Ululahu Samuel 29:6 - Buka Blahi Ka Cheke Holo

⁶ Aonu mae Akis ne ehani mae Devet ne cheke eghu ka mana, “Iara magnahaghei nigho iagho te mei balugu ka magra. Nu te chekeni iara ka iagho na, ka nanghagna Lord mae ihei te karha te tifa, iara theome filoni kaisei glepo te diꞌa te eni iagho funu meimu ka iara te ghilei mei posa ka narane igne. Nu hatimare mae komanda igre theome keli tadi ka iagho.

Ululahu Samuel 29:6 ပူးပေါင်းရင်းမြစ်များ

Fapea Kings 19:27

“ ‘Nu iara lasedi gobigna lepo eimu iagho, unha te edi iagho nei aheva te tei iagho, nei puhi te cheke diꞌa tamu fara teu iagho ka iara ra.

Fapea Samuel 3:25

Iagho laseni puhigna mae Abna igne! Mana mei agne mala chaghi nigho iagho kolho. Mana mei mala filodi kolho gobigna lepo te edi iagho ka vido te gnafa aheva te tei iagho igre.”

Nodi Khoje Hatimare Mae Jiu 121:8

Lord ginauna reireghi ghita kate jiflada na ba kate ruma meida na, funu gognaro gne tifa e tifa.

Ululahu Samuel 20:3

Nu mae Devet ne cheke eghu, “Mae kmamu iagho na lase nigho iagho te namha ghau fara iara na. Mana jame theome falalase ka iagho unha te magnahaghei eni mana na. Naugna mana theome magnahaghei te diꞌa nagnafamu iagho na. Ka nanghagna Lord te karha, iara cheke kate tutuani, iara namo lehehi.”

Ululahu Pita 3:16

Nu ghotilo blaknoi famane cheke tughu balu ghaoghatho fakeli. Eghuteuna ghotilo mala doglo nei keli eghu nagnafami fabrahu. Naugna igne, naikno teke cheke fadiꞌa ghami ghotilo eigna unha te leghuni ghotilo mae Kraes na, mare ginauna na mamaja nodi fara.

Ululahu Pita 2:12

Gognaro na naikno te theome fatutuani ni God re cheke fadiꞌa ghami ghotilo fabrahu. Eghume puhimi ghotilo re mala keli nei doglo eghu ka tathadi naikno tuare mala tangomana mare te filodi glepo te keli te edi ghotilo re. Te eghu ghotilo na, ka narane ke pulo meigna mae Kraes na mare ginauna kilo fnaknoni God eidi puhimi ghotilo teke cheke fadiꞌadi mare tifa ra.

Matiu 5:16

Eghume, jateula tuana eghu, ghotilo mala falalase nakarhami na mala laseni naiknore te nogna naikno God ghotilo na, nei filo glani unha te keli te eni ghotilo na. Eghuteuna mare ginauna cheke fakelini mae Kmami, mae ihei te au kligna.”

Profet Jeremaea 12:16

Mare mala filo leghudi puhidi nogu naikno iara re. Tifa te mei na, mare neke farirhiudi nogu naikno iara re mala pogho soru ka god Baal, eghuteuna eni nodi nhaꞌa cheke na ka nanghagna Baal. Nu gognarona mare mala nhaꞌa cheke ka nanghagu iara Lord kolho.

Profet Isaia 65:16

Jame kaisei naikno ka kantri igne tore mala fablahi, mana tore ka nanghagna God mae Ihei te Cheke Tutuani. Eghuteuna jame kaisei naikno nhaꞌa cheke, mana ginauna nhaꞌa cheke ka nanghagna God mae Ihei te Cheke kate Tutuani. Puhi biꞌo te gnafa teke thokedi mare tifa ra ginauna hui, eghuteuna iara ginauna na jaola theome ghathodi.”

Profet Isaia 37:28

“Nu iara lasedihi gobigna lepo eimu iagho, unha te edi iagho nei aheva te tei iagho, nei puhi te cheke diꞌa tamu fara teu iagho ka iara ra.

Ululahu Samuel 29:3

Nu kate filoni mae Devet na, hatimare mae komanda ka armi gna Filistia igre ne cheke eghu, “Tore, mala tei aheva si charadi Hibru igrea?” Nu mae funei Akis ne cheke eghu, “Tifa na mae Devet gne neke kaisei nogna mae biꞌo mae king Sol, maegna Israel. Mana au raughahi balugu iara. Funu ka narane te au balugu iara te ghilei mei posa ka narane igne, iara theome filoni kaisei glepo te diꞌa te eni mana na.”

Ululahu Samuel 28:10

Mae Sol ne cheke eghu ka naꞌa, “Thosei mhaghu! Iara nhaꞌa cheke ka nanghagna Lord mae ihei te karha te tifa, theome tangomana kaisei naikno nate para nigho iagho eigna glepo igne.”

Josua 22:30

Kate nomhini pris Finehas baludi nabotho lida igre unha te chekeni kheradi mare igre, mare ne kelitadi fara. Eghuteuna mare ne cheke eghu ka mare, “Gognarona ghehati laseni Lord te au baluda tahati. Unha te eni ghotilo igne falaseni ghotilo te theome fariuriu te mala eni kaisei glepo te mala huhughuni mana. Ghehati laseni Lord te au baluda eghuteuna mana ginauna na theome para ghita gnafa.”

Diutronomi 10:20

Ghotilo mala ghatho tahuni Lord nomi God, nei leghudi unha te chekedi mana re. Ghotilo ghatho tahuni kolho mana. Eghuteuna nomi nhaꞌa cheke re, ghotilo edi ka nanghagna mana kolho.

Naba 27:17

Mala nu kulu ulu mana me batu fajifladi ba ke pulo mei eghu, jateula mae ihei te batudi mare ka magra ra eghu. Na eghunu fiti au tafri nou naikno iagho gre jateula sipu te theo ihei nga reireghidira eghu.”

Jenesis 16:6

Nu mae Ebram ne cheke eghu ka Sarai, “Tutuani, Hega gne nou naikno gloku iagho ngala. Eghuteuna iagho tangomana te eni unha te magnahagheni iagho na.” Aonu Sarai ne theome glepo bligi ranghini Hega, eghuteuna Hega ne rikha.

Ululahu Samuel 5:8

Aonu mare ne kurudi keha mae mala tei kilo glima king di Filistia mala mei faidu. Eghuteuna mare ne ghusna eghu ka mae king igre, “Unha nate eni tahati ka nodi Bokis Blahi maedi Israel igne?” Mae king igre ne cheke eghu, “Ghotilo hata fajifla Bokis Blahi tuana mala pala tei Gat.” Aonu mare pala ne tei Bokis Blahi igne Gat, kaisei nodi namono ulu mae Filistia.

Ululahu Samuel 29:7

Eghume, te keli na iagho ke pulo ka pharikeli. Eghuteuna iagho thosei eni kaisei glepo te mala fadiꞌa nagnafadi mae funeidi Filistia igre.”