Ululahu Samuel 28:10 - Buka Blahi Ka Cheke Holo

¹⁰ Mae Sol ne cheke eghu ka naꞌa, “Thosei mhaghu! Iara nhaꞌa cheke ka nanghagna Lord mae ihei te karha te tifa, theome tangomana kaisei naikno nate para nigho iagho eigna glepo igne.”

Ululahu Samuel 28:10 ပူးပေါင်းရင်းမြစ်များ

Nonomho Te Keli Teke Risoi Mae Mak 6:23

Mana ne baubahu ka sua gaꞌase na ne cheke eghu ka naꞌa, “Unha te toreni iagho ka iara na, neubane thofno vidogna gobigna lepo te reireghini iara na, iara na tusu ari ka iagho.”

Matiu 26:72

Ka vido tuana mae Pita chaghi ne cheke eghu balu baubahu, “Iara theome laseni mae Jisas!”

Fapea Samuel 14:11

Nu naikno biꞌo igne ne cheke eghu, “King, iara magnahaghei nigho iagho te cheke faheta ka nanghagna God, nou Lord mala thosei faleheni keha thugu iara na. Tutuani, ka noda vetula tahati na, vikegu iara igre tangomana te faleheni thugu iara na mala ke tughu fapulo najafra teke eni mana na. Nu iagho thosei snakreni igne mala faleheni mare thugu iara na.” Aonu king ne cheke eghu, “Ka nanghagna Lord mae ihei te karha te tifa, iara cheke kate tutuani ka iagho, theo ihei nga nate habo lao te faleheni thumu iagho na.”

Ululahu Samuel 19:6

Mae Sol fanomho ka mae Jonatan neke figri gaoghathogna na. Aonu mana ne eni kaisei nhaꞌa cheke te rheta fara ne cheke eghu, “Ka nanghagna Lord, iara nhaꞌa cheke, iara ginauna na theome faleheni mana.”

Ululahu Samuel 14:39

Iara cheke tutuani ka nanghagna Lord, mae ihei te karha nei togho ghita mala uluni tahati magra na, iara nhaꞌa cheke ke ulumi ghotilo, mae ihei te eni glepo te diꞌa igne, mana mala lehe. Neubane thugu iara mae Jonatan, ba mae ihei, mana mala lehe!” Nu mare te gnafa na ne theome ghagri kaisei cheke.

Eksodas 20:7

“Thosei cheke faparini nanghagu iara na. Iara nomi Lord nei God eghu ghotilo. Tutuani, iara ginau na paradi naikno te cheke faparini nanghagu iara na.

Jenesis 3:5

Jame te ghamu ghopa sisi gna gaju igne na, tathami ghopa re ginauna na thofra fakeli, eghuteuna ghopa ginauna na laseni unha te keli na nei laseni unha te diꞌa na eghu, eghuteuna ghopa ginauna na lalase fara jateula God eghu. God na laseni igne, naugna igne mana lhotini ka ghopa te ghamu sisi gna gaju igne na.”

Ululahu Samuel 28:9

Nu naikno biꞌo igne ne cheke eghu ka mana, “Tore, iagho ihoni si teke khi fajifladi king Sol iheire te au meresin nei iheire te cheke ka naitu nhaghe teura? Iagho jau mei faꞌeiꞌei ghau iara mala mei mare falehe ghau iara eghu sini?”

Ululahu Samuel 28:11

Naꞌa ne cheke eghu ka mae Sol, “Ihei te magnahagheini iagho te mala kilo meini iara na?” Mae Sol ne cheke eghu, “Profet Samuel.”