Ululahu Samuel 3:13 - Buka Blahi Ka Cheke Holo

¹³ Eigna iara neke chekehi ka mana, iara ginauna parani fabrahu tharaknagna mana na, naugna phei mae thugna mana igre ne goigonini nanghagu iara na. Eghuteuna mana lasediu ngala glepo te diꞌa te edi phiamare igre, nu mana ne theome chekedi phiamare neu.

Ululahu Samuel 3:13 ပူးပေါင်းရင်းမြစ်များ

Matiu 10:37

“Ihei te namhadi fara kmagna ba idogna ba thugna nalhaꞌu ba thugna gaꞌase ke tulaogu iarai na, mana theome nabagna te nogu mae fanomho iara na.

Proveb 19:18

Farirhiuni thumu na mala leghuni puhi te doglo na. Thosei lisa laoni mala faleheni thegna ka puhi te diꞌa.

Ululahu Samuel 2:12

Phei thugna mae Pris Eli igre theome mae pris keli, eghuteuna phiamare theome ghatho tahuni Lord.

Ululahu Samuel 2:17

Igne nakhibodi phei thugna mae Eli te thono diꞌa fara ka tathagna Lord na igre, naugna phiamae igre theome ghatho tahuni nogna fafara mana na.

Profet Esikiel 18:30

“Eghume iara ginauna fate ghami ghotilo gnafa naiknomi Israel ra, eidi unha teke edi ghotilo ra. Iara Lord God cheke kate tutuani ka ghotilo: Ghotilo mala figri leghu ka nakhibomi fateote'o. Jame te eghu ghotilo na, nakhibomi ghotilo igre ginauna theome tangomana te goigoni ghami ghotilo na.

Profet Esikiel 7:3

Narane te mala fagnafa ghami iara na la meihi. Ghotilo ginauna filoni te diꞌatagu fara iara ka ghotilo na, naugna iara fate ghami ghotilo leghudi glepo te diꞌa teke edi ghotilo ra. Eghuteuna iara ginauna para ghami ghotilo eidi puhi diꞌa fateote'o teke edi ghotilo kate tarai ra.

Proveb 29:15

Jame te fadoglini iagho sua na te purini na, sua igne ginauna hata gaoghatho te keli nei glalase eghu. Nu sua te theome fadoglini na, ginau famamajani idogna na.

Profet Joel 3:12

God ne cheke eghu, “Ghotilo naiknomi ka keha kantri ra tarabana mala tei ka glogu Jehosafat. Ka vido igne te mala gnokro soru iara te mala fatedi naiknodi kantri te au faligoho tafri igre.”

Eklesiasti 7:22

Naugna kmana fata iagho jaola cheke fadiꞌadi keha naiknore.

Fapea Kronikols 20:12

Nomi God, paradi sagho mare. Ghehati theome nheta te mala magra ka armi biꞌo te mei magra ka ghehati igne. Ghehati theome laseni unha nate eni na, nu ghehati filo ari ka iagho kolho te mala togho ghami na.”

Ululahu Kings 2:44

Iagho lasenihi glepo te diꞌa teke edi iagho ka mae kmagu iara mae Devet ia. Eghume gognarona Lord na para nigho iagho eigna igne.

Diutronomi 17:12

Ihei te theome magnahaghedi nei cheke fadiꞌadi teu unha te chekedi nogna mae mala fate ba nogna mae pris Lord nomi God ghotilo igre mala lehe. Igne unha te mala eni ghotilo na te mala hata fadelei puhi te diꞌa igne ka namonomi ghotilo re.

Diutronomi 21:18

Mae Moses ne cheke eghu, “Jame kaisei mae au kaisei thugna mae ihei te theome leghudi idogna kmagna re, neuba repa ne purini ngau mana.