghusna nigho iagho kaisei faghusna, eghuteuna iagho mala cheke tughu fadoglo mei ka iara, iagho thosei pophoru kaisei glepo ka iara.”

Profet Jeremaea 42:4

Jeremaea ne cheke eghu, “Iara laseni unha te magnahagheni ghotilo na. Iara ginauna tore ka Lord nomi God, jateula te toreni ghotilo na eghu. Iara ginauna toutonu ka ghotilo gobigna lepo te chekedi mana re, eghuteuna iara na theome poruni kaisei glepo ka ghotilo.”

Ululahu Kronikols 19:13

Iagho thosei mhaghu! Iagho magra heta mala fakarhidi noda naiknora, nei nogna namono God teke tusu mei ka tahati igne. Iara laseni, Lord ginauna eni unha mana te magnahagheni.”