Ululahu Samuel 28:21 - Buka Blahi Ka Cheke Holo

²¹ Naikno biꞌo na ne mei rhegna mana. Eghuteuna kate filoni mana te mhaghu te salaꞌui fara na, naꞌa ne cheke eghu, “Funei, neuba iara ne luvuhi nakarhagu na, iara la enihi unha teke toreni iagho na.

Ululahu Samuel 28:21 ပူးပေါင်းရင်းမြစ်များ

Jajis 12:3

Eghume kate laseni iara te theome mei ghotilo te togho ghami ghehati na, neuba iara ne mhaghu, iara hata nogu soldia re neke tei magra ka mare. Eghuteuna Lord togho ghami ghehati neke uludi mare. Eghume naugna unha si ghotilo te magnahaghei mei magri ghami ghehati gognarognea?”

Thoutonu Eigna Mae Job 13:14

Iara tarabanau kolho eigna unha nate thoke mei ka iara na. Uve, iara sasaꞌa te mala lisa lao nakarhagu na.

Ululahu Samuel 19:5

Mana neke lisei faleghu nakarhagna na neke faleheni mae Golia. Ka narane igne Lord neke toghoni Israel neke uluni magra na. Kate filoni igne, iagho neke gleale'a fara. Mana theome eni kaisei glepo te diꞌa. Naugna unha sagho te magnahaghei faleheni mana gnea? Iagho theo kaisei nou gaoghatho te keli te mala faleheni mana na!”

Ululahu Samuel 28:20

Kate nomhini igne, mae Sol ne mhaghu nogna fara ne ghosei ne khoko soru pari ka glose na. Eghuteuna thinigna mana na jaola ne glaꞌe fara, naugna mana ne theome ghamu nei theome koꞌu neu kaisei narane thongana, nei kaisei bongi thonga na neu.

Ululahu Samuel 28:22

Gognaro na iagho eni unha teke chekeni iara na. Faꞌuveni katha vido gano nate tusu ari iara tamu na mala ghamu iagho ke rheta fapulo thinimu na.”

Fapea Kings 6:11

Eghuteuna king gna Siria filoni igne ne diꞌatagna fara, eghuteuna mana ne kilo meidi nogna mae ofisa re ne cheke eghu ka mare, “Cheke meini ka iara! Mae ihei ka ghotilo te toghoni koba king gna Israel igne?”