Ululahu Samuel 3:11 - Buka Blahi Ka Cheke Holo

¹¹ Eghuteuna Lord ne cheke eghu ka mae Samuel, “Fanomho fakeli. Theome raugha iara ginauna eni kaisei glepo te diꞌa fara ka naiknogna kantri igne. Eghuteuna kate nomhini naiknore glepo igne, mare ginauna rhana nodi fara tagna.

Ululahu Samuel 3:11 ပူးပေါင်းရင်းမြစ်များ

Profet Habaku 1:5

Lord ne cheke eghu, “Ghotilo nogu naikno iara ra. Ghotilo filo fakeli ka keha kantri are. Ghotilo ginauna rhana nomi ka unha nate filodi ghotilore. Uve, na theome raugha, kaisei glepo ginauna thoke mei. Kate nomho thoutonu eigna igne, ghotilo ginauna tiromi fatutuani kolho.

Mae Khuru 13:41

“ ‘Ghotilo naikno te maꞌeni God ra, filo mala jaglo nomi. Ghotilo ginauna lehe! Naugna iara na eni kaisei nogu gloku gognaro na. Eghuteuna neuba mare ne chekeni ka ghotilo eigna igne, ghotilo ginauna na theome fatutuanidi unha te nomhidire.’ ”

Profet Jeremaea 19:3

Igne thoutonu te magnahagheni iara te mala chekeni iagho na: Ghotilo mae king di Juda nei naiknomi Jerusalem teura, fanomho fakeli ka nogna cheke Lord igne. Lord mae ihei te au nolaghi fateote'o, nei nodi God mae Israel teu igne ne cheke eghu, ‘Iara ginauna eni kaisei puhi biꞌo mala thokeni namono igne. Eghuteuna ihei te nomhini thoutonu igne ginauna rhana fara.

Fapea Kings 21:12

Eghume igne unha te chekeni Lord, nodi God mae Israel: Iara ginauna hata mei kaisei hoholo te thono diꞌa fara ka naiknodi Jerusalem ghe Juda. Eghuteuna kate nomhini naiknore eigna igne, mare ginauna na jaglo nodi fara.

Luku 21:26

Gobigna lepo ka maloa gne ginauna kheu tongana ba nhogri. Naugna igne, naiknore ginauna mhaghu fara ghilei fnuda. Mare ginauna faꞌihodi ka ofoni teu unha nate eni ka nauthoglu tongana igne.

Profet Isaia 29:14

Eghume iara ginauna edi kmana glepo nate jaglo nodi fara mare na. Iara ginauna goigoni nodi glalase iheire te lalase, eghuteuna iara ginauna jaola fagnafadi nodi glalase mae iheire te au nodi glalase igre.”

Profet Isaia 28:19

Bongi narane na puhi biꞌo igne ginauna thoke ghami ghotilo ka namono igne.” Iheire naikno te lase fakelini gaoghathogna nogna cheke Lord igne, ginauna mhaghu nodi fara.

Ululahu Samuel 3:10

Eghuteuna ke leghugna igne, Lord neke pulo mei neke kegra ka vido igne neke kiloni mana jateula teke ululahu ia neu ne cheke eghu, “Samuel, Samuel.” Eghuteuna mae Samuel ne cheke eghu, “Cheke mei sagho Lord, iara nou mae gloku iagho, iara fanomho kobau ka iagho.”

Ululahu Samuel 4:10

Aonu mare tei neke magra, eghuteuna naugna te magra heta mare na, mare ne uludi hatimare maedi Israel. Mare ne aknu falehe tolufulu thogha soldia di Israel. Eghuteuna keha maedi Israel rikha ne tei ka nodi namono thedire.

Thoutonu Eigna Mae Job 41:9

Theome tutuani jame kaisei te mana tangomanau ngala te uluni Leviatana na teu ka gaoghatho gna na. Kate filoni kaisei mae glepo biꞌo igne, mana ginauna mhaghu fififri fara.