Ululahu Samuel 25:41 - Buka Blahi Ka Cheke Holo

⁴¹ Aonu Abigel pogho soru ne cheke eghu, “Keliu kolho. Iara jateula nogna gaꞌase gloku eghu kolho mana. Iara tarabana mala titihi ghahedi nogna mae gloku mana re.”

Ululahu Samuel 25:41 ပူးပေါင်းရင်းမြစ်များ

Ululahu Timoti 5:10

Eghuteuna naiknore filo glani naꞌa tangomana te edi gloku te kelire. Nafnata gloku jateula igre eghu te mala reireghi fakeli thugna, nei farumadi naikno phosa ka sugagna na, nei fafnaknodi naikno khiloaure kate titihi ghahedire, nei mala toghodi naikno te au puhi biꞌo ka nakarhadire. Uve, nafnata thau te fariuriu edi fabrahu thua nafnata gloku te keli.

Thoutonu Eigna Rut 2:10

Eghuteuna Rut tufru soru pari ne cheke eghu ka mae Boas, “Iara gaꞌasegu ka keha vidoi. Naugna unha sagho te keli fara ranghi ghau iara gnea?”

Proveb 18:12

Jame mae te fahaehaghe te pala hagheni nanghagna thegna, ke leghu na ginauna krofu pari. Iagho theome naba te hata nangha biꞌo na jame te theome kulu nhaꞌa fapari nigho themu na.

Proveb 15:33

Mae te ghatho tahuni Lord na, mana leghuni nabrou te mala hata famane gaoghatho te keli nei glalase. Te theome nhaꞌa fapari nigho iagho themu na, iagho na theome fnakno nanghamu na.

Jenesis 18:4

Iara ginauna na chekeni kaisei nogu mae gloku mala hata mei keha khoꞌu te mala titihi ghahe ghotilo na. Ghotilo tangomana te lao gnafa nomi ghu ke parigna u gaju igne.

Thoutonu Eigna Rut 2:13

Aonu Rut ne cheke eghu ka mana, “Mae funei, iagho thofno keli fara ranghi ghau iara, neubane theome kaisei nou naikno gloku iagho ngau iara, iagho ne thoghei ne famane cheke ranghi ghau iara. Eghume iara gognaro na thofno glealeꞌa fara gaoghathogu na.”

Nonomho Te Keli Teke Risoi Mae Mak 1:7

Mae Jone toutonu ne cheke ka naiknore, “Mae ihei nate mei ke leghugu iara na mana mae ke biꞌogu iarai. Iara theome nabagu te pogho soru te rurutha nogna sadol mana na.

Ululahu Samuel 25:23

Kate filoni mae Devet na, Abigel ghosei ne krofu soru ka nogna dongki na ne pogho soru pari ke ulugna mae Devet ne cheke eghu, “Funei, fanomho mei ka iara! Glepo igre nogu najafra iara!

Ululahu Samuel 25:40

Nogna soldia mana re ne tei ka namono Kamel ne cheke eghu ka Abigel, “Mae Devet kuru mei ghami ghehati mala tore nigho mala tolaghi ka mana.”