Ululahu Samuel 29:1 - Buka Blahi Ka Cheke Holo

¹ Aonu armi gna Filistia ne loku fodu ka namono Afek, eghuteuna hatimare mae Israel ne mei lisei haghe nodi suga tapuale rhegna glokha khoꞌu Jesrel.

Ululahu Samuel 29:1 ပူးပေါင်းရင်းမြစ်များ

Ululahu Samuel 4:1

Eghuteuna kate cheke mae Samuel na, tharaknagna Israel igne ne kafe fanomho ka mana. Kaisei fata, maedi Israel igre ne tei magra ka maedi Filistia. Maedi Israel igre ne lisei haghe nodi suga tapuale re ka namono Ebenesa, eghuteuna maedi Filistia gre jaola ne lisei haghe nodi suga tapuale re ka namono Afek.

Ululahu Kings 21:1

Igne thoutonu eigna nogna nagare grep mae Nebot te au rhegna nogna suga biꞌo King Ehab jare Jesrel.

Ululahu Kings 20:30

Eghuteuna keha soldia di Siria te karha teura ne kafe rikha ne tei ka namono Afek. Nu gringni thinagna namono na ne grofo soru ne lehe keha varadaki fitu thogha ka mare. Eghuteuna King Ben-Hadad ne jaola ne rikha ne tei lamna namono biꞌo ne tei poru ka kaisei suga.

Josua 19:30

nei Uma, nei Afek nei Rehob. Varadaki phei namono baludi namono ikodi te au faligohodi mare igre au ka rijon tuana.

Josua 12:18

Afek ghe Lasaron,

Fapea Kings 9:36

Kate mei te cheke mare ka mae Jehu na, mana ne cheke eghu, “Igne unha teke chekeni Lord na, kani teke cheke eghu mana ka nogna mae gloku Elija tifa ia, khuma ginauna ghamu thinigna Kuin Jesebel na ka nohi Jesrel.

Fapea Kings 9:30

Mae Jehu ne tei thoke Jesrel. Eghuteuna kate nomhini Kuin Jesebel nonomho igne, naꞌa ne lalaoni phei tathagna re, eghuteuna pore fakeli khaklagna re. Aonu naꞌa kegra ka wida gna nogna suga na ne filo soru ka nabrou biꞌo na.

Ululahu Kings 21:23

“Lord ne cheke eghu eigna Kuin Jesebel, ‘Khuma ginauna mei ghamu thinigna Jesebel na ke kosi namono Jesrel.’

Ululahu Samuel 28:4

Aonu, kate nomhini king Sol te mei armi gna Filistia igne te au rhegna namono Sunem gne, King Sol jaola ne loku fodu nogna armi na ne mei au ka Thogele Gilboa.

Jajis 6:33

Theome raugha ke leghugna igne, armigna Midian, nei armigna Amalek, nei armigna ke maghati namono nagou teu igre ne kafe mei jateula kaisei armi biꞌogna Midian neu. Eghuteuna mare ne kasa ka Khoꞌu biꞌo Jordan ne au fodu ka sare biꞌo Jesrel.

Josua 19:18

Namono ke lamnagna rijon igne na: Jesrel, nei Kesulot, nei Sunem,

Ululahu Samuel 28:25

Naꞌa atha ne mei lilisei ke ulugna mae Sol nei phei nogna mae gloku mana re neu, aonu thilo mare ghamu ne boho. Kate ghamu te boho na, thilo mare ne jifla ka bongi tuanala.

Fapea Samuel 2:9

Jare mare ne fablahini mae Isboset mala nodi king mae Israel. Mae Isboset ne king frunidi phei rijon, Gilead ghe Jesrel. Mana jaola ne fiofilodi nohi Asa, Efrem nei Benjamin.

Fapea Samuel 5:17

Kate nomhini maedi Filistia gre te tofa oel mare ka mae Devet te mala king frunini Israel igne. Maedi Filistia igre haghe ne hironi mae Devet. Nu kate nomhini mae Devet igne, mana soru ne poru ka vido te keli.

Nodi Khoje Hatimare Mae Jiu 83:7

naiknodi Gebal, hatimare ka vikegna mae Amon, hatimare ka vikegna mae Amalek, naiknodi Filistia, nei naiknodi Taea.

Josua 17:16

Nu mare ne cheke eghu, “Neuba jame te eni ghehati tuana, theome naba glose malami ghehati ka thogele na are, eghuteuna ghehati jaola theome tangomana te au ka sare na. Naiknodi Kenan te au ka namono Bet-San baludi namono ikodi te au faligohodi mare are, eghuteuna naikno te au ka glogu Jesrel na are thono nheta fara naugna mare au chariot mala magra te horo mare ka aean.”

Jajis 7:1

Aonu hamerane boibongi ka keha narane, Gidion balugna nogna armi na kegra haghe ne tei au rhegna glokha khoꞌu Harod. Mare au rhegna thogele Gilead. Eghuteuna armigna Midian na au ka keha phile sare biꞌo ke raru Jesrel, rhegna kaisei thogele te kiloi More. Lord ne cheke eghu ka mae Gidion, “Gidion, nou armi iagho na thono biꞌo fara, iara theome tangomana te atha te salaꞌuni armi gna Midian. Jame te uluni mare magra na, mare gaoghathodi na ne uluni magra na ka nodi nolaghi thedi. Eghuteuna mare ginauna na theome ghatho tahu ghau iara. Iagho na cheke eghu ka nou armi na, ‘Tore! Jame keha mae ka ghotilo mhaghu nodi fara, mare tangomana teke figri ka nodi namono re!’ ” Aonu, kate cheke eghu mae Gidion ka mare igne varadaki phei thogha mae neke figri ka nodi namono re. Nabotho thogha kolho te au balugna mana na.