Ululahu Samuel 29:4 - Buka Blahi Ka Cheke Holo

⁴ Nu hatimare mae komanda ne diꞌa tadi fara ka mae Akis. Aonu mare ne cheke eghu ka mana, “Iagho ke kuru fapuloni mala ke figri mana ka namono aheva teke tusu lao iagho ka mana na. Iagho thosei snakreni mae tuana mala tei baluda tahati ka magra. Glahu kate magra na, mana ginauna nake figri nake falehe ghita tahati. Jame te kusu mana graradi noda mae soldia tahati igre na, tuana kaisei puhi nate thofno kelitagna fara nogna mae funei na.

Ululahu Samuel 29:4 ပူးပေါင်းရင်းမြစ်များ

Ululahu Samuel 14:21

Eghuteuna keha mae Hibru teke folidi armigna Filistia teke tei magra baludi mare igre neke tughu gaoghatho. Aonu mare ne loku fodu baludi King Sol ghe mae Jonatan.

Ululahu Kronikols 12:19

Kani teke loku fodu mae Devet baludi mae king di Filistia te mala tei magra ka King Sol tifa na, keha mae ka vikegna mae Manase igre magnahaghei te mei mala loku fodu ka mana. Nu king di Filistia igre ne mhaghu nodi, glahu chaghidi mae Devet na lisa laodi ka khamegna King Sol, aonu mare ne kuru fapuloni mana ka namono Siklag, mala theome eni mana kaisei glepo te mala toghodi mare na.

Luku 16:8

“Aonu ke leghugna igne, nogna funei mae te chaichaghi igne ne fafnaknoi mana naugna mana ne mae hiohiro fara ne hiro dedi puhi igre. Naugna naiknogna nauthoglu igne hiohiro fara kate reireghidi nodi glokure ke uludi fara naikno te au ka naphae re.”

Ululahu Samuel 27:6

Aonu mae Akis ne snakreni namono Siklag ka mana. Funu ka narane tuana, namono Siklag igne nodi mae king di Israel ghilei mei posa ka narane gognarogne.

Ululahu Samuel 29:9

Mae Akis ne cheke eghu, “Tutuani fara, iara lase nigho iagho. Iara theome filoi kaisei glepo te jafra ka iagho. Te laseni iara na, iagho thofno keli fara ranghi ghau iara jateula kaisei engel nogna God eghu. Nu neuba, te chekeni mae komanda igre na, iagho theome nabamu te mei balumi ghehati ka magra na.

Ululahu Samuel 30:1

Kate tei teu delei mae Devet baludi nogna mae soldia igre balugna mae funei Akis igne, maedi Amalek igre mei ne snura ka nohi ke mata Juda nei Siklag. Mare ne theome aknu falehe naiknore. Nu mare ne kafe atha ne tei goro gaꞌase, sua nei mae biꞌo teu gna namono Siklag. Aonu mare ne faghamu khaꞌaghi nodi namono mare na. Kate posa mei mae Devet baludi nogna mae soldiare Siklag ka fatilo narane na,

Eksodas 1:10

Tahati na hironi kaisei puhi mala fakhusudi mare, glahu goigoni ghita mare. Jame te eghu tahati na, kate thoke mei magra na, mare ginauna loku fodu baludi noda naoka tahati gre mala magra ka tahati eghuteuna mare ginauna ulu ghita, eghuteuna mare ginauna nake khotogna noda namono tahati igne.”

Ululahu Kronikols 12:20

Vikegna mae Manase te loku fodu ka mae Devet re igre: Mae Adna, mae Josabad, mae Jediael, mae Maekol, nei keha Josabad, mae Elihu, nei mae Siletae. Mae igre lida ka kaisei thogha soldia eghu ka vikegna mae Manase.