Ululahu Samuel 3:12 - Buka Blahi Ka Cheke Holo

¹² Ka narane tuare, iara ginauna edi gobigna lepo teke chekedi iara ranghini tharaknagna mae Eli, eghuteuna theo kaisei glepo nate jafra na.

Ululahu Samuel 3:12 ပူးပေါင်းရင်းမြစ်များ

Luku 21:33

Maloa ghe nauthoglu gre ginauna hui, nu chekegu iara na ginauna theo ka huigna.”

Profet Sekaraea 1:6

Nu gobigna lepo teke cheke lao iara ka nogu mae profet tifa, mala cheke ka kuꞌemi ghotilo tekura, mare neke tirodi fanomho ka nodi cheke mare igre. Eghuteuna ka puhi igne, iara neke paradi mae kuꞌemi ghotilo ra. “Aonu mare lilisei puhidi mare te diꞌa igre, eghuteuna neke cheke eghu, Lord mae ihei te au nolaghi fateote'o igne, mana doglo kolho te para ghita tahati eidi puhida tahati te diꞌa re. Glepo igre, mana neke ghathodihi mala thoke mei tekuna, eghuteuna glepo igre la thoke meihi ne horoghoto ka unha teke chekeni mana na.”

Josua 23:15

Jateula tuana eghu Lord neke edi gobigna lepo te keli teke nhaꞌa chekedi mana re, puhi biꞌo te gnafa teke kulu cheke eidi ka ghotilo ra, mana ginauna tangomana te edi puhi biꞌo igre mala thoke ghami ghotilo nei goigonini nomi namono ghotilo igne jame te theome leghuni ghotilo mana na.

Naba 23:19

God na theome jateula naikno te lase chaghi ra eghu. Mana theome jateula tahati te lase tughu gaoghatho ra eghu. Unha glepo te nhaꞌa chekedi mana re, mana ginauna edi. Eghuteuna unha te chekedi mana re, ginauna thoke mei tutuani.

Profet Esikiel 21:5

Naugna igne naikno te gnafa ka nauthoglu ginauna laseni iara Lord, eghuteuna iara la tarabanahi te mala aknu falehe te hui naikno te gnafa re, eghuteuna iara ginauna na theome lisei fapulo nogu naflahi na ka vido mala augna na.’

Jajis 4:24

Eghuteuna funu ka narane igne te haghe na Israel ne rheta ne rheta fara ne ghilei tapla soruni nei goigonini eghu nogna nolaghi King Jabin.

Ululahu Samuel 4:11

Mae Hofni ghe mae Finihas, phei thugna mae Eli igre jaola ne lehe ka magra igne. Eghuteuna maedi Filistia igre hata ne tei nogna Bokis Blahi Lord na.

Ululahu Samuel 4:17

Mae igne ne cheke eghu, “Kmana mae noda soldia tahati ra la lehe, eghuteuna ghehati mae te karha teu aro ne rikhani armi gna Filistia na. Eghuteuna keha glepo na, phei mae thumu iagho ra la jaola lehe, eghuteuna maedi Filistia ra hata la tei nogna Bokis Blahi Lord ia.”

Ululahu Samuel 4:21

Naꞌa ne kiloni thugna na, Ikabod, gaoghathogna na, “Siasigla gna nogna nolaghi God na la dofini. Naꞌa nhaꞌa lao nangha igne naugna mae soldia di Filistia ra la hatahi Bokis Blahi na, eghuteuna naugna ivagna naꞌa ghe khetogna re jaola neke lehe.”