Ululahu Samuel 26:8 - Buka Blahi Ka Cheke Holo

⁸ Mae Abisae ne cheke eghu faꞌikoi ka mae Devet, “Ka bongi gognarogne God snakreni nou naoka iagho igne ka nou nolaghi iagho. Snakre ghau iara sagho mala fada balu gloseni iara ka nogu goru gne. Iara tangomana te kaisei fata fada nu la lehe la mana teuna.”

Ululahu Samuel 26:8 ပူးပေါင်းရင်းမြစ်များ

Ululahu Samuel 24:4

Nogna soldia mae Devet igre ne cheke faꞌikoi eghu ka mana, “Igne nou narane iagho te mala faleheni mana na! Lord neke chekenihi te mala lisa ari ka khamemu iagho nou naokare tekuna. Iagho tangomana te eni unha te magnahagheni iagho na.” Aonu mae Devet thoghei ne tei ke leghugna mae Sol ne kusu katha vido ka nogna pohe mana na, nu mae Sol ne theome laseni igne.

Ululahu Samuel 26:23

Lord na toghoni ihei te doglo nei ghatho tahuni mana teuna. Mana neke lisa mei nigho iagho ka nogu nolaghi iara, nu iara neke theome falehe nigho iagho, naugna Lord ngala teke vahi nigho iagho teke king na.

Ululahu Samuel 23:14

Mae Devet tei ne au Sif ka namono nagou na, mana tei ne poru ka thogele holo ka kaisei vido te keli. Leuleghu narane na mae king Sol ne hironi fabrahu mana, neuba God na theome snakreni mae king te athini mana na.

Jajis 1:4

Lord toghodi phei vike igre ne uludi naiknodi Kenan nei naiknodi Peris. Uve, ka narane tuana mare ne aknu falehe nabotho thogha mae ka namono Besek.

Josua 21:44

Lord ne tusu ranghidi pharikeli heva heva ke lamnadi glose aheva teke nhaꞌa cheke mana ranghidi kuꞌedi mare tifa ra. Eghuteuna ka narane igre, theo kaisei naoka te tangomana te uludi mare na, naugna Lord neke toghodi neke uludihi mare nodi naoka mare igre.

Diutronomi 32:30

Ghathodi nogu ghusna iara gre. Faꞌunha eghu tangomana kaisei soldia kolho te uludi kaisei thogha mae ka magra na? Faꞌunha eghu tangomana phei soldia kolho te ngolhi teidi nabotho thogha mae ka magra na? Ghotilo mala filo glani tuana: Glepo igne na thoke mei naugna Lord nomi vido keli mala poru ghotilo naiknomi Israel igne tei koko ghami ghotilo.

Letas Teke Riso Tei Mae Pol Ka Khiloau Rom 11:32

Eigna God gne neke snakredi naikno te gnafare mala huhughu fabrahu ka mana mala tangomana mana te kokhonidi ke leghu na.

Profet Nahum 1:9

Ihei te roghe poru mala eni puhi te diꞌa na ranghini Lord teu na, Lord ginauna goigonini mana. Eigna theome tangomana kaisei naikno te phei fata eni puhi te diꞌa ranghini Lord na.

Nodi Khoje Hatimare Mae Jiu 31:8

Iagho neke theome snakredi mae nogu naoka iara re mala loki ghau iara. Iagho neke togho ghau iara neke fakarhi ghau iara.

Ululahu Samuel 26:7

Aonu ka bongi tuana, mae Devet ghe mae Abisae ne ruma ka vido te au teu mae Sol igne. Mae Sol ne thuru fari hotei balu nogna goru te farafa haghe teu rhegna pha'ugna na. Mae Abna baludi mae soldia re thuru faligohoni neu mana.

Ululahu Samuel 26:9

Nu mae Devet ne cheke faꞌikoi eghu ka mana, “Theo, iagho thosei faleheni mana! Eigna God ginauna parani ihei te faleheni king teke vavahi mana na.

Fapea Samuel 16:9

Mae Abisae, thugna Seruia igne ne diꞌatagna ne cheke eghu ka mae king, “Mae igne kaisei mae diꞌa fara, naugna unha sagho te snakreni mae igne te cheke fadiꞌa nigho iagho gnea? Snakre ghau iara sagho mala tei kusu iara graragna mae tuana!”

Profet Jeremaea 40:15

Mae Johanan ne cheke faꞌikoi eghu ka mana, “Iagho tangomana te snakre ghau iara te mala tei faleheni mae Ismael na, ba theo? Ginauna theo kaisei naikno nate laseni glepo igne. Theome keli iagho te snakreni mana te aknu falehe nigho iagho na. Eghuteuna naiknodi Juda te au balumu iagho igre ginauna rikha sopa thei, eghuteuna tahati naiknoda Juda te au nga teu igre ginauna kokhoni ghita fara.”

Ululahu Samuel 24:5

Ke leghugna igne, mae Devet ne funu diꞌanagnafa eigna unha te eni thegna na.