Ululahu Samuel 27:8 - Buka Blahi Ka Cheke Holo

⁸ Ka narane te au mae Devet ka namono igre, mana neke tei baludi nogna mae soldia re neke magra ka vikegna mae Gesua, ka vikegna mae Giresi, nei ka vikegna mae Amalek. Mare au ka nodi namono mare te funu Telaem igre tei posa Sua nei tei posa Ijep.

Ululahu Samuel 27:8 ပူးပေါင်းရင်းမြစ်များ

Josua 13:2

Ghotilo theome athau nodi vido glose mae Filistia nei namono biꞌo Gasa, Asdod, Askelon, Gat, Ekron eghu te funei frunidi glima mae king igre nei nodi vido glose mae Gesu igre eghu. Ghotilo theome athau nodi namono mae Kenan te funu ka khoꞌu ikoi Sihon rhegna nohi fofotagna kantri Ijep te tei posa ke raru namono biꞌo Ekron. Eghuteuna ghotilo jaola theome athau vido ke mata te nodi hatimare mae Av.

Josua 13:13

Neuba, naiknodi Israel gre neke theome khi fajifladi naiknodi phei namono Gesu ghe Maka. Gognarona, naikno igre au soru baludi naiknodi Israel.

Jajis 1:29

Eghuteuna vikegna Efrem igne jaola theome khi fajifladi naiknodi Kenan te au ka namono Gesa igre. Eghume vike igre snakredi mare mala au kolho ka namono igne baludi mare.

Josua 16:10

Vikegna mae Efrem igre theome ngolhi teidi kolho naiknodi Kenan te au ka namono Gesa. Mare au fodu kolho baludi mare mei posa gognarogne, nu vikegna mae Efrem igne huhurudi naiknodi Gesa mala loku jateula naikno sneka eghu.

Ululahu Kronikols 2:23

Nu naiknodi phei namono biꞌo Gesua ghe Aram igre mei ne magra ne hata namno salei namono biꞌo igre. Naikno te au ka vido igre, vikegna mae Makia kmagna mae Gilead.

Fapea Samuel 15:8

Kani au teku iara Gesu, jare Aram ia, iara neke nhaꞌa cheke mala fafara ka Lord Hebron. Eghu jame teke hata fapulo ghau mana Jerusalem na.”

Fapea Samuel 14:32

Mae Absalom ne cheke eghu ka mana, “Iara phei fata faꞌari cheke ka iagho, nu iagho tirou mei filo ghau iara. Iara magnahaghei nigho iagho te tei cheke ka king nogu cheke iara igre, ‘Naugna unha sagho te hata fajifla ghau iara Gesu teke pulo mei iara agne gnea? Jame te keli na iara au teku kolho jare.’ Iara magnahaghei nigho iagho te togho ghau iara mala tei filoni mana. Jame te tapla jafra iara ka nakhibo na, mana tangomana te falehe ghau iara.”

Fapea Samuel 14:23

Aonu mae Joab kegra haghe ne tei Gesu neke hata fapuloni mae Absalom Jerusalem.

Ululahu Samuel 30:1

Kate tei teu delei mae Devet baludi nogna mae soldia igre balugna mae funei Akis igne, maedi Amalek igre mei ne snura ka nohi ke mata Juda nei Siklag. Mare ne theome aknu falehe naiknore. Nu mare ne kafe atha ne tei goro gaꞌase, sua nei mae biꞌo teu gna namono Siklag. Aonu mare ne faghamu khaꞌaghi nodi namono mare na. Kate posa mei mae Devet baludi nogna mae soldiare Siklag ka fatilo narane na,

Eksodas 17:8

Kate mei au mae Israel gre jare Refidim na, hatimare mae Amalek gre mei ne magra ka mare.

Eksodas 15:22

Ke leghugna igne mae Moses ne baubatudi naiknodi Israel gre funudi ka Thongna Ukru na ne tei thoke ka namono nagou te kiloi Sur. Mare ne tei naba thilo narane ke lamnagna namono nagou na, nu mare ne theome te filoni kaisei khoꞌu na.

Josua 12:5

Mana funei frunidi Thogele Hemon, namono Saleka nei nohi Besan tei posa ka vido te au naiknodi Gesu ghe Maka. Eghuteuna mae igne jaola funei ka nohi Gilead tei posa ka nohigna nogna kantri mae king Sihon.

Ululahu Samuel 29:6

Aonu mae Akis ne ehani mae Devet ne cheke eghu ka mana, “Iara magnahaghei nigho iagho te mei balugu ka magra. Nu te chekeni iara ka iagho na, ka nanghagna Lord mae ihei te karha te tifa, iara theome filoni kaisei glepo te diꞌa te eni iagho funu meimu ka iara te ghilei mei posa ka narane igne. Nu hatimare mae komanda igre theome keli tadi ka iagho.

Fapea Samuel 3:3

Fapea na mae Kiliab, mana neke karha ka Abigel glehe kokoi mae Nabal ka namono Kamel. Fatilo na mae Absalom, mana neke karha ka Maka, thugna gaꞌase king Talmae, ka namono Gesu.

Fapea Samuel 3:22

Theome raugha ke leghugna igne, mae Joab neke pulo mei funugna ka magra balugna keha mae biꞌo ka armi. Mare atha ne mei baludi kmana glepo teke hata mare ka magra igne. Ka narane igne mae Abna theome au balugna mae Devet jare Hebron, naugna mae Devet neke kulu cheke ka nogna soldiare mala thosei eni kaisei glepo te diꞌa ka mae Abna, neke ghilei ke kuru fapuloni.

Fapea Samuel 8:12

Mana hata gol nei silva teu igre ka namono Idom, Moab, Amon, Filistia, nei Amalek. Mana jaola neke tusu ranghi Lord glepo teke hata mana ka king Hadadesa, thugna mae Rehob, king gna Soba.

Naba 13:29

Eghuteuna ghehati filodi vikegna Amalek gre au ke mata, eghuteuna vikegna mae Het, baludi vikegna mae Jebus nei vikegna mae Amoa teure au ka thogele, eghuteuna vikegna mae Kenan gre au ka geri thongna nei ka geri khoꞌu Jordan.”

Naba 14:45

Kate thoke mare ka thogele Kenan, mae ka vikegna mae Amalek ghe mae Kenan te au ka thogele re soru mei ne magra ne uludi mare, aonu mare ngholi fapulo naiknodi Israel gre ne thoke ka namono Homa.