Ululahu Samuel 29:7 - Buka Blahi Ka Cheke Holo

⁷ Eghume, te keli na iagho ke pulo ka pharikeli. Eghuteuna iagho thosei eni kaisei glepo te mala fadiꞌa nagnafadi mae funeidi Filistia igre.”

Ululahu Samuel 29:7 ပူးပေါင်းရင်းမြစ်များ

Naba 22:34

Nu mae Balam ne cheke eghu ka engel na, “Uve, iara la jafrahi. Iara theome laseni te kegra teu iagho te fanogra ghau iara ka nabrou ia. Jame te theome doglo te tei iara na teu iagho na, iara ginauna ke pulo kolho ka namono eghu.”

Ululahu Samuel 29:6

Aonu mae Akis ne ehani mae Devet ne cheke eghu ka mana, “Iara magnahaghei nigho iagho te mei balugu ka magra. Nu te chekeni iara ka iagho na, ka nanghagna Lord mae ihei te karha te tifa, iara theome filoni kaisei glepo te diꞌa te eni iagho funu meimu ka iara te ghilei mei posa ka narane igne. Nu hatimare mae komanda igre theome keli tadi ka iagho.

Ululahu Samuel 29:8

Aonu mae Devet ne cheke eghu, “Funei, unha gne teke eni fadiꞌa iara na? Unha gne te filoni iagho teke eni iara funu ka narane te mei loku iara ranghi nigho te ghilei mei posa ka narane igne? Naugna unha site theome tei iara te magridi nogna naoka nogu funei gnea?”

Ululahu Samuel 1:17

Aonu mae Eli ne cheke eghu ka Hana, “Iara toreni noda God tahati maeda Israel mala tusu ranghi nigho unha te toreni iagho na.”