Ululahu Samuel 29:3 - Buka Blahi Ka Cheke Holo

³ Nu kate filoni mae Devet na, hatimare mae komanda ka armi gna Filistia igre ne cheke eghu, “Tore, mala tei aheva si charadi Hibru igrea?” Nu mae funei Akis ne cheke eghu, “Tifa na mae Devet gne neke kaisei nogna mae biꞌo mae king Sol, maegna Israel. Mana au raughahi balugu iara. Funu ka narane te au balugu iara te ghilei mei posa ka narane igne, iara theome filoni kaisei glepo te diꞌa te eni mana na.”

Ululahu Samuel 29:3 ပူးပေါင်းရင်းမြစ်များ

Profet Daniel 6:5

Aonu phei mae funei igre baludi mae minista igre ne cheke eghu fari thedi, “Tahati theome tangomana te filoni kaisei najafra ka nogna gloku mana igre te mala hatini mana kau fate na. Tahati na hironi kolho ka puhi te leghuni mana nogna vetula God thegna igne.”

Ululahu Samuel 27:7

Mae Devet ne au soru ke lamnadi mae Filistia kaisei finogha fati nhigra.

Ululahu Pita 3:16

Nu ghotilo blaknoi famane cheke tughu balu ghaoghatho fakeli. Eghuteuna ghotilo mala doglo nei keli eghu nagnafami fabrahu. Naugna igne, naikno teke cheke fadiꞌa ghami ghotilo eigna unha te leghuni ghotilo mae Kraes na, mare ginauna na mamaja nodi fara.

Letas Teke Riso Tei Mae Pol Ka Khiloau Rom 12:17

Thosei tughu fapulo unha najafra teke eni ranghi ghami ihei na. Ghotilo eni ngala unha te keli ka tathadi naikno te gnafare.

Jone 19:6

Kate filoni mae Jisas na mae pris ulu nei mae pulis te reireghi gna Sugablahi na mare filo lao ka mae Jisas ne eha fabiꞌo, “Tupijuruni mae tuana! Tupijuruni mae tuana!” Mae Paelat ne cheke eghu ka mare, “Athani mana si ghotilo mala tupijuruni mana themi. Naugna iara theome filoni kaisei najafra ka mana te nabagna te mala fate faleheni mana na.”

Ululahu Samuel 25:28

“Iagho atha fadelei najafragu iara nou gaꞌase gloku iagho gne. Lord ginauna vahi nigho iagho mala king, leghu fata na, mana ginauna vahini koba kaisei mae ka vikemu iagho na te mala king na, naugna iagho ne magra jateula te chekeni mana na neu. Nakarhamu iagho ginauna keli fabrahu jame te theome eni iagho kaisei puhi te diꞌa na.

Ululahu Samuel 27:1

Nu mae Devet ne cheke eghu ka gaoghatho gna thegna na, “Keha narane mae king Sol ginauna falehe ghau iara. Te keli na iara na rikha tei au Filistia. Jame te tei au iara jare na, mana ginauna na theome hiro ghau iara agne Israel. Mana ginauna theome tangomana te goigoni ghau iara na.”

Ululahu Samuel 29:6

Aonu mae Akis ne ehani mae Devet ne cheke eghu ka mana, “Iara magnahaghei nigho iagho te mei balugu ka magra. Nu te chekeni iara ka iagho na, ka nanghagna Lord mae ihei te karha te tifa, iara theome filoni kaisei glepo te diꞌa te eni iagho funu meimu ka iara te ghilei mei posa ka narane igne. Nu hatimare mae komanda igre theome keli tadi ka iagho.

Ululahu Kronikols 12:19

Kani teke loku fodu mae Devet baludi mae king di Filistia te mala tei magra ka King Sol tifa na, keha mae ka vikegna mae Manase igre magnahaghei te mei mala loku fodu ka mana. Nu king di Filistia igre ne mhaghu nodi, glahu chaghidi mae Devet na lisa laodi ka khamegna King Sol, aonu mare ne kuru fapuloni mana ka namono Siklag, mala theome eni mana kaisei glepo te mala toghodi mare na.

Ululahu Kronikols 12:20

Vikegna mae Manase te loku fodu ka mae Devet re igre: Mae Adna, mae Josabad, mae Jediael, mae Maekol, nei keha Josabad, mae Elihu, nei mae Siletae. Mae igre lida ka kaisei thogha soldia eghu ka vikegna mae Manase.

Jenesis 14:13

Nu kaisei mae teke rikha ka magra na ne tei posa ka mae Ebram. Mana tei ne toutonu ka mae Ebram eigna mae Lot nei eidi phei namono Sodom ghe Gomora gre. Mae Ebram gne tei au neu rhegna nogna gaju biꞌo mae Mamre na. Mae Mamre gne kaisei mae ka vikegna mae Amo, eghuteuna mana au phei mae thabusigna, mae Eskol ghe mae Aner. Thilo mae igre kheragna fofodu mae Ebram.

Ululahu Samuel 4:6

Kate nomhini maedi Filistia igre naogla biꞌo igne, mare ne cheke eghu fari thedi, “Tore! Naugna unha si tela thagru fabiꞌo fara mae Hibru grea?” Eghuteuna kate nomhini mare Bokis Blahi igne tela meihi ka vido te au mae Israel igre na,

Ululahu Samuel 14:11

Aonu, phiamare kegra haghe ne tei. Eghuteuna kate filodi phiamare na, mare ne cheke eghu, “Ei, filo si ghotilo! Mae Hibru la jifla mei ka gluma aheva teke poru mare tagna na.”