Ululahu Samuel 27:1 - Buka Blahi Ka Cheke Holo

¹ Nu mae Devet ne cheke eghu ka gaoghatho gna thegna na, “Keha narane mae king Sol ginauna falehe ghau iara. Te keli na iara na rikha tei au Filistia. Jame te tei au iara jare na, mana ginauna na theome hiro ghau iara agne Israel. Mana ginauna theome tangomana te goigoni ghau iara na.”

Ululahu Samuel 27:1 ပူးပေါင်းရင်းမြစ်များ

Profet Isaia 51:12

Lord ne cheke eghu ka nogna naiknore, “Kaisei iara ngala te kokhoni ghami nei farheta ghami teu ghotilo na. Eghume naugna unha si ghotilo te mhaghudi naikno grea? Naikno tuare ginauna ghosei lehe dofidi jateula buburu te theome au raugha ra eghu kolho.

Ululahu Samuel 23:17

Mae Jonatan ne cheke eghu ka mana, “Thosei mhaghu, mae kmagu iara na theome tangomana te falehe nigho iagho na. Eigna iagho ginauna mala king gna Israel, eghuteuna iara mala mei fapea ka iagho.”

Proveb 13:12

Naikno na diꞌanagnafa gna fara kate theome hata unha teke rouronuni na. Nu jame te hata mana glepo igne na, mana ginauna gleale'a fara.

Ululahu Samuel 29:2

Glima mae funeidi Filistia re jifla ne tei ka magra balu nodi soldiare. Mare au ka tothoghei kaisei thogha nei kaisei gobi soldia. Eghuteuna mae Devet balugna nogna mae soldiare ne loku fodu baludi mare ne tei ke leghugna mae funei Akis.

Ululahu Samuel 25:30

Lord ginauna na jateula teke nhaꞌa chekeni thegna ia eghu edi glepo te keli ranghi nigho iagho, mana ginauna vahi nigho iagho mala king gna Israel.

Ululahu Samuel 22:5

Nu profet Gad ne mei filoni mana ne cheke eghu, “Iagho thosei au ka vido igne. Iagho ke pulo ka nohi Juda.” Aonu mae Devet jifla jare ne tei au ka nathuꞌa Heret.

Ululahu Samuel 16:13

Aonu mae Samuel atha oliv oel ne tofa ka phaꞌugna mae Devet na ke uludi mae thabusigna manare. Funu ka narane igne, Tharunga gna Lord na ne mei au fabrahu balugna mana. Ke leghugna igne, mae Samuel neke pulo Rama.

Ululahu Samuel 16:1

Aonu Lord ne cheke eghu ka mae Samuel, “Iagho diꞌanagnafani fabrahu mae Sol, nu iara theome magnahagheni mana te king gna Israel gognarona. Iagho hata oliv oel mala tei hironi mae Jesi ka namono Betlehem. Iara vavahi kaisei mae ka thugna mana ra, eghuteuna iagho tofa oel ka pha'ugna mana na mala king gna Israel.”

Eksodas 14:12

Ame jifla nga tahati teku ia, ghehati neke kulu cheke nighohi eidi glepo nate thoke mei ka tahati gognaro gre! Jame nabami na ghehati gne neke mala au sneka neku kolho Ijep. Eigna theome keli te mei lehe ghehati ka namono nagou igne na.”

Fapea Korin 7:5

Kate tei posa ghehati Masidonia na, ghehati neke theome gnafa. Naugna thua nafnata puhi te edi ka vido tuana. Naiknore mei fapoaphola balumi ghehati eghuteuna ghehati themi na nanga nomi fara.

Nonomho Te Keli Teke Risoi Mae Mak 4:40

Aonu mae Jisas ne cheke eghu ka nogna mae fanomhore, “Naugna unha site mhaghu fara ghotilo gnea? Theome fatutuani ngala si ghotilo ia?”

Matiu 14:31

Mae Jisas ngafa lao ne loku ka mae Pita. Mae Jisas ne cheke eghu ka mana, “Ghema, nou fatutuani iagho na ikoi fara! Thosei ghatho peapea!”

Naba 14:3

Mala unha eghu si Lord te atha ghita tahati te tei ka vido tuana ia? Jame te age tahati na mare ginauna falehe ghita gnafa, eghuteuna mare ginauna atha khetoda, nei thuda teu tahati re. Te keli na tahati ke pulo kolho Ijep!”

Ululahu Samuel 26:19

Nogu funei nei nogu king, iagho fanomho ka cheke nate chekeni iara igne. Jame teke gaoghatho Lord te mala diꞌatamu iagho ka iara na, kaisei fafara jame teke figrini gaoghathogna mana na mala teke keli ka iara na. Nu jame teke keha maei kolho te eni ka iagho te mala diꞌatamu ka iara na, lisa lao ka Lord mala thoke mei puhi biꞌo ka mare. Naugna mare ne khi fajifla ghau iara ka namono gna Lord na, eghuteuna mare eni igne mala tei tarai iara ka keha god delei.

Ululahu Samuel 29:3

Nu kate filoni mae Devet na, hatimare mae komanda ka armi gna Filistia igre ne cheke eghu, “Tore, mala tei aheva si charadi Hibru igrea?” Nu mae funei Akis ne cheke eghu, “Tifa na mae Devet gne neke kaisei nogna mae biꞌo mae king Sol, maegna Israel. Mana au raughahi balugu iara. Funu ka narane te au balugu iara te ghilei mei posa ka narane igne, iara theome filoni kaisei glepo te diꞌa te eni mana na.”

Ululahu Samuel 20:3

Nu mae Devet ne cheke eghu, “Mae kmamu iagho na lase nigho iagho te namha ghau fara iara na. Mana jame theome falalase ka iagho unha te magnahaghei eni mana na. Naugna mana theome magnahaghei te diꞌa nagnafamu iagho na. Ka nanghagna Lord te karha, iara cheke kate tutuani, iara namo lehehi.”

Ululahu Kings 12:26

Mae Jeroboam ne cheke eghu ka nagnafagna na, “Nogu naikno iara igre ginauna nake figri ke pulo ka vikegna King Devet.

Ululahu Kings 12:28

Kate ghaoghatho fakelini igne, mae Jeroboam ne edi phei mumuju buluka nalhaꞌudi ka gol. Aonu mana ne cheke eghu ka naiknore, “Kmana fata ghotilo tei tarai koba Jerusalem, nu gognarona ghotilo thosei ke tei jare. Filo si ghotilo. Igre phei nomi god ghotilo maemi Israel ra. Phiamare neke hata kuꞌemi ghotilo tifa ra neke jifla Ijep.”

Ululahu Kings 19:3

Kate nomhini mae Elija cheke igne, mana ne mhaghu nogna fara ne rikha. Mana hata balugna nogna mae gloku na, eghuteuna phiamare rikha ne tei ke mata Juda. Eghuteuna mana ne snakreni nogna mae gloku na mala au ka namono biꞌo Bereseba.

Fapea Kronikols 25:17

Amasaea king gna Juda nei hatimare nogna mae mala tusu lao gaoghatho te keli ka mana igre eghu ne ghaoghaho mala tei magra ka maedi Israel. Aonu mana ne kurudi keha mae ne tei filoni King Jehoas gna Israel, mala cheke eghu ka mana, “King Amasaea magnahaghei te mei magra ka iagho.”

Nodi Khoje Hatimare Mae Jiu 55:7

Jame te eghu na, iara ginauna na flalo tei fabrahu ka vido te gou mala au nogu jare.