Ululahu Samuel 26:24 - Buka Blahi Ka Cheke Holo

²⁴ Ginei ia iara neke ghatho tahuni nakarhamu iagho na. Eigna iara magnahagheni Lord te ghatho tahuni nakarhagu iara na mala atha fajifla ghau ka puhi te thoke ghau iara igne.”

Ululahu Samuel 26:24 ပူးပေါင်းရင်းမြစ်များ

Matiu 5:7

Keli tadi iheire te namhadi nei lolokelidi teu keha naiknore. Naugna God ginauna jaola nake namhadi nei lolokelidi eghu mare.

Thakle 7:14

Iara ne cheke eghu ka mana, “Mae biꞌo, iara theome lasedi. Iagho ngala te lasedire.” Mana ne cheke eghu ka iara, “Naikno igre neke theome lehe ka papara biꞌo. God neke hata fadelei nakhibodire naugna Lam na neke thofa dadaragna na neke lehe. Eghume gognaro na mare klino fara ke ulugna God.

Fapea Tesalonika 3:2

Ghotilo jaola tarai ghami mala tangomana God te bara fothi ghami ka puhidi naikno te diꞌare, naugna naiknore theome kafe fatutuani ni u Nonomho te Keli gne.

Mae Khuru 14:22

Phiamare ne toutonu ranghidi naikno khiloaudi thilo namono tuare mala rhetau nodi fatutuani na. Mae Pol ghe mae Banabas ne cheke eghu, “Ghotilo hetau ngala nomi fatutuani na ka mae Jisas. Naugna tahati naikno te leghuni mae Jisas gre mala ruma ke lamnadi thuagna naꞌau papara gre ame tangomana nga tahati te hatini u thofno karha te funei frunini God na eghu.”

Matiu 7:2

Unha puhi teke fateni ghotilo naikno tuana, God ginauna nake fate ghami la ghotilo ka puhi tuana. Unha vetula teke fateni ghotilo naikno na, God ginauna jaola nake fate ghami ghotilo kau vetula tuana.

Nodi Khoje Hatimare Mae Jiu 144:2

Mana ngala te baubatu ghau nei reireghi ghau teu iara na. Uve, mana ngala te mala fakarhi ghau nei nogu vido mala poru la ngau teu iara na. Iara na tei au fakeli ka mana, naugna iara ne au nogu grouronu biꞌo ka mana. Manau ngala te tusu mei nolaghi ka iara na te mala funei frunidi iara naiknodi keha kantri gre.

Nodi Khoje Hatimare Mae Jiu 54:7

Iagho neke hata fadelei ghau iara ka puhi teke edi mare ranghi ghau iara ra, eghuteuna iara filodi nogu naoka iara ra la theo nafudi kolho.

Nodi Khoje Hatimare Mae Jiu 18:48

Iagho neke hata fapulo ghau iara ka khamedi nogu naokare. Tutuani fara, God, iagho neke fafnakno ghau iara ka tathadi nogu naokare. Iagho neke togho ghau iara neke theome tangomana naiknore te magra falehe ghau iara na.

Nodi Khoje Hatimare Mae Jiu 18:25

God, ihei te au balumu fabrahu, iagho na au balugna mana fabrahu. Ihei te eni puhi te doglo na iagho tabani mana ka puhi te doglo.

Nodi Khoje Hatimare Mae Jiu 18:1

God, iara namha nigho fara. Iagho ngala nogu nolaghi iara na.

Jenesis 48:16

Iagho neke thakle ka iara jateula kaisei engel neku neke fakarhi ghau iara ka hoholo ra. Gognaro gne iagho fablahidi phei mae sitei igre. Iagho mala jaola mala fablahidi thudi phia mare re mala kaisei vike biꞌo fara ginauna. Mare ginauna mala theome ghatho ihoni nanghagu iara na, nei nanghagna mae Ebraham nei nanghagna mae Isak.”

Ululahu Samuel 18:30

Kmana fata, mae komanda ka armi gna Filistia igne mei magra koba ka mae Israel. Nu mae Devet uludi koba mare. Mana ne aknu falehe kmana mae soldia fara, salaꞌudi keha nogna mae komanda mae king Sol. Naugna igne, naikno te gnafare ghatho tahuni fara mana.

Ululahu Samuel 24:16

Kate cheke te gnafa mae Devet cheke igre, mae Sol ne cheke eghu, “Thuguo Devet, naoglamu iagho site nomhini iara ignea?” Aonu mana ne tanhi fabiꞌo fara.

Fapea Samuel 4:9

Nu mae Devet ne cheke eghu ka phiamare thabusigna igre, mae Rekab ghe mae Bana, “Ka nanghagna Lord, mae ihei te karha te tifa, nei hata fajifla ghau iara ka puhi te biꞌo igre, iara cheke kate tutuani fara ka ghopa.

Nodi Khoje Hatimare Mae Jiu 34:20

Lord na famane reireghi fakelidi thinidire, nei na theome snakreni kaisei nhubradi klopa na eghu na.